直到世界盡頭（II）

守廁所

支持！

羅馬尼亞啲巴士真係戇鳩鳩，唔知係咪坐得太耐廁所個人心理唔多平衡，加埋佢封咗個廁所嚟做座位即係全車人要忍尿忍到司機停車，一到咗Timisoara已經諗住離開呢個國家



怕咗佢啲巴士，今次坐火車走

第二朝就去火車站，一路Hea到夠鐘上車。對於呢個城市，我地雖然住咗一晚，但完全冇行過任何地方，可以話係過門不入。

唔知係出得嚟耐咗，嗰種探索嘅心情冇咗，定係同某啲地方風水唔夾，之後都試過好多次係咁嘅情況。明明搭車經過，但只係落一落腳瞓咗一晚，第二日即刻就離開了。有冇人去過Timisoara，可以話比我聽我冇嘢係錯過咗？



仲有好耐先開車，餵食薯片過日辰



上車冇耐就到咗邊境。關員上嚟收晒啲護照，等左一陣，就逐本派返比我地。



其間大家隨便喺邊境走動，關口任影唔嬲 入戲院查飛都嚴密過佢

過境之後，就抵達塞爾維亞嘅首都貝爾格萊得（又譯貝爾格勒，Belgrad），一聽個名乜乜格勒就知道係俄羅斯啲Fd，塞爾維亞語亦係用西里爾字母拼寫。

當初就係因為喺希臘遇到兩次塞爾維亞嘅好人，先決定嚟東歐，甚至犧牲咗去約旦以色列同埋格魯吉亞行山嘅機會。千祈唔好令我失望呀

喺Timisoara太過急住走，同埋坐完嗰程巴士個人懵下懵下，我地又冇Book到今晚嘅住宿。正諗住搵下周圍有冇Wi-Fi可以搞搞佢，有個男人就走咗埋嚟，問我地係咪搵住宿

唔通塞爾維亞人真係咁好，唔單止鐘意做順風車司機，仲鐘意主動借宿比我地？

講兩句後發現係我諗多咗，原來佢咁啱係Hostel嘅老闆，見我地迷途羔羊噉款就拉吓生意。喺冇網上嘅情況下，老闆話如果去佢度住就免費車我地去，仲每人有2歐羅優惠（原價不明 ）。我地就決定順下佢意，當係買個方便。

去到入咗間6人Dorm，見到其中有兩張床已經比兩個拖住篋嚟開Party嘅鬼妹霸咗，成個篋入面都係啲摟屌嘅裙同化妝品 唔好呢味嘅我地都知道今晚班友一係就好嘈，一係就半夜三更喺度出出入入，仲唔知會唔會帶啲咩人上嚟過夜，總之未必有覺好瞓

趁仲有啲時間，去咗附近嘅要塞（Belgrad Fortress）到行咗一陣。



唔少人坐喺城牆邊飲酒傾偈，周圍氣氛唔錯



但係人來人往，原本想喺呢個位置影張合照，但有班MK見我Set機就企喺隔離賴死唔走，最後等咗成十五分鐘都唔成功，真係好撚仆街

搞到肚餓，放棄唔影



出嚟時為時而晚，街上已經冇咩好食，屌咗個Pizza就算了。

我果陣搭長途巴由romania返sofia 中途架巴士無拿拿死火 仲要有陣𤓓味 有人見到車胎仲出埋煙
搞到全部人落晒車 等左好耐
最後個司機好似整返好架車 之後上返車繼續搭 不過全程都好驚

呢堆國家啲巴士全部都係咁上下

塞爾維亞嘅回憶，都來自離開咗貝爾格萊德之後嘅日子。



去到西邊嘅城市Užice，冒住雷雨搵嚟搵去都搵唔到訂好咗嘅住宿，連司機落咗車照住地址幫我地搵咗一陣都搵唔到 對鞋濕到就噉都聞到腳臭，以為已經到咗最惡劣嘅關頭，終於比我地搵到間屋。



一入到屋行出露台，仲見到非常清晰嘅雙彩虹



隱世小鎮Užice。隱到個名都唔識讀

Bran castle 雖然俾人感覺好流
但係喺外面望多兩望 會覺得呢個城堡其實好靚好特別 聳立喺個小鎮上面

巴士站黎講 我只能夠講真係低處未算低 我諗你都會認同

好期待南美果part呀！因為我宜家喺南美已經搵唔到地方去 準備返香港

巴打喺南美邊度 玩咗好耐?

