直到世界盡頭（II）

等到頸都長

樓豬

樓主終於更新了
推

今晚應該有

向所有完成遊記嘅巴絲打致敬

巴打你都得架
你客氣啫，我寫得個一篇，十幾日

樓主加油

樓主繼續儲下銀，一定有第二次既
由頭追到依家波黑，終於追哂所有文啦
舉腳支持樓主遊記

樓主繼續儲下銀，一定有第二次既
由頭追到依家波黑，終於追哂所有文啦
舉腳支持樓主遊記

其實喺出發之前，我問女神有咩地方想去，佢除咗答南極之外，仲講多咗兩個地方。如果我帶晒佢去呢三度，佢就跟我去。另外兩個地方，分別係要去冰島嘅歐亞板塊中間潛水，同埋一齊睇分手博物館

我諗大家睇到呢三個地方，同我當時嘅反應都應該一樣，都心諗呢條囡做乜鳩 佢就係一個咁特別嘅人，總係會講出其他人諗唔到嘅嘢。

可惜嘅係，雖然我出發前係托塔都應承，但抵達薩拉熱窩時，我地都決定放棄冰島潛水呢個「必做」活動 原因一，係我地低估咗辭職旅行嘅經濟壓力，即使我地有一筆錢係預咗會用，但每日都仍然會計住計住，唔捨得使，一見到冰島啲物價同潛水一定要比嘅錢，就覺得心理關口好大；原因二，係喺嗰個板塊嘅潛水係有啲基本要求，對於只得Open Water Diver嘅女神同從未潛過嘅我係要先考一堆嘢先可以去 如果要考晒嗰堆嘢，我地就趕唔上搭之前訂好飛去古巴嘅飛機。結果⋯⋯唯有下次再做吧

但係呢個位於克羅地亞嘅分手博物館，就唔會去唔到啦掛 唔好問我點解呢個館地位咁重要，重要到可以同南極齊名登上女神三大目的地之一。我都唔知。拍拖嚟講，女友要嘅嘢，不要問只要信，乖乖帶佢去睇就對了



離開波黑，物價亦開始上升。再唔會好似保加利亞羅馬尼亞咁一蚊飲一杯咖啡，入餐廳唔使理價錢。呢度啲人都話克羅地亞一路想向西歐嘅方向發展，擺脫以前南斯拉夫嘅貧苦形象。聽人講佢地南部兩個出名嘅旅遊城市Split同Dubronvnik，物價直迫意大利，我地聽到就決定直接Skip了



不過貴還貴，個人認為克羅地亞首都Zagreb又真係比起之前Sarajevo同Belgrad等等冇咁凌亂，多咗一分恬靜優雅



貴得嚟值唔值真係好見仁見智

正呀！

嚟到克羅地亞自然要去一去最出名嘅十六湖國家公園。去到入口，馬上感受到佢嘅名氣，淨係入場已經排咗半個鐘隊，亦係旅程咁多日以嚟第一次要排隊

離開咗香港咁耐，有啲唔記得咗排隊嘅感覺


七、八月嘅十六湖國家公園應該係最熱鬧了。

好多人話呢度冇九寨溝咁靚。我地冇去過九寨溝，比較唔到。



只可以話呢度嘅湖藍得唔錯 但睇過希臘嘅愛琴海，又唔會覺得呢邊太過震撼。





睇返啲相，就醒起嚟到呢度嘅時候，相機個觀景窗已經壞咗 平時淨係可以靠個mon嚟睇自己影緊啲咩。加上不嬲冇玩開相機，部機都係出發前朋友借比我，鏡頭同相機係唔同廠，好似係有啲接觸不良，導致AutoFocus唔到，我手動對焦嘅功力又差，又睇唔撚到，令到好多相都Out晒Fo唔知影緊咩



十六湖國家公園入面有好幾條步行徑，根據時間同喜好可以揀自己想行嘅部份。難度唔大，冇咩起伏，行得越入就越少人



正當我煩惱緊部相機狀況越嚟越差，點算好嘅時候，知道咗有位做空少嘅朋友過多幾日會飛去米蘭，就決定去會一會佢 佢有部差唔多款嘅相機，同我交換幫我拎部壞機返香港整就Perfect池

同一時間，之前喺塞爾維亞邊境出生入死嘅瑞士公公婆婆，仍然有同我地保持聯絡。佢地玩完薩拉熱窩後就返咗歸休息，仲問我地有冇打算去佢地嘅城市Basel 老實講，本來真係冇打算，一嚟瑞士好貴玩唔起 二嚟我地留喺歐洲時時間已經淨返唔多。但既然有噉嘅緣份，唔去都幾可惜，我地就決定無論如何就要擠一兩日出嚟，去睇一睇呢個歐洲之中嘅天堂

有文