[長文,我很想成為一個殘疾正常人]我係一個隱蔽左12年既殘疾廢青/中,想重投社會走返出黎,求建議 +去左日本四國

我黎講d唔開心嘅嘢黎比樓主開心下，我都係一個隱蔽人士，身體有缺陷但又未到拎白卡嘅程度，三十幾歲人連飛機都未坐過，而家想出國見識下，但無朋友，又唔敢自己一個去

day 13 紫雲出山,高屋神社

今日係最後一個full day,但香川都仲有好多地方未去
本來今日係一個好日子去櫻花滿開既紫雲出山
示意圖


但天氣關係,預報都講左未開花
我早幾日就預約架星期六,日先會運行既巴士
紫雲出山,高屋神社,如果你非自駕係好難去
但呢架巴士就正正解決你既煩惱
好猶疑,紫雲出山冇櫻花仲值唔值得去?
諗左陣,咁高屋神社都好值得去
就照去啦

大家仲記唔得上個禮拜係coffee shop個叔叔
佢推介左烏冬鋪
今日終於可以去到
其實呢間綿谷都係名店
咖哩烏冬都好正




總結呢兩個禮拜食左好多次烏冬
最鐘意係熱既肉烏冬
早餐食烏冬+天婦羅呢個文化
對普通早餐食到悶既人係另一選擇
如果香港丸龜可以做早餐時段就好了

市區終於有d櫻花睇下
只要有lawson標誌，張相就好和風

24小時既無人古著店
第一次見呢種形式



係第十三日終於搭到jr
差少少就可以唔靠揸車同jr都可以玩到四國

搭左一個鐘，黎到詫間站
落車既人都係搭同一架上山既巴士


一個鐘後上到紫雲出山,大半人都係呢度落左車
因為只有呢班車會去神社,我繼續搭

lunch 已經翻啅左幾次既7仔pancake


金刀比羅宮好多人話難行,我行完覺得吹大左
係辛苦既但俾d毅力都完成到
咁我諗高屋神社都應該係吹大左

金刀其實大多都係行樓梯,呢度係行泥路
難度同斜度都係金刀不能比擬
睇樣都知道唔簡單
但咁遠黎到點都挑戰下啦
除左我，仲有一男一女一齊挑戰
拎枝行山竹就上喇


1k向直行就唔難,向上行就唔係咁講喇


金刀可以唔用行山竹，呢度真係唔得
起碼我唔得
大概係我人生中最難行既路（物理上）
感覺有d似舊山頂道行上山頂



然後我撩一齊行上黎個男仔講野，有左人生第一個旅伴
用日文問左幾句,原來佢係黎讀master既上海人
大部份時間做咩都係一個人，習慣左一個人都唔記得有朋友既感覺係點




雖然條路好難行但有個人係身邊一路講野一路行，行行下就到頂了



上到山頂遇到一位踩單車遊日本既師兄
來自茨城縣既佢，放假就會帶埋部單車周圍踩
而家踩緊知名既島波海道
人人都有唔同既旅行方法
覺得佢地兩個人既方式都好正
係單車師兄既邀請下影左張合照
(保護上海巴打)


講返高宮神社，個景未靚到嘩一聲
但行既過程先係最難忘


原來係另一邊係有個停車場可以上到黎
你揸車既話係唔使好似我咁行到成隻狗咁
係山頭行左個圈，就落返山搭巴士了

見仲有時間就去埋紫雲出山行下
有櫻花應該會好靚,預左但都係好可惜
始終未必再有機會黎




返到車站就同上海巴打分別了
佢去搭船,我就返高松
好多謝佢既陪伴,好耐冇同陌生人相處咁長既時間傾左咁耐
信心大左

多度津轉車既時侯遇到四國特色列車 千年物語
今次冇用到jr pass所以一架都冇搭到
普遍列車外形冇特別，但入面提供既餐點同體驗好似唔差



最後的晚餐
本來想食多次立食壽司，收左鋪了

肚餓所以想係車站食埋先返去
我可以揀香港或者北角
記得有巴打試過香港好撚伏
北角就唔知咩料,tabelog 3.08分


但走左去食快餐
因為第一次黎高松食過，唔知點解我都幾鍾意freshness burger，一千羊少貴但好食既
心目中，日本最好食既連鎖快餐係北海道既小丑漢堡，第二就係呢間freshness

食飽就行多陣新商場
以日本標準黎講好鬼細，冇咩好行
最有興趣既komeda仲要過幾個月先開

甜品以上海巴打推介既雪糕,係好食既


喜獲同伴既Day13完
聽日就係最後了

我唔會因為有人差過我而開心
我通常係覺得唔夠人好而自卑
巴打都冇需要咁做

我都行到出黎,有心既話其實巴打你都得
有需要就真係搵人幫下手
我而家知道只要你肯seek help就有人會幫你

之前有其他巴絲推介過既迎風
https://www.youthmentalhealth.hku.hk/

shall we talk
tel:18111
https://www.shallwetalk.hk/en/

最近學到關於恐懼就係:感到恐懼,仍繼續前進
其實好多時係個腦將d野諗到好差,事實唔係咁
我一直都會著長袖衫,因為我驚俾人見到隻手
但我慢慢面對,而家我可以著短袖出街
其實真係冇咩野,從來都係你自己諗多左

你都慢慢黎,去下長洲先,去下澳門
之後再諗搭飛機去想去既地方

我得你都得,加油

有緣見倒個post我都講下自己

因為19年識左而家老婆現在已經移民英國差唔多3年
我係英國可以揾返自己行業, 人工唔錯亦可以長時間WFH
同埋英國人既特性 我會間唔中全日無野做係屋企on99 一邊打機一邊糧照出

係唔係覺得我好曬命？ 但我同你講我完全唔開心, 好似坐緊監咁

見倒你去旅行既相好自由自在好羡慕

最近有個朋友同我講:要係唔好既事物入面搵好既一面
係好既事物入面搵唔好既一面

睇完巴打你咁講,我覺得人就係咁,好容易睇到人好既一面
又會放大自己唔好既地方
我以前會羡慕呢個status,但而家我明白我只係睇唔到唔好個面

你見到去旅行既相會羡慕,我估巴打都係想去下旅行,改變下環境
想要自由,不如試下改變??由小事開始做

心靈雞湯對我無咩用，我已經睇過唔少呢類野。我精神好正常，唔正常嘅係我嘅身體，我可以做嘅只有認命，接受自己唔可以有一個正常人嘅人生，做一些力所能及的事

我地每個人都會有自己嘅困難同限制
你identify到個問題喺邊已經係行左第一步

我想講日本歧視殘疾仲勁過香港
試過幾年腳傷拎住兩碌柺杖去東京大阪九州都係俾人用奇怪眼光睇住 好似好撚出奇咁撚樣

咁就好了
接納你改變唔到既事係好事
可能你過唔到其他人既人生，做自己做到既事就夠了

小心啲，有抑鬱係要搵心理學家，唔係單單返教會，教會好多內心唔平安嘅人淨係返教會，唔認真去見心理學家。返教會不能取代心理治療。

佢已經好好，十幾年唔返工，成日旅行

竟然係咁,巴打辛苦了
日本人點睇真係要問下呢度既日本人巴打先知

多謝你,最後都冇去到教會,正反意見兩邊都有,有D卻步

過幾日會見精神科醫生

.

你上網搵五體不滿足係邊個寫既
睇埋佢上幾多條女
再問下自己有冇盡全力

見多啲心理學家，唔係精神科，心理學家治本，唔好靠咁多藥物，直接從內心嘅創傷處理

加油
保重