諗起上次對烏克蘭人幫我地Call的士，其實唔貴，我地就決定等一陣，睇吓截唔截到。如果真係冇的士，都可以試吓截順風車
其實我嘅旅遊經驗好淺，喺呢個旅程之前，真係從未坐過順風車。睇過其他遊記嘅經歷，每次見其他巴打比好心人接載，都心思思想試吓呢種體驗。只係喺有公共交通嘅地方，又唔想濫用人地嘅愛心，所以都唔會特登有車唔搭走去截順風車。但今次嚟到呢度，就可以趁機會試吓
冇幾耐，就有一部灰白色嘅五人車停低咗。
司機 
我 ：Вы идете в сторону？ ：Tunnel Of Love! ：（招手叫我地上車）Быстро на поезде ：Thank you! ：Вы лучше, чем деньги дома ：你講乜7? ：100 DOLLARS！以為係好心人，原來誤會咗
結果司機就車咗我地去Tunnel Of Love。見天色開始暗，我地問司機可唔可以喺隧道口等我地半個鐘，車錢照計，佢一口就應承咗，只要比足100UAH（計返係30蚊港紙）就得。
折騰咗一日，又捱咗一晚夜車，終於到咗傳說中嘅Tunnel Of Love
嚟到就發現我地帶漏咗一樣好重要嘅嘢，就係蚊怕水
呢條比樹包圍住嘅隧道，蚊患同波蘭的森林係同級，企定幾秒想影相已經一堆白紋伊蚊飛落隻手到
最可惜嘅係，我由此至終都唔係玩攝影嘅人，即使去長途旅行都冇帶腳架，連相機都係出發前由死黨借出（最後比我整鳩壞咗
），喺呢度先至發現唔係所有地方都可以搵到人幫手影相。Selfie又完全影唔出佢係一條隧道。至於嗰個司機，我諗佢係完全唔明點解會有人千里迢迢嚟到呢度，佢直情係冇落到車，又可能係佢唔想出嚟餵蚊
用啲背囊左疊右疊先擺好部機影返少少留念嘅相
雖然我啲相比較核突，但我都幾鐘意呢個地方，一嚟實景佢係靚，二嚟佢冇人，想影幾耐就幾耐留幾耐就幾耐，完全唔會阻住人亦唔會比人騷擾
唔係話冇晒嘢值得我去探索，而係過咗咁耐，已經冇咗個種每晚要諗定聽日做咩嘅習慣。每日只要有個大概嘅目的地，就大安旨意咁等有趣嘅事情發生。但係呢一刻，我地連嗰個「大概」嘅地方都冇埋。
佢望完就認為係小問題，令我地都放低咗一直以嚟嘅憂慮。