南美唔會搵唔到地方去，當你諗起呢世人唔知有無機會再去既時候

巴打有無去巴西東北部？亞馬遜森林呢？再唔係去埋中美同加勒比海，例如巴拿馬同古巴丫

宜家係buenia aires
東歐三個幾月+南美兩個幾月

其實係因為宜家又返返大城市
上網睇左好多搶野打劫文章 連成架機場巴士打劫都有......
好不安
所以諗住skip哂成個巴西算

我原本一心諗住去巴西既亞馬遜 但係不安心情加上機票唔平就放棄算
好心果陣玻利維亞去左先啦 聽d人話唔多動物睇我就無去到

中美留返下次

宜家喺buenos aires
尋晚同房個瑞士妹差d俾人搶左個背囊
佢夜左返黎 已經有fd一齊
有條友係佢後面大力搶背囊
不過最後無事

想快啲離開大城市 去個旅行姐

個人覺得去得南美就要有心理準備俾人偷野

要減少損失就要做多少少功夫準備，例如定期backup相同每日只帶足夠現金出街

亞馬遜去秘魯、厄瓜多爾個邊都得

buenos aires都幾好玩，搭船去烏拉圭可以玩多一排

但南美城市夜晚真係唔好出街了 雖然日光日白都有機會被搶

祝巴打有個開心嘅回憶

離Užice不遠處有一個位於山上面嘅村莊，因為歷史原因同風景靚，加上起咗條小火車軌圍繞住佢嚟行，而成為咗塞爾維亞嘅一個大景點。

而塞爾維亞喺歐洲嚟講本身就唔算一個多遊客嘅國家，所以就算比佢做到全國最強，都係冇乜人嚟



其實都唔係完全冇人，有遇到有啲鬼仔孭埋Camp嚟露營，亦都見到一團嚟自中國嘅大媽團



如果坐埋呢部火車，就可以同成個園區嘅遊客打聲招呼 但乞衣上身嘅我地又冇坐到



唔坐火車，咪行路軌囉



沿途都係好靚嘅天氣同清爽嘅空氣。應該得我地會咁樣行一兩個鐘 所以成條路我地霸晒，世界係獎勵堅毅嘅人



上到頂，就好多廢老喺火車上面同我地揮手



佢地冇行上嚟，係唔會明白我地辛勞過後嘅感受。我敢肯定我睇到嘅風景係靚過佢地所見到嘅



喺上面影下相，吹下山風，休息一下，就準備返歸。



喺巴士站都遇到一對中國情侶嚟自由行。佢地聽到我地已經旅行咗兩個幾月就覺得我地好勁 老老實實喺出發之前我真係好耐冇比人讚過 聽到有人當面肯定自己，信心真係返晒嚟

雖然我只係一個平均值以下嘅連登仔，身高冇米八，當時月入為零，JJ亦短過30cm，喺香港可以話過住好唔起眼嘅底層生活。但原來，有啲嘢只要肯做，都可以得到其他人嘅肯定

而對我嚟講，呢對情侶可以喺大媽團橫行嘅年代，做個有獨立意志嘅人出嚟自己玩，已經好犀利啦。始終，人要擺脫身邊環境對你造成嘅枷鎖，先至係最困難嘅事。如果有一日，裸辭出嚟玩幾年變咗做主流，可能到時敢於留低打工賺錢嘅人先係最值得敬佩

Join左兩日walking tour
其實呢個地方唔錯 南美黎講

Thanks 巴打 等你繼續出文