睇小說,除咗情節好唔好睇外,佢俾到咩價值觀亦會影響到讀者,呢樣野會唔會深遠影響普世價值觀嘅主流,先係個重點。
舉個例,係咪所有故仔入面都唔可以提及性侵犯嘅情節呢,入面描述罪犯嘅心理分析,又係咪代表作者鼓吹呢種行為呢?用入面啲故事,帶到咩價值觀俾讀者先係最重要。
睇動畫,一定冇睇小說咁詳細。小說入面有好長篇幅去解構主角嘅心理,亦解釋到佢做嘅決定。呢兩集動畫草草咁將主角設定搞到崩壞,真係睇到
你話個主角係咪賤種,相信都係睇完有代入感會有咁嘅諗法,亦證明本身個故事寫得好,亦俾到讀者反思咁樣做係咪正確,已經證明呢個作品嘅影響力。
如果現今社會冇普世價值觀(主流奉行一夫一妻制)自小灌輸及束縛住,我相信大部分人都唔會覺得主角咁做(娶多過一個老婆)有問題。
當然呢個只係小說,以上睇法純粹交流下。