聽說過日本的恐怖樂園嗎
12 返回地獄
目撃久美子被駭人地殘殺,我們幾個不禁嘔吐大作。
最令人不安的是,在場全部人無一個出手阻止之餘,還冷血地鼓掌。
(目前生還者:Cole、美女里奈、鬼妹Octivia、爛口佬翔、日本妹彩香)
***
警告:
本小說含血腥、暴力、色情描述,未滿十八歲請勿閱讀。
本小說不鼓吹任何暴力/虐待行為,切勿模仿。
***
很冷。
喘不過氣。
睜開眼以為自己在香港的家裡安逸地睡醒,豈料眼前是里奈一臉擔心。
「點解……?」
我這才意識我人還在恐怖的日本夢幻樂園外!
為甚麼日本這麼多景點不去,偏挑這種荒涼無人的廢墟來!
「好喇,快啲行喇!」Octivia催促道。
「我暈咗幾耐呀?其他人呢?」
「翔同彩香唔等你,佢哋行先喇,大約幾分鐘前。」里奈說。「我哋快啲走,應該追到佢哋。」
「走!?點解唔揸呢架小巴走呀?」
Octivia攤攤手:「天韻擺得架車喺度,預咗我哋點搞都開唔到車。」
「咁佢哋走去邊度呀?!」
「今朝咪見到警察巡邏隊周圍巡嘅,我哋跑去求救!」里奈眼神充滿希望。
好主意!
我喝了幾口水,試著打醒精神跟她們狂奔。
跑到樂園正門外的草叢,不見翔他們蹤影。
「我哋較準時間等車嚟先好衝出去呀,」Octivia猜測:「翔佢哋可能俾園裡面嘅人發現捉走咗。」
未幾,黑色房車終於駛來!
我們火速邊大叫揮手邊撲過去:「救命呀!救我哋呀!」
房車停下,我們三人衝到車旁拍打車窗。「開門呀!救我哋走呀!」
該怎麼說,他們才不會把我們當成瘋子呢?
樂園出口的木板開始被移動,看來裡面的人聞聲想出來阻止!
幸而與此同時,車門打開了!有救了!
「救——咦?!」
殊不知,走出車的人全部一身西裝……
兼且戴上那該死的防毒面罩!
咦?!
嗯?!
不出幾秒,全身感受到一下電撃,我又一次失去意識。
***
「……呢度邊度嚟?」里奈醒後掙扎問。
我按住她手腳:「咮咮咮……唔好咁大聲。」
「發生咩事呀?!」她環顧四周。「我哋喺邊?!」
我解釋:「我都係啱啱醒咗無耐。頭先班西裝友應該係樂園啲實Q,佢哋電暈咗我哋,再扔番我哋入園。」
「咩話!」她激動地跳起身。「我哋喺樂園入面?!」
我無奈地沈默下來。
她問:「即係由頭到尾都係講大話?咩巡邏隊,其實都係樂園嘅員工,唔俾我哋離開個廢墟?!」
與我一樣,她陷入絕望,倒坐在地上,淚水在眼窩裡打轉卻又極力抑制哭出來。
為了安慰失神的里奈,跟我差不多時間醒來的Octivia說:「放心,我有信心我哋可以離開呢度!」
哪來的自信?!
目擊完純子和久美子的下場,再加上樂園位於遠離市區的地點,被一班瘋子當為獵物的我們,在遇害前獲救的機會可謂少之有少……
沈默一陣子,里奈深呼吸一下:「咁呢度究竟係邊度嚟?」
我們身在一幢建築物的閣樓上,周圍堆滿封塵的紙皮箱,發出一陣霉味。
室內的悶熱加上剛目擊完一場極度血腥的殘殺過程,我的頭痛發作了。
閣樓有條樓梯可以通往樓下,感覺隨時有人會衝上來傷害我們。
之所以肯定被抓進樂園裡,是因為從閣樓的唯一的小窗看出去的風景。從看到古堡的角度推測,我們被西裝友丟到另一個園區——鬼屋區。
聽罷我的話,Octivia續說:「再比對番個地圖,我哋應該喺一間餐廳嘅樓上。」
除了我、Octivia、里奈和躺在木地板上仍昏迷的彩香,不見翔的身影。
我有種不祥預兆。
里奈悄悄窺看窗外,回頭細聲問:「班面具人仲喺出面行嚟行去,係咪搵緊翔?唔通佢走得甩?」
我皺眉:「我諗翔佢凶多吉少……」
整理一下直到目前的推測,首先是如何憑衣著判辨園內人士的身份(由於要上直播,所有人戴上面具):
西裝友:樂園保安/看更,最難對付因為應該受過體能培訓
黑衣人:工作人員,負責雜務、粗重工夫
妖艷兔女郎:天韻。類似主持人,負責炒熱氣氛,應該不難對付
便服:客人。互相匿名、最易受制伏
聽罷我的分析,里奈罵:「我知呢啲嚟做乜!我淨係想出番去呀!」
「點樣出去我未諗到……」我無奈道。「但我隱約估到點樣可以避過佢哋……」
===待續===
連登正評未如理想,不過都好,
可以等我寫多幾篇追番個進度先
大家睇完幫手俾吓正評同留言丫,
有時寫寫吓會突然無乜動力下筆
請Follow
fb: 橘子綠茶
https://www.facebook.com/greenizmstory/
ig: greenizmstory
https://www.instagram.com/greenizmstory/
想最快知道有故事更新,
記得Follow同喺我fb首頁禁"搶先看/See First"
另外,fb裡面嘅相薄有齊晒我嘅其他故