我呢D老野講兩句
其實唔同年齡既人佢哋面對緊既野都唔同。都希望自己有所期望
1.10幾歲讀書果時希望自己考好D,讀到心宜既大學,學科
2.讀緊U果時所找尋一段刻骨銘心既愛情
3.一畢業想搵份好工,舒舒服服
4.人到中年希望衣食住行搞得掂,兩老可以擺多幾年,小朋友好好讀書
好多人都係咁,因為我哋只係普通人,唔係咩野chosen one, right?
考DSE年齡得17、8歲,脆皮喊下都係人之常情姐,而且你見到佢屋企環境都算唔錯,可能細由到大都畀屋企保護得好好,考DSE人生入邊第一次為自己既人生負責,咁緊係唔知點做啦
到見到你哋話而家多左捷徑入大學,其實捷徑呢就一直都有,我讀書果時都見有人有condition offer, AL 全部合格就係大學讀, 我果時覺得「屌你個閪,條友肯定有D過人之處」。
至於讀書係咪一個公平既方法去決定人生,其實唔係既,佢唔係一個絕對公平既方法,只係相對地比較公平。 因為老豆老母有錢,讀名校,佢一定會有比較多既資源去準備考試,而普通人,窮鳩,差學校就一定會小D, 但咁樣已經係俾左一個比較好既路徑,普通人去嘗試階級既跳躍(有機會。但唔包生仔), 已經係相對公平既機制。因為總唔能夠全部人,同一間學校,當一個老師,同一個坐位,呢個係一個唔太現實既操作。
至於我自己呢,就係而家你哋講既hell mode 度玩既。老豆賭錢老母師奶,自細同細佬訓碌架床,間房30呎。坐上架床溫書
至於成績呢 CE 13分。 AL ABCCE
band 5 中學
而家人到中年。叫做三餐無憂
人生條路點樣走。係屬於自己既選擇,決定,社會認知,並唔係老豆老母有冇錢,讀書成續好唔好咁簡單。
共勉之