出咩醜
根本唔洗出咩醜,球隊自然唔會俾到高薪佢,所以啲新聞一直都傳傾唔成傾唔成。
要千萬年薪應該都有,始終仲有一定既實力同埋球隊圖騰。佢今季差到咁都場均17.9分,今場純粹係佢呢季既縮影之一,係最關鍵時刻自爆啫。
Joe Lacob本來就係想係Klay第2次大傷之後就開始執隊波,將球隊開始年輕化做接軌,當時佢地就係想靠Wiseman執過隊波,佢當時既potential咪就係大家夢寐以求既手長腳長既內外得分手,點知啲Scout錯估左Wiseman既籃球IQ,過份睇重左佢既身體天賦,之後又傷,冇機會兌現到佢既天賦,二來冇考慮到Poole膨漲,同廢鳩直接有Beef,而Kerr唯一真正冇俾過咩機會既只係得Mo,其他既要機會都有一定既機會去打。
係運氣機遇同化學作用底下幫左球隊攞左2022個總冠軍,結果就令到成支球隊行左另一條路,行雙線,又想湊到細路,又要顧到老野,你回望返當年2014馬刺,佢地以老帶新浸Kawhi都差唔多2-3年先見到希望,但實際上佢地當時帶到出黎既新仔真係得Kawhi一個,勇士短期內帶到Poole同埋JK已經算得上成功,的確唔係隊隊波champ完之後都做到。
講到尾,唔覺得呢2季失利係咩問題,年年你攞晒咩,2016年仲傷啦,事到如今呢十年實實在在有4冠,勇士縱壞左幾多球迷?
今個off-season,就係要執返好隊波,搞掂Klay份約(簽=無論點都要降佢既球隊既定位),搵返合適既幫手,新仔要上既就上,唔好再簽早泄/Wanamaker/Chiozza呢啲球員嘥左個spot,我就唔信佢地唔可以重新黎過。
仲有見頂,勇士今季咁浮動,就係因為除左Klay之外,另類花式下滑同不穩,冇大傷冇足夠既所謂功勳底下點解可以避開咁多批評,佢份約話貴唔貴話平唔平,4年年均2700萬喎,仲多過Dlo同大橋,假如佢防守端真係咁有主宰力可以彌補到進攻,佢今場波邊有可能係25分鐘內-25。
呢個off season重新計劃,以退為進絕對係好事,而家輸到咁徹底反而仲樂觀。