驚悚X懸疑《聽說過日本的恐怖樂園嗎》

946 回覆
608 Like 19 Dislike
2018-07-06 14:46:34
追緊,但出得好慢。
2018-07-06 20:52:59
龍鬚糖 幾驚見唔到你
追晒我d舊故未先
2018-07-06 21:04:21
差個異能人
我最記得係上個鬼屋 好夠重口味
2018-07-06 22:46:23
有無人留意到鬼妹個句,我而家係人。
2018-07-07 01:40:07
狩獵夢的人竟然黎留言,多謝多謝
2018-07-07 01:46:51
10分鐘live左
都係過半個月再入黎
2018-07-07 02:09:55
三日都冇一篇
2018-07-07 10:10:13
文呢?
2018-07-07 16:47:12
同各位新舊讀者講聲先
本故事基本上每星期二、六出文,
同以前一樣每次1500-2000字(通常有多無少)

由於最近工務繁忙(依家都仲加緊班),
所以無得隔日出,不過滿50正評加更仍生效,即係今晚出2篇

自己知自己事,我以前都係出得慢㗎喇,
大家等故果陣不妨J住工廠故同鬼屋首部曲先

加完班,執執個故就po
2018-07-07 17:04:42
新讀者Lm
2018-07-07 17:34:26
我有睇啊工廠故
印象中好似有上過一次水
2018-07-07 21:56:46
《聽說過日本的恐怖樂園嗎》
04 失蹤




奇怪的旅行社安排、荒涼廢墟裡憑空出現的人影、陰森玩具店裡突如其來響起變調的音樂……種種詭異使我整個人被嚇得呆若木雞。

***
警告:
本小說含血腥、暴力、色情描述,未滿十八歲請勿閱讀。
本小說不鼓吹任何暴力/虐待行為,切勿模仿。

***

里奈先反應過來,大膽地走入玩具店更裡面尋找音樂來源。

為免顯得太不濟,我硬著頭皮跟上。

隨著愈來愈接近音樂來源,音樂愈見大聲。

「哈!哈!哈!」里奈驀地止步、捧腹大笑。「嚇得我吖!以為咩嘢嚟!」

在店裡幽暗的角落處,竟然有一個小火車湯瑪士玩具被擱在地上,發出奇怪的聲音。

大概因為想起惡搞小火車的照片,我也跟著抿嘴笑。

「——但、但係……」我的嘴唇有點發抖。「呢件玩具咁新淨,點睇都唔似擺咗喺度好耐喎……」

她緊張問:「你意思係有人嚟過擺低佢喺度!?」

「而且無啦啦件玩具點會自己識響呀……」

彷彿要回應我的話一樣,音樂毫無先兆地遏止,不再響起。這說明了玩具並不是因為零件壞掉而間歇響起,是要手動按鍵才會響音樂。

換言之,有人來過。但玩具店只有一個出入口——剛剛正被我們堵住,如果有人離開一定要經過我們……

「吓……?!」她一愕。「呀,差唔多夠鐘喇,我哋早小小番去集合地點先啦。」

她道出我的計劃:既然解釋不了這帶點滑稽的詭異湯瑪士,我們只好逃之夭夭。

「你哋無事嘛?面色咁差嘅。」回到集合地點,彩香探頭問我和里奈。

「頭先——」我想說出剛剛的事。

為了不要影響其他人的心情,里奈打斷我並轉移話題:「——無咩事,咦,呢度邊度嚟㗎?」

純子手機好像拍了泳池,明明剛才沒看見。

「好喇,」領隊開心地帶我們移動。「齊人咁我哋可以去下一區喇,水上樂園。」

「喔,」純子吐吐舌答里奈。「頭先行吓行吓,行咗去水上樂園果度咪順手影吓。」

其實夢幻樂園面積不大,看起來跟香港的迪迪尼差不多,我們走了幾步就到水上樂園,純粹是地板和裝潢不同風格,才讓人有來到另一區的感覺。

區內遊玩設施相當多元化,三條超長滑水梯、游泳池、類似燈光秀的水池等等,可以幻想當時穿著泳衣的大小朋友,雀躍地跑來跑去那熱鬧光景。

可惜人們有了其他主題樂園,早已把這裡忘得乾乾淨淨。風光過後遺下來的只剩下頹垣敗瓦。

「仲以為會乾晒塘,點解個個池都咁滿水嘅?」Octivia自言自語。

「可能呢度夜晚仲有人會嚟玩呢……」翔再次惡作劇地說。

經過詭異湯瑪士事件,里奈像是自我安慰地試圖解釋:「又亂講!你望吓池水先啦,咁混濁又生晒雜草咁,應該係落大雨果陣儲起啲水啫!」

「呀!」久美子突然一叫,令所有人都看到。
2018-07-07 21:57:54
手拿斧頭的面具人站在遠處的人工湖旁、面朝我們這邊——那種笑得嘴巴扭曲的小丑面具,倒跟我們的團章有點相似。

