驚悚X懸疑《聽說過日本的恐怖樂園嗎》

廢青一大個 2019-02-23 02:32:16

我都記得即刻厹格出晒黎

屌爆芝麻人 2019-02-23 07:36:30

綺琪幾時有出現過?

橘子綠茶 2019-02-23 11:54:27

係呀，有天韻BB仲唔夠

抵佢＿

橘子綠茶 2019-02-23 16:32:28

綺淇係《聖地牙哥鬼屋》嘅女主角之一，
無睇唔緊要，下章會解釋重點

當然睇埋就最好啦

比人追住黎含 2019-02-23 21:24:14

輕輕一推

快樂女童 2019-02-23 21:32:29

推

橘子綠茶 2019-02-23 22:24:39

《你聽說過嗎？奈良夢幻樂園》
52 解開謎團

神秘綺淇的出現，儘管未能殺死日本武士，但成功將我們三人從死亡關頭拉出來，並且把我們帶出醫院。

我們離開鬼屋區，進入樂園的另一區，計劃先緊急止血和包紮傷口，便逃出樂園。

趁著處理傷勢的同時，綺淇續一解開謎團。

＊＊＊
此故事只適合十八歲或以上人士觀看。此故事內容可能令人反感；不可將此故事的內容派發、傳閱、出售、出租、交給或借予年齡未滿十八歲的人士或向該人士出示、播放或放映。
＊＊＊

「樂園要你哋殺死日本武士，呢個指令好聰明，」綺淇彎下腰，手法純熟地處理里奈背上的傷口，先是替她消毒，說：「日本武士嘅來歷我哋唔清楚，淨係查到佢越嚟越失控，亂咁殺人，連樂園啲員工都殺，搞到園方逼於無奈要殺咗佢，但又唔想犧牲自己人，所以就叫你哋搞掂佢，一舉兩得。」我留意到綺淇使用了「我們」，而不是「我」。

她道出這一關指令的背後原因，最終無論是我們抑或日本武士死亡，對園方來說都沒有任何損失，反倒賺了一場表演直播的收入。

解釋指令後，綺淇準備由頭說起，她先問Octivia：「佢哋知幾多？」

Octivia坐在一角背向我們，揭開衣服檢查胸前的傷勢，答：「好表面嗰層咋。」

二人簡單兩句便能交代訊息，看來是認識很久，很了解對方才能建立出的默契。

綺淇點點頭，略過我們所知的，即Octivia口中「很表面」的資訊。包括園方是一班經營Deep Web的生意人，而客人分開兩批，一批是親身入園，目擊甚至加入虐殺的有財有勢之人；另一批則網上付款，透過網絡觀賞直播，或投票殺人方式等。

綺淇把乾淨的毛巾遞給里奈，讓她自行擦拭血跡，看來冰冷的臉蛋下，她是個細心、會照顧別人的女生。她說：「喺呢個樂園搞事嘅人好早已經存在，而且佢哋嘅總部係喺美國。呢班人，遠比你哋想像中複雜——」

Octivia打斷綺淇，對我們補充道：「之前我哋咪提過聖地牙哥鬼屋嘅，嗰班幕後黑手同呢班人係同一班人。」

里奈趴在長桌上，抬頭看向Octivia，水靈靈的大眼眨了眨，「咩呀，又話嗰度俾人搗破咗嘅？」

「好可惜，係拉唔盡佢哋。」綺淇苦笑，「佢哋見美國查得咁緊，改為快閃模式咁不停轉移陣地，每次去唔同國家，好似今次咁就嚟咗日本，我哋同班國際刑警都差啲追蹤唔到。而且可以嘅話，直接殺死佢哋先係最有效嘅報仇方法，而唔係就咁叫警方拉走佢哋。」

咦？這麼說綺淇並不是警察，那麼，她的身份到底是甚麼啊？為甚麼她愈解釋，我的黑人問號會愈多啊？

我轉彎抹角地問：「報仇？報咩仇呀？」

我忍著痛把消毒藥水抹在傷口上，很後悔剛剛沒有尋回被切掉的耳朵，這樣或許有一線機會可以駁回到身上。

Octivia也為刀傷消毒，「綺淇係唯一一個，成功走出聖地牙哥鬼屋嘅生還者，當時佢細佬都喺入面。」

原來如此！這個答案，說明了綺淇之所以突然出現在這裡的原因：她的親人被鬼屋那班人殺死，而幕後黑手來到日本這裡繼續作惡，她跟過來報仇。

里奈把話題拉回來，「你話嗰班人比我哋想像中複雜，又係咩意思呢？」

「佢哋唔淨止係生意人，」綺淇搖搖頭，「應該話，呢盤生意只係副業先啱，佢哋真正嘅身份，係一班政府高官、一班有影響力嘅有錢人，而無論係嗰間鬼屋，抑或呢個樂園，都係一種制度，我哋嘅敵人唔止係一班變態有錢或有權力嘅人，而係一個綜合體。」

