[長文,我很想成為一個殘疾正常人]我係一個隱蔽左12年既殘疾廢青/中,想重投社會走返出黎,求建議 +去左日本四國

多謝你牛河

我就係心態垃圾先淪落到咁
但想變可能只係差一個契機，希望你都搵得到

你起碼仲想生存，我而家就想結束

喂你冷靜D
雖然唔知發生咩事但講出黎真係會舒服d
呢個係我最近先了解到
有咩可以講出黎wo
或者tg me

巴打加油, 可能搵心理醫生/社工傾下會好d 向好既方面諗, 你去邊都係$2

day 1 #51
day2 #185,214,249,267
day3 #308
day4 #321,336,382
day5 #395,397,400
day 6 #408,463
day7 #487

day 8 德島市
今次係包左酒店早餐既，雖然酒店樓下係有餐廳
但早餐buffet係要行過隔離酒店食
今日仍然係落雨，唉

酒店早餐buffet本身就冇咩驚喜，大約咪東橫個類
點知又好有驚喜，加埋加埋都有成5，60樣野



有當地名產有正常野連關東煮都有，太豐富
貪心的小狗拎到一檯都係

早餐都食左成個鐘，呢個真係good morning
我唔知單買呢個buffet幾錢但佢絕對值3000羊以上
唔知大家住酒店會唔會買埋早餐，我通常都係出去食/
食個飯團就算，如果遇到呢個質素既自助餐都係一種享受

食完早餐返去灘下先正式開始今日行程
其實都冇plan去邊度，黎德島主要想去既地方今日唔開
所以都係市內行下



德島中央公園，城跡就係車站附近
公園都幾大幾靚，如果唔係落雨都應該幾好行



諗住避下雨行下博物館



冇得睇就鳩行下
老遠見到間森林系cafe好撚型
就算今朝食到好飽都想飲杯野


再行近少少先發覺佢唔係森林系cafe,似係荒廢左
睇唔清佢真係執左定點??



繼續鳩行，行黎行去d鋪頭一係冇開一係好舊式



行到一條類似紅燈區既街，朝早當然唔開但都叫有小小朝氣


諗起我一開頭講個套日劇 遲開的向日葵
鄉下地方既老舊商店街收哂皮，個個都去哂新式shopping mall,係我眼中德島市中心唔應該咁差
但事實真係唔樂觀
雖然我今次冇去到高知，只係去左愛媛，香川同德島
德島係明顯差過佢地幾班

差唔多行哂成條商店街，終於搵到野有興趣行
Animate,同ufotable cinema




全日都播動畫電影，當刻係有d想睇spy family但時間唔岩
買左spy family既野,職員俾左張野我
係市內三個地點吸印仔,完成就可以拎張鬼滅postcard
我唔睇鬼滅亦對張卡冇興趣,但好似突然接到個mission
打開機既我就想完成佢,呢度已經係第一站 ⅓

今朝食得太飽未落格,飲杯啡坐下抖陣再食lunch

唔係好識咖啡,次次飲blend都分唔出有咩分別
杯杯都一樣咁



左右都坐住一對男女
偷聽下佢地講咩都幾有趣
左邊一對著住suit既男女,都係講工作上既野
右邊一對著便服既男女,男既應該係cow緊條女

坐都咁上下都係時候食lunch
唔係因為我肚餓而係間鋪都就快收鋪
行兩步就到呢間拉麵鋪
堂の浦 駅前店

最出名既鯛魚鹽拉麵



琴日既德島拉麵做法比較舊派,呢間新派好多
佢地係另一種好食,我見佢地有海膽拉面就順口問下老細野
當然問下佢地德島有冇邊度推介
佢地答案係冇....
推介左我另一個地方而呢個地方係我聽日會去,唔屬於德島市
老細我聽日會再黎食海膽拉面架(希望啦....)

