[平民廚房] 我間餐廳就快執 想執之前拍到幾多煮野食片得幾多

頭先經過巴打間鋪，客都好full 呀 加油呀！

利申 住附近

所以晚市你要兩邊客路都做 荃灣的確係好難$350一餐㗎 如果你有睇我上兩個comments
我有講荃灣區呢個價位消費力既客源會比港島 旺角 尖沙咀少 真係附近同區約埋朋友情侶正正式式出個街先會諗你餐廳
但重點係 老實講巴打你既宣傳同食物賣相 餐具又未至於令到呢價位會選擇你 真係學其他巴打話齋 淨係睇openrice都寧願選擇c字頭 可能對方既味道唔及你 但係贏你既位係地理位置 包裝 不斷吸到新客
你同對方走同一種餐廳型式 吸客路線而無分別 我覺得只係玩死你自己
起唔到個頭你點好食有咩用 你hit唔中你既客源 根本同區會選擇你既新客好少
香港大把偏門地區但高檔次餐廳啲人專登走都走入去食 你依家有種高不成低不就既感覺

Lm

或者簡單啲講 你本身吸新客已經難 又何來有熟客 你餐廳既定位一定要清晰 有出色或者特別過人之處 $180一餐只係你打好根基既其中一種客源 $350先係你餐廳既重點
唔係附近對手做$180一餐 你就死跟做$180一餐搶門 暫時論宣傳論包裝論地理位置 你無得鬥真係等收皮

聽完你招牌，我會對乳豬同紅蝦有興趣
但呢兩樣價位都貴

普通食西餐，好似較少人會有意欲食鹽焗雞，但如果個名叫燒春雞/烤雞，甚至炸雞會受歡迎好多

經過見到好full，竟然平日都咁旺場

同埋連鎖效應 當你$350一餐口碑都做到 自然又會帶動翻$180一餐既客源去滾雪球
但都係個句 大前題你要改善左宣傳包裝呢兩個問題先
Btw可能係我太天真㗎 但呢啲係作為食客俾到既意見 啱聽就參考下 唔啱唔洗理我

同意，其實正宗呢樣野真係得啖笑
第一個整呢樣野出黎的人，個個跟佢，所以就叫正宗

睇過一套日劇，松本潤做學廚，有一集要佢同另一個廚師係大家放工個時煮意粉俾大家食。 另一個廚師煮左好正常的al Dante,但松本煮淋身少少。

最後同事們竟然係鍾意松本個碟多d ,佢地話因為做左成日野好累，松本個碟食落唔洗咁用力咬，但仍然有彈性。

雖然可能以上只係劇情，但我想講做人唔係乜乜正宗就係自己口味。細個我好鍾意食發到脹個d 意粉，仲好鍾意茄汁tim。

最緊要岩食。

講番爸打先，有個app 叫eatigo ,唔知join 洗唔洗俾錢
但就book 位有折，你可以試下有無用，幫唔幫到生意。

轉做私房啦

整埋教煮野食班, 開工廈

點解你呢種做法啲意大利廚咁抗拒？
睇youtube啲廚一見人carbonara落cream就好似斬佢老母咁
傳統做法（煎煙肉，落意粉，熄火降溫，蛋黃黑胡椒Parmesan撈）個味道點解香港唔受落？

利申：自己整過唔落cream 餐廳食過正統唔正統都有 無咩特別喜好

我都試過自己整唔落cream
btw 整到蛋唔起粒粒成功感好大
不過覺得要落兩雙雞蛋黃先夠creamy 咁
但又唔想食咁多黃，好矛盾

有cream 無cream 都鍾意，唔會咁執著正唔正宗。除非間野寫自己正宗又落cream 就真係接受不了。

btw 元朗有間外賣平意粉35起
我之前成日幫襯，睇住佢煮，意粉都係pre cook 再煮，見佢有落雞湯，cream ，蛋黃汁,有即刨芝士，用extra virgin ,有落白酒

不過見佢地訪問話真係賺好少

爸打加油

元朗邊度？大坑渠果邊？

係呀 ，chxx mxxd
但夏天熱無咩堂食位，多蚊做外賣，呢排無咩幫襯

另外想講下，愉景個邊間chef stage ,
佢招牌係食豬手，藍青口，tiramisu
我個人就真係如爸打講個種大時大節先食的人

但佢又幾做得住。我覺得有個招牌野食真係好重要。餐牌夾雜d 平貴價就可以平衡番。我自己同frd 出街食親西餐都鍾意叫松露炸薯條，小食呢d 本低利大，應該好賺？

另外推介一套電影你睇，叫morning glory
套戲講點樣救番一個無人睇的晨早節目，入面有個新聞工作者堅持只會報serious 的新聞，你可以睇下會唔會啟發到你現實與理想，堅持與原則的問題

真心覺得爸打有心有熱誠

我都係想幫親，都本死了怕乜野。
追佢班老母癈柴垃圾咩，班垃圾有撚錢有技術有能力開餐廳先算。

就快執定剛剛開呀？

巴打可以上下ig揾所謂foodie幫你推介一下
個間white house嘢食麻麻 一開始佢地都冇人嚟但係後尾多咗打卡位同有foodie推介過
你可以参考下 可能work

比個地址黎啦 , 我真係會去食

我又係超喜歡食， pizza hut好似冇左了

拿，我真係唔想煩唔想估，但有心想幫親呢。

留名

咁快o的留地址啦，last可能巴打們撐返起唔使死呢

保留貴價à la cart 餐牌但可以簡單每星期都轉嘅午晚市套餐，一方面熟客可以食返貴D想食嘅咸旦意飯另一方面每星期轉套裝又可以比到新鮮感其他客，呢個做法又可以知道客人口味再去針對性執餐牌，比到客人信心人地先會返轉頭試貴嘢而唔係比一堆貴嘢出黎D客就會試，因為你唔出名無幾多人去博。 如果唔想就咁摺埋可以博一博考慮下加入免費「沙律吧」因為女人真係好buy呢套，種類唔需要太多，一種菜湯（南瓜、耶菜花、薯仔...）3-4 樣菜（狗牙、火箭、雨衣、紅橡....）特式自撈沙律1-2樣 用黎收檔將就快過期嘅食材例如海鮮、牛肉整熟混入長通粉、菜再撈油醋汁，其他可以開罐頭雜果、波羅、粟米、邊桃、鷹咀豆、紅腰豆...2-3種沙律汁 油醋計、千島汁...
甜品簡單啫喱糖或布甸、細cake仔...最後餐包。

講真你宜家係求變求生存默守成規乜都話唔得真係等收皮，你自己試左自己嘅一套足足3年都係唔得多多少少係班客唔buy你果套無乜回頭客，你要有自己風格首先就係要出名到時候整篤屎出去班客都可以話好食。你睇睇鼎爺間嘢擺明係唔值呢個價但人哋出名大把人去食屎。加油啦多多聽顧客意見，留意一下有冇客食剩嘢主動去問。

Lm

我又係喜歡西餐，本身唔係做廚，但比人水左去開餐廳， 唔見左2層樓。
但從始點起了根愛上呢行， 所以很明白你o既固執同堅持。