直到世界盡頭（II）

千奴 · 2018-01-20T23:03:44+08:00

1001咗話說講到扭鳩斷咗條mac機線，短期內可能少文出。但都想留返個平台可以同大家吹吓水，所以都照開呢個（II）如果各位巴絲唔介意可能會少啲圖，我都會盡量用電話啲圖嚟𣁋出住先又話唔定好快我就買得返條線貼住少少電話到僅有嘅相先未睇過上一個post嘅朋友，可以追返： [一年長途遊記]直到世界盡頭 https://lihkg.com/thread/436262/page/1?ref=ios - 分享自 LIHKG 討論區一年前某日，我問女朋友，你最想同我去邊度旅行？任你揀一個地方，我帶你去。當時我以為就算唔係講日韓台，最多都只係瑞士冰島等歐洲國家。冇諗過你沉吟半晌，慢慢吐出咗兩隻字：南極。我真係諗都冇諗過呢世人會去呢度。但諗深一層，去旅行，就係越冇諗過去嘅地方先越值得去，係咪？上網搵咗啲資料，又數一數呢幾年返儲落嘅積蓄，發覺都唔係冇可能，就算唔夠錢坐破冰船，都應該夠我去到南美洲。傳說中去到阿根廷最南嘅城市烏斯懷亞，有機會有平船飛，不如就去嗰度望一望。最初都係隨口問吓係咪真係想去，但你竟然真係話好。冇理由男人老狗問完又自己縮沙。洗濕咗個頭唯有去啦。就係咁，我遞咗人生第一封辭職信，買咗人生第一張單程機票。由香港出發，經內蒙古、蒙古、俄羅斯、東歐，再飛到古巴，經過半年，真係去到南極。我諗呢個肯定係一個一生無悔嘅旅程。旅行路線如下：香港－內蒙古－蒙古－俄羅斯－愛沙尼亞－拉脫維亞－立陶宛－波蘭－烏克蘭－土耳其－伊朗－希臘－保加利亞－羅馬利亞－塞爾維亞－波黑－克羅地亞－斯洛文尼亞－意大利－瑞士－法國－盧森堡－德國－古巴－墨西哥－伯利茲－哥倫比亞－厄瓜多爾-秘魯（北）- 南極 -阿根廷（patagonia）-智利-秘魯（南）-玻利維亞-阿根廷- 烏拉圭（旅程進行中）