直到世界盡頭(II)

961 回覆
273 Like 5 Dislike
2018-06-08 07:30:51
女神無啦啦變咗女友
罷睇


打撚錯咗
屌吓就算啦 唔好罷睇呀

巴打咁早起身?
2018-06-08 12:34:35
咩歌劇嚟
2018-06-09 20:30:22
等睇伊朗篇
2018-06-09 20:33:26
2018-06-10 00:24:25
卡門
2018-06-10 01:36:17
由基輔飛去土耳其首都安卡拉,坐嘅都係凌晨機。兩個鐘嘅短機,用咗幾乎廿個鐘嘅精神,無他,因為去得機場Check In過海關再等登機,無論過程幾順暢都好都係冇得點瞓嘅。呢啲時候往往都係最考驗大家嘅忍耐力。

我諗唔止係情侶,就算係一班朋友去旅行,通常出事鬧交嘅位都係大家攰嘅時候,或者係是旦一個肚餓而另一個又掛住睇佢自己鐘意嘅嘢。總之想維持一段好嘅旅行關係,就一定要睇實食同瞓呢啲同生理需求有關嘅時刻。

而我又真係好好彩,有時明明買機票嗰時已經預算咗對方會嬲會爆,到頭來又發現佢真係好勁,忍耐力仲高過我,真係女神

喺烏克蘭間Hostel住嘅時候遇到一個來自Izmir嘅土耳其男人,佢話安卡拉除咗係一個法定首都之外,就乜柒都冇,叫我地無謂停留。又話由安卡拉出發去各大城市嘅巴士都好易搭,於是我地一離開機場就去咗巴士站,直接坐巴士去Kapadokya。

唔記得坐咗四個鐘定六個鐘,喺一個叫Göreme嘅地方落車。落車嘅時候已經過咗中午,應該係兩三點嗰啲時間。嗰度係熱門嘅旅遊區,以奇形怪狀嘅岩石教堂同熱汽球聞名。但估唔到嘅係,我地去到嘅時候,大部份嘅旅行社同埋餐廳都係拍晒烏蠅,喺大街上遇到嘅遊客數都非常之少。

明明坐完夜機同一程巴士,唔知點解我仲係幾精神,可能因為喺車上面算係瞓咗一覺好嘅,我就提議出去行吓,幸運嘅話可能仲睇到日落 沖咗個涼,換走着咗超過一日嘅臭衫,我地就出發了。



因為望到住宿外面係咁樣嘅景,就唔捨得淨係休息唔出去

行吓又打聽吓附近有咩玩,又問吓價錢,對於坐唔坐熱汽球有啲心大心細。起初我地係冇諗住坐的,因為諗住坐一坐都要每人一千幾百,但問多兩問,發現因為淡季嘅關係,呢期五百蚊到已經坐到,令我地產生咗可以一戰嘅念頭。



To 坐 or not to 坐?呢啲好似無所不知嘅石頭比唔比到答案我地?

喺啲石到爬吓捐吓又影吓相,越行就越遠,而且行吓行吓開始變咗係上山嘅路嚟。

女神咩都勁,唯獨行山算係弱點。行一段時間就會出現一啲痛症,再加上經過一日嘅奔波,其實係有啲攰。我雖然冇出聲嗌攰,但行行吓都發覺自己狀態唔係咁好。一方面要Keep住自己唔好頹,另一方面又要兼顧對方嘅情緒,比啲動力大家。但女神似乎真係好攰,呢啲時候,通常佢都會唔出聲,用面色表示不滿,而我喺未諗到有咩解決辦法時都會講少啲嘢,以防講錯 當一切靜落嚟,氣氛就變得沉重。

喺太靜同講錯之間,我唯有好似以前喺香港行山嗰時咁,不斷以「就到啦」、「好叻呀堅持到呢度」之類嘅廢話嚟安慰對方同催眠自己,並默默祈求終點唔好太遠。我地希望去嘅地方,係可以一覧全景睇到太陽慢慢落下嘅一片高地。



終於搵到一個冇遮擋嘅位,我地就喺度靜靜等待日落嘅來臨。



跟着我去看更美的風景吧。



(對錯焦,Po出嚟剛剛好)



如果當日我細心啲,觀察到大家嘅狀態,就未必會決定走上去,可能咁就錯過咗呢晚嘅景色。而家諗返,好多當時感覺唔係太好嘅經歷,最後都變成深刻嘅回憶,最經典莫過於一開頭內蒙古嗰啲恐怖嘢。當初都諗唔到嗰片沙漠同草原每隔幾日就會出現喺我地嘅對話入面,成為Loop完又Loop嘅笑料。何況呢一日,由最後嘅日落做總結,簡直係過份完美
2018-06-10 02:16:37
太好了樓主返來囉
2018-06-10 10:19:20
2018-06-12 01:19:21
live
2018-06-12 01:37:23
2018-06-12 15:30:21
樓主終於出現返喇!!!!
2018-06-12 15:43:29
2018-06-13 19:42:19
2018-06-13 19:54:28
2018-06-14 01:17:43
g持
2018-06-14 04:44:32
2018-06-14 19:36:52
2018-06-14 19:56:21
2018-06-14 21:12:28
繼續幫手推~~~~~
2018-06-15 00:35:58
終於等到巴打返黎
2018-06-16 00:01:06
第二日仍舊去看奇石形成嘅風景。





地厚天高,那時天真地以為自由的空氣唾手可得。但原來,我們隨時都會失去一切,變得一無所有。



呢一日,我地第一次坐順風車。我地原本只係沿住公路慢慢行返住宿地方,但天色漸暗,開始落毛毛雨,一個好心嘅土耳其司機突然主動停車,叫我地唔好再行,快啲上車避雨。喺烏克蘭完成唔到嘅順風車心願,嚟呢度就完成咗。原來有啲順風車,唔係由乘客截,而係司機截停你叫你上
2018-06-16 00:10:40
lm
2018-06-16 11:13:59
2018-06-18 23:25:58
2018-06-18 23:29:25
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