陳慧琳爆曾被使橫手搶走女歌手獎

kelly紅個段時間
身邊都無fd係kelly fans
早啲聽歌嘅就王菲sammi，其他就千嬅 joey
去到kelly準備收山先識到第1個fd係鍾意kelly，都係唯一一個

因為佢結婚之後少左做野 嬋同sammi就算唔唱歌都keep住拍戲 容姨就一直有出歌

梅姐粉絲話梅姐當年都有同樣情況
一早會知道自己有無獎

好欣賞Kelly依家身分地位講返出黎
表明自己唔旨在啲獎同時話比大家知啲公司黑暗面
要大家睇清獎項價值

不嬲都係唱片公司同主辦傾掂先㗎啦，傾唔掂咪變咗千千嗰屆咁

咁kelly都唔係第一年玩呢個遊戲啦到佢可以爭女歌手嗰時
佢都睇得開，唱片公司咪睇得仲開，爭唔贏都一定唔會係第一次，邊駛你一個歌手去安慰唱片公司d人，成班人笑下咪算

最唔明係點解最尾換咗人攞獎，開頭又要同kelly嗰邊講係kelly
都唔知係兩間唱片公司嘅鬥爭，定係個台有兩邊勢力（好似珍姐樂小姐咁）先會搞到有變數

kelly 又少拍戲（唔識做戲+講嘢8婆聲），負面新聞又少。 退出後少暴光自然更加少人提。

佢有做戲好似東京攻略仙樂飄飄嗰啲咁，有啲當時都幾受歡迎，但佢一套經典代表作都冇，流傳唔到落嚟，咪冇人提囉，其他或多或少都有一套經典代表作

即係呃Kelly公司囉
黑暗

所以TVB機會最大 係個台節目比說話佢地聽

最經典係冷靜與熱情之間
日本爆曬票房紀錄

認同。東京攻略呢類動作喜劇，又多明星做，自然受歡迎。 但當要佢單拖就睇得到佢唔夠力擔起台戲咁（薰衣草...總係怪怪咁）。演戲佢真係唔得，佢應該有嘗試，但真係無天份。

但佢啲歌我個人就幾鍾意，快歌慢歌兒歌都得。

冇特色，其他做戲唔係勁有啲其實演技係屎嚟，但有特色印象深刻都好過佢過目即忘當然都要套戲成功成為經典

好時辰係佢出咗事之後第一隻碟，跌係正常，嗰時有朋友係忠實fans，用成個月part time賺嘅錢入CD鋪掃CD，希望偶像個勢唔好跌得太勁真愛

原來kelly已經5字頭

如果真係漏口風
我都覺得tvb最大機會，本身個台都仆街，又唔俾d歌星用廣東話去第二個台做訪問，又搞乜鬼版權，同埋成日都傳幫tvb做嘢換獎，仲有好多獎都亂咁頒，例如chok金曲金，唔俾破梅姐記錄最後唔頒俾joey(呢年真係r晒頭)
新城廢台無人理、叱咤唔係捧開kelly，唔會事前優先放kelly係第一、港台好似守開尾門，有四台聯頒都有機

01年傳媒瘋傳Kelly3屆蟬聯
難怪當年粉絲大打出手

似都似TBB，01年kelly拎亞太見佢果樣o咀到唔相信咁，似以為自己會有機拎女歌星，一拎亞太就知女歌星無佢份，亦知之後都難再拎女歌星

呢個帖咁快到頂啲人仲留言話Kelly人氣過咗

但係01年輸俾sammi都真係好正常
呢年sammi 4台成績都壓住kelly，kelly都唔係淨係輸一個台
個人認為01sammi 04千嬅都實至名歸
如果要抱不平嘅會係hocc勞斯萊斯嗰年

啲人應該走去wiki睇下，如果咁都唔算天后真係講唔過去

有一段時期最紅係佢，基本上人地絕對係一線嚟

但紅完之後好快插水

一向偶像派係咁架啦電影圈留得到長做果批都係主要實力派嚟

女歌星不嬲都係嗌交場黎

因為好多都唔係講緊kelly，一線嗰堆差唔多講晒王菲 sammi gigi 千嬅 joey，連葉蒨文，黎瑞恩都有人講，男歌星都有人講
有d就如你所講，係講kelly人氣過咗
你話有咩辦法唔爆