如果係好油既湯底我一定唔會飲哂但呢碗ok


好似講到呢度好悶,其實都有景點既
阿波舞會館同可以搭纜車上去既眉山


以今日既天氣,上到山都唔會睇到咩
但因為上到去有間鋪可以吸印仔，又驅使我上去

搭纜車上去遇到個泰國家庭
中年夫婦加個7，8歲既仔
係我眼中佢地好幸福美滿
深知呢種生活我唔會有
用英文講左幾句再補多句cup bu cup
就到站

真係咩都睇唔到



其實眉山呢度係賞櫻勝地
呢個日子亦都應該係櫻花期
但天氣關係令櫻花遲左開
粉紅色既野都係可遇不可求


睇返d相都叫有意景既…..





冇開但都可以吸埋個印仔就落返山⅔



由於買飛包埋個資料館，行陣啦
個館都係講下阿波舞既歷史個d野
比較有趣既係佢有部機俾你試下跳阿波舞



今日既重點黎喇——-阿波舞
阿波舞除左係睇舞者跳之外
佢仲會即場教觀眾，叫埋觀眾一齊出黎跳同樂



要企係人面前唔好話跳舞，成為眾人既焦點對我黎講
都係一種恐懼，甚至我係有陰影
曾經同一班同學夾好左一齊上台表演
但前一晚諗起要上台就好恐懼
第二日我冇返學

呢次都算係同自己和解既其中一步
我好認真咁學仲第一個舉手出黎跳
雖然唔敢望其他人但都叫跳哂全程
仲會揀跳得最好既三位有獎
，冇我份但跳得都算成功，好玩


跳完去左下層買手信，因為呢度有得退稅
就忍唔到手買左先
鳴門金時饅頭幾好食，推介大家買俾真朋友


紙鎮好靚，冇咩用但都買左返黎擺係檯頭


持續落雨，去吸埋最黎一個印仔拎埋張postcard
Mission completed

day 1 #51
day2 #185,214,249,267
day3 #308
day4 #321,336,382
day5 #395,397,400
day 6 #408,463
day7 #487
day8 # 506

返酒店抖陣先再出去食飯


鳥ぼん 徳島本町店
一間主打食雞串燒，分數都唔差
一條友入到黎竟然唔使坐counter位
嗌左我上二樓，俾張六人檯我坐
阿波尾雞係德島名產，店員特別推介左せせり雞後頸肉



同普通串燒比，阿波尾雞好似真係好食d
砂肝係我最愛



冷奴（凍豆腐）



埋單三千幾羊
Overall黎講都係好食，推介既

食完出門口又落狗屎
雨中德島公園都幾靚


之所以話德島衰落，車站附近條商店街又係空蕩蕩
可能得3成鋪頭仲做緊


酒店樓下間甜品鋪買到布甸，一邊食一邊睇
月曜夜未央



Day 8完

好認同
以前我喺香港 好少特別諗要點樣對屋企人好
我而家移咗民 雖現生活好舒適
但真係會覺得原來佢哋對我真係好好
原來 媽咪喺屋企真係做好多家務 仲要以前返工
係好辛苦
喺異地同男朋友分手 屋企人係非常之擔心我
移咗民之後有時會返香港探佢哋
而家我會攬吓佢哋 同佢哋講掛住佢哋
愛要及時 愛要表達

絲打辛苦了
我知好多人覺得講i luv u 好肉麻，覺得有d野明啦唔使講咁多
但其實一句i luv u真係會令佢地好開心

大家不妨讚下自己,獎勵下自己

https://www.youtube.com/watch?v=fpmYgV9f5VQ&list=RD1lDtliav0Mc&index=6

Day 9 。 大塚國際美術館，漩渦
天氣報告話超級大雨，已經落左三四日雨
究竟幾時先好天架

出去食早餐都唔太大雨
今日冇拎咁多但都係豐盛既早餐


挑戰納豆，陣味好難頂好似up左好耐既臭腳味


今日既行程係去鳴門市睇美術館同漩渦
之後再返黎呢度搭高速巴士去愛媛松山

係德島巴士站撞返琴日個泰國family,打左招呼
搭同一架巴士但佢地目的地係去睇漩渦先
我打算去左美術館先
由德島搭巴士去鳴門都要成個鐘
出面一直都落緊大雨但天氣報告話晏就會停雨
信住先啦

