[平民廚房] 我間餐廳就快執 想執之前拍到幾多煮野食片得幾多

睇到肚餓 聽日來食支持吓

想知點樣蒸水蛋
餐廳酒樓個啲硬係好食好多

講起譚仔 食過一次 真係比狗食
咁都比人收購證明香港人真係白痴黎

Pm咗巴打 上facebook睇下你間野
好有心做 幫d食物影相 d相都好高汁
要執好可惜

點book位 想帶囡囡嚟食

pi曲。。講真你地不如講番中文啦阿鬼

lm

經營餐廳同埋煮食嘅野完全唔識
剩係想講下條片
因為youtube係"有機會"係令你起死回生嘅一樣野 (假如你決定襯哩個機會嘗試用youtube發圍)

個intro太長，睇完一次之後完全唔想再睇
個mic收音好差,音樂太大聲，有少少辛苦聽清楚你地講咩
但可以加番個字幕落去補救 (2分鐘嘅片加字幕，再唔熟手10分鐘都完成到)
假如有時間可以加番少少字幕effect落去，類似專門玩桌遊果位台灣人嘅字幕特效
鏡頭唔好唔緊要,可以做番d後期調色等個場景睇落去顏色突出番少少
畢竟你係影食物，都想條片入面嘅食物睇落吸引D
以上講嘅野全部after effect做到，唔係好深，上網學一學就做到
條片出黎嘅感覺會好好多

不過哩個唔係你宜家最需要解決嘅野
你都未必有心情學埋哂哩d無謂野
假如你挨過左哩一關之後，決定用youtube黎宣傳番你間鋪頭
就希望哩d意見多多少少幫到下你
頂住呀!

可唔可以比個名黎 比個機會我地試下 唔好淨係得片得唔得

tg個巴打

純鳩up.西餐始終係鬼既主場。覺得好多香港人做西餐既突破唔到既一樣野就係英文。做野點勁點樣仲砌得過地盤佬。去到要同鬼頭鬼佬老闆講野果個位就erer.ok啦no啦。結果就係搞到而家香港西餐對比中菜佬黎講同工起碼爭四五千。而家西餐入行白紙仲係萬二三（最近見個msg請中菜打荷白紙都萬八)。請番黎班細路唔射波識呼吸都偷笑。唔好話要求佢有咩廚德上進心

利申：七年前入行做西餐街檔。轉左做酒店中菜六年

其實會唔會試下搵乜鳩新假期個啲幫你宣傳下
起碼有個希望

好耐之前睇過樓主個post 前名應該係stella?
一直打算去試 但價錢真係偏貴 依個位但依個價好難吸引到人入
而家雖然平左但餐牌都唔係太吸引
希望巴打繼續做到落去 有一日會幫襯你 加油

都做左十幾年

第一條片個heading已經清楚講明店名
上openrice一搵就見到
平時經過有望下但未試過
搵日得閒過荃灣一定試下
巴打加油 唔好咁快判死刑！

借連登上位

好似好旺咁
之後會唔會要book位
利申：住東九龍，唔知幾時會過開呢邊

我仲未食brunch 同你地自製既雪糕
唔好執住啊!!!!!!!

Ps 認到我，勿相認

岩啊，其實佢用史雲生整risotto 條數真心唔平，香港地開一間食店，你平均起碼要攞三成嘅面積去整廚房，間舖本身都唔係大，鋪租肯定貴㗎啦，始終都要放多啲枱先夠數回本，但係淨係單單爐頭、焗爐、雪櫃呢啲已經佔咗個廚房一半嘅位置，你廚房儲存嘅位置已經唔多，仲要騰空一個位置去儲存雞水就真係難上加難，其次，我當你真係搵到位放，你仲要諗啲雞水用唔用得晒，用唔晒又會臭，到時候仲浪費晒啲成本

今日真係好累
見到咁多人唔止言語支持我
仲黎埋食野
仲俾咁多意見我
我真係好感動
因為你地 我有動力去做一啲事
我拎住個電話2 個鐘
我都唔識打出黎
聽日 聽日我真係會對你地既支持
俾啲交代你地
黎緊幾日 我要放多兩條片
同埋做好啲booking多謝哂咁多位

講幾句,你係咪冇賣酒?西餐唔賣酒做十間死十間,幾好食都頂唔住
lunch可以搞下buffet仔做頭盤跟一個粉/飯/肉,可以唔食buffet轉餐湯平少少
用下D香港人少食既pasta,最好係你有出面食唔到既,罷碟可以罷好少少
暫時諗到咁多
先拯救返生意,先好諗企係更高位置,企穩返最好就搬鋪,荃灣唔係經營西餐既地方

未改平時食過，幾好味，因為分量少價錢偏貴咗啲。
改咗名之後再食，好似無咁好食。價錢質素可以接受，但未去到好想去囉。
不過果條街嘅西餐，係你最好食！

加油巴打，我都係過來人，由一間空舖，餐牌到招牌都係一手一腳諗出嚟。不過個bb依家要比人湊大佢啦 要娶老婆，要生小朋友，唯有向現實低頭

我正職係廚師，同時都係做網絡宣傳工作，我呢段時間會比較得閑，如果你唔介意的話，我可以幫你搵人做宣傳。