day 1 #51
day2 #185,214,249,267
day3 #308
day4 #321,336,382
day5 #395,397,400
day 6 #408,463
day7
本來打算去叔叔推介烏冬鋪食早餐但星期日唔開
去返琴日間coffee shop,400羊真係好抵玩
今日人冇咁多,可以自己獨霸一張檯
拎本雜誌一邊睇一邊食
其實唔趕時間,因為book左巴士十點去德島
食完行下便利店先返去執行李
日本交通一直都好準時但四國呢邊唔係好適用
架巴士遲左十幾分鐘先到,擔心係咪去錯地方
高松去德島只需要一個半鐘,好快就到
全車得4個人,遊客應該大多都搭jr
但我未決定之後行程,所以揀搭巴士
Book左間係車站行5分鐘既酒店
門口都幾靚
地下有間餐廳,貌似有d class
仲有個黑人帶位
有間甜品鋪,職員都係靚女
就咁望落都光光猛猛都幾靚既
但酒店就好似係副業咁
完全唔係個回事
好普通舊舊地
推斷就係餐廳老細收購左呢棟舊既酒店
主打都係想開餐廳,甜品鋪
酒店只是搭單
今日仍然係落雨,都係行下車站附近商場啦
車站有兩個唔算大既商場,其實大概可以確定呢度幾頹
如果你以為離開高松就見唔到pkmon
太天真,pkmon真係由3歲紅到80歲
德島都係大量pkmon
商場都冇咩好行,lunch揀左間出名高分拉面鋪
德島拉麵名店 いのたに
行都要行15分鐘仲要愈落愈大雨
以為德島冇咩人,原來d人係哂拉麵鋪
兩間鋪都坐滿人,座無虛席
望睇就係中華麵+生蛋+腩肉
本來我對呢種傳統既中華麵冇咩好感
通常都係唔好味
但呢間係好味既
見好多日本人都加多個白飯倒落碗湯當泡飯
對我黎講太heavy,大家下次可以試下
原來今日咁岩係德島馬拉松既日子
見到好多跑手外
仲有d表演睇下,睇左陣呢兩個搞笑藝人
肥呢個用件冷衫玩爆鈕 ,叫人估會爆邊粒
我相信佢係控制到既
落住雨唔想留係室外但又冇地方去
見到車站有巴士去德島aeon mall
咁就去左今次旅程第三?間aeon mall
咁多時間不如去睇戲啦
都想試下冇字幕聽得到幾多成
日本睇戲有分前賣卷,即日飛
即日公價1900羊,同香港差唔多
呢個時間得兩個選擇
一係睇佐藤健既愛情片
一係睇変な家(奇怪的家)既恐怖片
呢套奇怪的家而家係日本好紅
係書店會見到擺哂係當眼位
所以都係全院滿座,好好彩一條友都買到卡啦位
劇情大概講主角發現左間間格好怪既屋而引發一連串怪事
估唔到既係前akb川榮李奈有份做
後面既劇情似何超儀之前套怨泊
又係日式大宅,日式鬼怪,日式祭祠
重點係都聽得明7,8成
睇戲之前行眼鏡鋪,試眼鏡但睇唔岩心水
夜晚想食壽司,諗住去壽司郎頂住先
但見到咁多人排緊就冇mood食
食松屋算數啦
返到酒店見甜品鋪未閂
想食布甸就賣哂,其他又冇興趣
返上房結束落大雨,做咩都冇mood既一日
一直都係度plan行程,可唔可以去到大步危,祖谷橋但交通真係好煩又要夾巴士又盛,去高知又唔夠時間去埋四萬十
最後決定去我覺得最冇咩野玩既松山三日之後返香川.
Day7 完