我不禁吐糟，「講乜鳩呀⋯⋯」

綺淇開始替里奈的傷口縫針，見到里奈咬緊牙關也不肯喊痛的堅強，我的心突然揪了一下。

綺淇換了說法，「總之，呢度除咗俾人享受殺人樂趣同賺錢，亦係用嚟完成某啲政府目的嘅地方。你以為你可以暢所欲言，做乜都得咩？錯喇，點解世界各地每日有咁多失蹤案吖？有無人敢報導一下，某部分人做咗啲咩之後，就『被失蹤』呢？就算依家畀個電話你報到警，最後都無人嚟救你，因為佢哋同警局、媒體全部串通好晒，唔係，應該話，佢哋本身就係警察同報館。」

本來我已經猜到，管理樂園那班人，應該是一個很龐大的黑暗集團，可是沒想過，他們的勢力竟是大到這樣。不少陰謀論描繪政府有多黑暗，原來都是真的⋯⋯一直以來，他們能悄悄監視，甚至進行裁決，把威脅到政權的倒霉鬼丟進樂園，他便就此從世上永久消失。

縱使不一定每個倒霉鬼都因政治目的被困在這裡，像我，純粹被他們用以虐殺和賺錢，不過綺淇的話說得很清楚，樂園是有入無出的，現在的我們求助無援，外面的警察記者是不會幫助我們的。

她續說：「呢啲咁變態病態嘅事已經Run咗好多年喇，佢哋嘅成員已經滲入政府、企業嘅各部門，早已經變成一個綜合體。根本無可能話殺一班人就瓦解到，總有其他人補上。如果你以為依家出去殺晒樂園班變態佬，出返去就可以過正常生活，咁你真係太天真喇。」

她的臉浮起一絲無奈的笑意，說：「當時我喺鬼屋走甩嗰刻，鬼屋仲未出事嘅，所以我無去報警，亦唔敢搭飛機返香港，萬一俾佢哋知道我喺邊，一定即刻搵人嚟殺人滅口，事後只要做篇假新聞，話我行山失蹤後，搵返我條屍之類，就可以掩飾佢哋所有罪行。」

這麼說，她是逃出鬼屋一段日子後，才與國際刑警聯手搗破鬼屋的。

Octivia轉身，對綺淇苦笑著搖搖頭，「事實上，佢哋真係Hack咗入你個Facebook度，扮到你真係行山失蹤咁，只係一日未殺死你，先唔可以話你意外身亡啫。」。

我無法想像當時綺淇逃出鬼屋後，一直躲藏起來，沒有接觸過外界的生活。更弄得那班幕後黑手，為了掩蓋她離奇失蹤的真實原因，只好扮成她本人對外謊稱她是「行山失蹤」，這樣她的親朋好友才不會起疑。

話說回來，Octivia又是誰呢？我很肯定她不像我和里奈一樣，單純入園拍照了。似乎跟綺淇一樣，她很清楚樂園和鬼屋的運作。

里奈有點膽怯地問綺淇：「既然係咁，你所講嘅報仇，到底想點做？」

對了，如果背後是一種制度，即使殺死十個八個，不，即使如聖地牙哥那班人，全部被拉走，還不都是換上另一批新人，繼續變態的運作。憑綺淇一己之力，根本無法瓦解整個制度，又談何報仇呢？

綺淇的語氣依然平淡，眼裡慍色的火花一閃而過，「捉得晒班人固然係最好啦，可惜我唔係英雄，只可以盡我所能殺晒佢哋。搗破聖地牙哥鬼屋嗰陣，我喺現場已經殺死唔少人，只可惜有部分走甩咗。」

她能把殺人說到家常便飯般輕鬆，看來自從在鬼屋逃出後，一直過著非人般的生活，這也解釋了她如何練得一身好身手。

見里奈的傷口處理得七七八八，Octivia瞥一眼旁邊幾支水和能量棒說：「大家流失太多水份，補充一下就好走喇。」

大概搞清楚綺淇的身份，里奈終於把疑問提出：「Octivia，咁你呢？你究竟係咩人？」

比起她的身份，更急切的是要解決自身問題，我打斷她們問綺淇：「你嗰陣係點走出間鬼屋㗎？」

過來人綺淇的答案，應該有助救我們離開樂園，並教我們離開後該何去何從。

===待續===

睇完麻煩俾個正評同留言，
你嘅小小鼓勵係我寫落去最大嘅動力

＊＊＊＊＊＊＊＊＊

《你聽說過嗎？聖地牙哥鬼屋》
已於各大書店同點子網店上架

誠邀各位領養回家

限量簽名版：
https://www.ideapublication.com/products/san-diego-haunted-house

＊＊＊＊＊＊＊＊＊
請Follow
Facebook: 橘子綠茶
https://www.facebook.com/greenizmstory/

Instagram: greenizmstory
https://www.instagram.com/greenizmstory/

想最快知道有故事更新，
記得Follow同喺我fb首頁禁"搶先看/See First"
另外，fb裡面嘅相薄有齊晒我嘅其他故

無念 2019-02-23 22:41:20

Octivia同綺琪識既