直到世界盡頭（II）

lm 想去南美

最近轉咗新工，好攰

今晚或者聽晚出文

Btw 邊個改咗名

返黎啦

大師兄終於返黎啦

最近轉咗新工，好攰

今晚或者聽晚出文

樓豬

（上文提要

喺塞爾維亞城市Užice被司機大佬趕落車，同瑞士夫婦夾錢坐的士去到波斯尼亞邊境 ）

正確啲嚟講，波斯尼亞唔係叫波斯尼亞，應該係叫波斯尼亞及黑塞哥維那，或者簡稱波黑。兩個都係地名，波斯尼亞係北部嘅地方，黑塞哥維那係南部地方。而住喺呢個國家入面嘅，主要就有三個種族，分別係波斯尼亞人（其實係南斯拉夫時期承認講克羅地亞文同塞爾維亞文嘅伊斯蘭教徒為一個獨立種族，叫佢地做波斯尼亞人）、克羅地亞人同塞爾維亞人。亦因為三個種族錯綜複雜嘅關係，令到呢個地方一直都係歐洲火藥庫之中嘅火藥庫

唔好咁複雜住，總之我地就坐的士好順利咁入到波黑。過程之後，我地都係希望衝去首都薩拉熱窩，於是就喺邊境嘅遊客中心到問點先可以去得到。

職員 我地

：由呢度去薩拉熱窩，一日只有一班巴士。（望一望錶，指住橋對面遙遠嘅車站）應該係呢個時候到架啦喎！

我地同瑞士老夫婦對望咗一秒，即刻明白，咁咪即係淨係得由Užice開過嚟嗰班

：但個司機頭先趕鳩我地落車
：而家唔會架啦！
：典解噉講呢
：因為過境嘅時候巴士唔比超載，超載海關唔比過。過咗境就點都得我睇架車就嚟開啦，你地都係快啲跑啦
：

只記得我拎埋女神個大背囊，一條友拎住成40KG跑咗幾百米 瑞士公公婆婆都唔弱，七十幾歲仲追到車

雖然最後比司機黑咗面，但總算成功上到車



黃昏來臨之前，終於趕到呢個細細個就聽得多，有歐洲耶路撒冷之稱嘅聖地，薩拉熱窩

會

上水了，繼續追

皮已正

等左你好耐啊

樓主終於返黎

又有得睇了

加速！

樓豬

波黑由三大民族組成，其中一大就係穆斯林。去過伊斯蘭國家就知道，虔誠嘅教徒係要一日朝拜幾次，什葉派一日三拜，遜尼派一日五拜，夠鐘時就會全國都有廣播，用阿拉伯文播經文提提大家

離開咗伊朗之後，都有一段時間冇再聽到呢啲魔音，嚟到波黑終於可以聽得返 唔同嘅係，好似伊朗呢啲西亞中東國家，伊斯蘭教同政府係政教合一，黨等於國，伊斯蘭律法等同法律，所有國民無論虔唔虔誠，都自動成為伊斯蘭教徒，就算個人本身唔信，都會為免麻煩而自稱教徒，所以穆斯林佔人口嘅比例基本都係100%。但實則上大家都係舞照跳酒照飲，齋戒月照樣偷偷食嘢同扑嘢 至於波黑，因為有一半人都唔係穆斯林，伊斯蘭嘅規律唔係法例，大家基本上唔會有一定要認做穆斯林嘅壓力，信唔信，守唔守教條，都係自己嘅選擇。教徒唔會迫其他人信教，而唔係教徒嘅人亦習慣咗每日聽到唔屬於自己世界嘅廣播。難怪我地住嗰間Airbnb嘅屋主都對自己國家嘅宗教包容非常驕傲。

喺住宿不遠處，就有一個佈滿穆斯林墓碑嘅墳場。



原來當年嘅波黑就因為種族衝突，爆發內戰，其中喺薩拉熱窩嘅一場圍城戰役就導致好多平民死咗。為咗永遠記住呢件事，成個薩拉熱窩周圍都係墓碑



當然論規模嚟講，一個小小嘅和合石都比呢度壯觀好多倍 但論歷史嘅厚度，就唔係噉講。九十年代嘅波斯尼亞人同克羅地亞人因為想由南斯拉夫獨立出嚟，而同反對獨立嘅塞爾維亞族勢成水火。而後來又因為宗教嘅關係，信奉基督教嘅克羅地亞人短暫同塞族聯合，對抗伊斯蘭嘅波斯尼亞人。呢三個族離離合合噉打咗幾年，最終都係困埋一齊，仍然生活喺同一個國家。據屋主講，今日嘅波黑人都擺低晒以前嘅恩怨，只係希望嚟緊唔好再打。佢都曾經睇住朋友喺嗰場戰爭入面被殺但係而家，佢覺得你信信耶穌又好，阿拉又好，唔好阻到佢返工就得

始終，人都係要向前看。

Ching Ho ball

有文

巴打你仲未返香港？
我記得上年呢個候開始追你個po,去到蒙古附近

返咗好耐啦 坐緊車返工了

今晚有冇

好感動，終於有文了