一落車就衝左入美術館
大塚國際美術館,簡單介紹下
佢係一座樓高六層,一層大到唔識形容
展品橫跨古羅馬,中世紀,文藝復興到現代,總之咩都有
雖然全部都係複制品,勝在任睇任摸

相就影左好多,只可以揀少少po上黎
第一個展品 最後的審判
相當有迫力,聽住個部嚮導機學左好多美術知識
我就唔斑門弄斧,睇相啦



好老實講,比起咩名畫
我更加熟米津玄師既lemon
當年佢就係呢度唱住首歌上紅白
https://www.youtube.com/watch?v=SX_ViT4Ra7k

此非效果,真係落緊雨




西方既龍真係好邪惡,我地中國既loong就唔同喇


之前係地中美術館睇過莫內既睡蓮,呢度擺左係室外
但當時仲係好大雨,出唔到去

停左雨補影

行下睇下坐下




不知不覺睇左4個鐘,企得太耐真係好支力
樓上有個空中花園,攤係度有d想訓


呢個美術館真係好大,你認真行睇係一日都未必夠

enjoy!

day 1 #51
day2 #185,214,249,267
day3 #308
day4 #321,336,382
day5 #395,397,400
day 6 #408,463
day7 #487
day8 # 506,507
day9 #511

大塚國際美術館自身最大賣點就係你唔使去歐洲都觀賞到名畫
仲要集齊哂,不過講到尾都係睇畫
如果你對睇畫冇興趣就唔推薦黎

反而之前去既直島,豐島既美術館,俾五感感受既元素更加多
係大家都會enjoy既,比較易入口

下一站坐船睇漩渦,德島由於位處海潮的交匯處,造成奇觀級既漩渦
可以話黎德島唔睇漩渦=白黎

唔知係今日先咁大風定呢度平時都係咁
室外地方係極大風,所以只係影左好少相
懷疑見到水龍捲


由美術館行去碼頭睇漩渦,佢有個牌係指住向呢個方向
但我跟住行到去都見唔到碼頭係邊(之後先知方向冇錯但要行20分鐘先到)
就行返回頭路去第二個船碼頭
大概1430左右去到碼頭,佢已經話今日冇船喇
但佢個時間表寫住去到1700都有船出航
總之最後都係出唔到海睇漩渦
職員姨姨就話你可以上條橋睇架
就係咁我就一邊食住飯團一邊行上山




大橋下層橋底設計成俾人行去海中心睇旋渦
超級食風，我見住個細路女頂冷帽一野穿走左
下一秒我頂冷帽都吹走埋

不過冇吹落海，因為呢度俾鐵絲網封死哂

期待而久既漩渦，有點弱
可能係過左大潮既時間啦又距離遠
但都叫睇到啦


要睇既野都睇哂
等巴士返去啦，見仲有差唔多成個鐘先到
周圍行多陣，呢度僅有2，3間鋪賣手信
是旦買左份章魚燒入去坐下,室外太大風搞不撚掂



差不多時間就過去等巴士
然後惡夢開始,間巴士到哂時候都唔黎
以為係遲少少je,但過左十分鐘都未到
開始急喇,亂諗野
check多次時間表先知我睇錯左時間,miss左上一班車
但係下一班車都仲趕得切返去搭高速巴士既(理論上仲有20分鐘走盞,如無意外的話.....)
仲要等巴士個位又係好當風,我唯有屈住係呢個電話亭入面
雖然腳邊都係入風但起碼其他地方ok


等左30分鐘巴士終於開始返德島
一路都好忐忑不安,不過都叫順利既
直到差不多返到德島市區
最恐怖既野發生--------------------------塞車
去松山既巴士1900出發
我坐緊既呢個巴士本身預1840到
呢20分鐘我要做既野係由巴士站行3分鐘返去酒店拎返d行李再行返返黎巴士站
其實都夠既但.......

real time
1840:仍然係塞車中,都仲有2,3公里先到
開始諗趕唔到點算,使唔使即刻book多晚酒店?