「喂!嗨!」Octivia大叫並向他邁步。鬼妹仔果然不同凡響。

領隊出手拉住Octivia:「唔好騷擾人哋啦。」

小丑男無視我們,轉身往反方向跑走。

「呢度好多呢啲類遊客。」領隊解釋。

「都唔會拎斧頭又戴啲咁嘅面具掛!」純子說。

我壓低聲音問:「頭先你見到係咪呢個人?」

里奈答:「戴嘅面具唔同,唔肯定係咪同一個人。」

「唔通頭先個詭異湯瑪士係佢擺低嘅?」

里奈聳聳肩:「鬼知咩。」

「可能想影啲特別效果相啫,」久美子答純子。「唔好諗咁多啦。」

小背心領隊簡單講解一下後,自由活動時間再次開始,可是十分鐘回到集合地點時,我們當中有兩個人失蹤了。

——小背心領隊和日本妹三人組的純子。

要知道守時恍如日本人與生俱來的天性一樣,我們足足多等了十幾分鐘還不見人,久美子和彩香開始由不好意思變為擔憂了。

彩香幾乎要哭地說:「頭先我哋仲話要上去滑水梯度影相,轉個頭就唔見咗佢喇。」

久美子附和:「以為佢番嚟呢度先,你哋真係見唔到佢?」

Octivia提議:「不如開手機打俾佢啦?」

「但領隊又話唔可以開手機嘅。」里奈說。

「依家緊急關頭,而且連領隊都唔知行咗去邊……」我率先掏出手機。

只不過,全部人的手機均沒有訊號。

===待續===
今次連出2篇,禁住F5睇埋05啦!
2018-07-07 22:00:36
《聽說過日本的恐怖樂園嗎》
05 第一名死者
(今次連出2篇,記得睇咗04先)




我們一行八人才進入奈良樂園不夠一小時,就有兩個人同時失了蹤,而且其中一人還要是小背心領隊。

更糟的是,這裡與世隔絕到所有手機都沒有訊號!

***
警告:
本小說含血腥、暴力、色情描述,未滿十八歲請勿閱讀。
本小說不鼓吹任何暴力/虐待行為,切勿模仿。

***

對都市人來說,遇上沒帶手機、手機沒電或收不到訊號之類狀況,會相當沒有安全感,尤其身邊有人離奇消失了!

