預左俾人話廢老, 我細個都係住公屋, 小學返屋邨學校所以唔會有自卑問題. 但到升中, 我阿媽來個跨網送左去何文田讀中學. 啱啱入去第一年先發現自己屋企到底有幾窮, 同英文能力差過同學幾多(好多人英文小學, 我就中文屋邨小學). 入去小學前三名, 一嘢上學期就去到40幾, 跌出所謂嘅精英班. 嗰時都會覺得係世界未日咁. 之後阿爸基本小學都無讀完, 剩係會鬧同打. 自己又自專心好強, 自己屋企已經窮, 讀書已經唯一可以拎返自專心嘅嘢. 結果一口氣就追到中一到中七都可以年年全級前三名. CE + AL入三大. 壓力可以係好負面, 但都可以係正面. 升U都係, 以為自己好勁, 點知人外有人, 天外有天. 跟住先認真去追返個first hon. 其實應該係而家環境同選擇多過以前. 同埋家長有學識, 唔會剩係打同鬧. 唔讀書就一世窮基本上係我個年代根深蒂固. 而且而家小朋友多左見識唔會盲目相信以前嗰套. 例如我第一次坐飛機係讀碩士出paper去conference. 根本就係大鄉里咁. 好難直接比較, 我只係想講世界本來就唔公平, 要打破呢個不公平向上, 係每一個時代都要付出好大嘅努力, 同決心