里奈安撫大家:「應該係因為太遠城市,所以先收唔到啫。」

「企喺度都唔係辦法,」我提議。「不如大家分散去搵佢哋啦。」

彩香說:「唔好意思呀,打擾到你哋。」

這刻我還未意識到事態嚴重,以為小背心領隊純粹偷懶;日本妹只顧東逛西逛誤了集合時間。

不過率直的鬼妹Octivia一句話讓眾人陡然怔一怔。

「會唔會,」Octivia喃喃。「佢哋俾頭先個小丑男捉走咗㗎……」

經她這麼一提,我立即叫停大家:「不如咁啦,我哋兩個人一組去搵啦,唔好獨自行動喇。」

里奈見狀拍拍彩香和久美子肩膀:「唔好咁擔心啦,純子可能行遠咗所以番唔切嚟啫。」

我和里奈負責游泳池區,搜索完更衣室和淋浴間後,我們來到室外游泳池。

里奈戒備地盯看泳池:「你睇吓啲水濁到完全望唔到底,用嚟拍怪獸異形電影最啱,裡面一定會跳隻勁嘢出嚟。」

「經過頭先幾單嘢,仲有人行行吓唔見咗,依家有異形彈出嚟真係唔出奇。」

「唔好意思呀,我見你咁靜先求其搵嘢講吓咋㗎,唔係有心嚇你。」

起初還以為里奈是典型的無腦美女,但相處了知道她表面雖然大喇喇,但其實蠻會觀察和關心別人。

「Cole!」里奈驚呼。「有人!」

游泳池附近的小食亭外,坐了一個人。

殘破的木椅上,有人癱軟地靠上椅背坐著。他/它頭上戴有卡通熊的毛茸茸頭套,一身衣衫不整的啡色探險家打扮,本來應該是樂園的工作人員或佈置,卻讓人有一種怪異的感覺。

一開始還以為那是個人,湊近一看才察覺那或許是個假公仔。

鑑於那東西穿了長衫長褲又戴皮手套,身上完全沒有外露的皮膚,但卻是真人一比一尺寸,讓人分辨不出那是真人還是假公仔。

而且不曉得誰有這樣惡趣味,拿佈置用的粗麻繩把他綑綁起來,還纏住脖子吊上小食亭屋頂……

「喂,你揭開個頭套嚟睇吓吖。」里奈幾乎是命令地說。

「點解呀?!」

「我擔心,萬一有人捉咗領隊或者純子再綁佢喺度……」

又確實不無道理,只要弄暈她們其中一個,她就如現在無異地乖乖癱坐下來。

不過,怎麼可能呢?!哈哈哈……

「一定係公仔嚟㗎啦!」我吞吞口水,鼓起勇氣上前。

儘管怎麼看里奈都比我大膽,我仍努力忍下叫她去揭的衝動。

嗯,沒事的沒事的,那東西一動不動,一定是假公仔而已。

伸出雙手,觸踫公仔頭套一刻,我的心臟劇烈跳動。

真的要揭開嗎?我開始有點後悔……

「Cole,開咗未呀?」里奈躲在我身後。

「未呀……會唔會……一打開佢會彈起身㗎?」腦內上演多個突發場面。

忽然靈機一觸,我說:「我摸吓佢個身咪得囉,唔一定玩到咁激嘅。」

隨即我踫踫她/它的手臂,冷冰冰感受不到人體那種溫度,而且硬綁綁不像肉體。

「哦!假㗎假㗎!嘿嘿!」

我鬆一口氣的同時,遠處乍然傳來女人的尖叫聲!
2018-07-07 22:03:44
「呀——!」似乎是滑水梯那邊。

「我哋過去睇吓!」里奈轉身拔足奔去,我跟在身後。

走了一段距離我猛然有個奇想!

如果……如果……剛才那個怪東西不是假公仔……硬綁和冰冷的身體,其實是一具屍體呢?

我回頭再看看小食亭那邊,殊不知……

「嘩!」我無用地被嚇得走音大叫。「里、里奈!」

小食亭外木椅上的人不見了!只剩下一地粗麻繩!

「點解會咁㗎?!」里奈驚慌。

我的眼球快速轉動,把整個空間掃視一遍,意圖尋找任何人或假公仔的去向。

「我哋番去睇吓咩事先,之後先跑去滑水梯果邊啦。」她決定。

我們才離開一分鐘不到,怎麼可以這麼快就把假公仔移開 (或她自己跑走?),我當然想查個究竟。

「其實會唔會係啲日本整人綜藝節目咋?」我試問。

假公仔也是、詭異湯瑪士也是,又沒聽說過夢幻樂園鬧鬼的故事,沒可能接二連三地遇到怪事。

里奈正想開口回答之際,又一件難以解釋的事發生了!

忽然間,全場設施和機器驀地同時啟動!

噴水池噴出污濁的黃水、路旁那本身已經奇怪的八爪魚人偶向我們機械式的揮手、各種機器運作的雜聲響遍廢墟。

喇叭甚至大聲地播出樂園特有的歡樂背景音樂,只是與詭異湯瑪士同樣地變調了。

「到、到底……咩事呀!?」我不禁自問。

「呢度點會有電㗎?」里奈與我一樣迷惘。「而且邊個走去開總制呀?」

謎團一個接一個……

「唔好理喇,同佢哋集合咗先,安全啲。」我帶頭跑向滑水梯那處。

意想不到,滑水梯那邊發生的事更讓人震驚。

眾人比我們提早到達現場,包括鬼妹仔Octivia、翔、久美子和彩香,他們圍在滑水梯底的水池邊爭論著甚麼。

我和里奈愈接近愈察覺氣氛不對,首先是久美子歇斯底里地痛哭,其他人則是面色蒼白地盯著水池下面。

「你哋唔好望住,」Octivia緊張地對我和里奈說。「聽我講。」

咩料呀——我心想。

人類總是擋不住該死的好奇心,我們走到他們當中,固然向水池中央看去。水池不像其他設施滿水的狀態,反倒乾塘了。

然後,我整個人頓時僵住了。

乾涸的水池地面上,一位靜止不動的女子躺在血泊上。

最恐怖的是她的死狀——手腳扭成不自然的角度、整張臉痛苦得皺成一團、嘴巴誇張地撐得大大,而眼睛卻佈滿血絲、狠狠地瞪向半空中。

對上一次我「見」過如此恐怖的女人,是在一套講驅魔的電影入面。然而……

現在在我眼前的,是該死的現實!

===待續===
多謝大家俾正評
下次更新係星期二,
同樣正評到150會連出2篇
大家幫幫手啦

睇完麻煩留個like & comment,
你嘅小小鼓勵係我寫落去最大嘅動力

請Follow
fb: 橘子綠茶
https://www.facebook.com/greenizmstory/

ig: greenizmstory
https://www.instagram.com/greenizmstory/

想最快知道有故事更新,記得Follow同喺我fb首頁禁"搶先看/See First"
另外,fb裡面嘅相薄有齊晒我嘅其他故
2018-07-08 00:08:54
2018-07-08 00:14:30
睇完聖地牙哥可以唔洗食飯...

Btw支持
2018-07-08 00:56:44
啲圖可唔可以放link 好想睇故但俾啲圖嚇親
2018-07-08 01:05:15
開始刺激
但比張圖嚇親
2018-07-08 01:24:48
正呀再推
2018-07-08 09:55:39
本身諗住似payday,選圖個小丑好滑稽
2018-07-08 12:04:50
劉明
2018-07-08 12:31:30
留名
2018-07-08 16:18:12


小丑回魂
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