1845:開始望到終點,已經衝左上前準備落車狂奔

1850:終於落車,急步衝返酒店

1854:拎左行李,又返去巴士站

1857:返到去但行錯隔離line,又衝返去
1858:達陣

又支力又肚餓又急尿但上到車
呢d野又算得係咩

一個鐘係parking area停車
救星7仔,都唔記得自己食左咩


2200:終於到松山,即去最近既すき家食野
好耐冇黎,原來呢度都改左用ipad了



驚險的day 9完
sorry,呢日真係影得太少相
只能文字討論

多謝巴打 真係寫得好好睇
好似哩左喺你個腦一齊去旅行咁
見到唔少人叫你睇開啲嘅原因係覺得你唔知足
但其實感覺有啲奇怪
好似變相係另類嘅"將自己嘅快樂建築喺他人痛苦之上"
又 係咪要鬥到世上真係無人慘過我 我先可以唔快樂呢
我覺得好多時同情緒有關嘅野
個人條件只會係思想枷鎖之一
其實出事嘅地方係個心
因為梳理唔到思緒 又或者陷入左某啲情緒
未能如常運作 連滿足、愉悅嘅能力都暫時失去
當其他人呢個時候話你已經好幸福時
會唔知點解只有自己孤獨地感受到痛苦
唔知巴打會唔會有類似感覺
希望你同你嘅困擾共存到之後
佢會慢慢轉化成你生存嘅力量
慶幸睇你文字感受到你而家精神幾好
有能力消化到局外人嘅單單打打
會繼續跟你遊四國

p.s.我都好鐘意四國 豐島美術館可能係我去過覺得最靚嘅地方

我都多謝你有認真睇

最近睇左倪匡既一個訪問,有段係講痛苦:
「痛苦分兩種，精神上的和肉體上的。精神上的痛苦是想出來的。不想，痛苦就沒了。肉體上的痛苦才是真正的痛苦。」

好認同,心理問題就係你鑽左牛角尖,唔知點樣處理
你會冇左愛,開心既能力,情感狀態永遠都處於悲傷,負面
我唔止係physically disabled,仲係love disabled
心理層面既問題可能係更加難處理
但記住[精神上的痛苦是想出來的]
面對左眼前既野先

客觀條件我可能唔算差但你痛苦既時候係唔會諗呢d
你只會focus係令你痛苦既野身上
但而家係會感恩有既野
我知道我真係算幸運既

大家對我都好好,都未有人叫我重刷
屌既野都冇錯既
好後悔點解我咁遲先去四國

加油啊樓主，support

Lm

聽日又要學車
但學到個人好頹
就搵下你個post 睇下

睇睇下 覺得
明天我會繼續努力

係嘅 只係有時唔諗佢未必會消失
趁你免疫力低嘅時候又會出黎拉你入漩渦
如果試過做其他嘢都分唔到心
就真係有可能要暫時借他人或藥物幫助下先

又或者呢個都係一個唔錯嘅時機去四國呢
畢竟早幾年或遲幾年去嘅感受又會唔同咗
如果今次嘅得着係你認為唔錯的話
就多謝揀左喺呢個時間點出發嘅自己

不要想太多，好似打機甘，下下都諗住Game Over算數，咩都會做唔好。人生係關關難過，關關過，苦中作樂甘就一世。其實唔返工都冇咩問題啊，反正而家d人返工都係諗點先可以做少d。唔好俾甘大壓力自己啦人比人比死人。我地呢d冇得揀做餐死既隨時都cancer 腫瘤或者俾人扼人財兩失，又或者日做夜做屋企人一果星期都食唔到一餐飯，所以唔值得你去羨慕架，開心又一日，唔開心又一日，但用到呢果生命體既得你自己，咪做到就做，做唔到就唔好諗甘多，自尋煩惱。 或者人最大既貢獻就係令到身邊既人放心開心呢～

今次去完四國，我都打算學車
有車真係方便好多
問過d師兄話報棍貨van最抵

巴打係報駕駛學院定師傅？
大家都加油

痛苦會消失，問題唔會
但要認清自身問題好難，我都用左好多時間
一直去煩惱都唔係辦法，唔諗可能係逃避
逃走可恥但有用

雖然我覺得而家狀況ok
但睇過bipoler disorder既症狀又擔心自己會唔會係
而家覺得傾訴好重要，好有用

非耶撚但可能真係一切都係最好既安排

跟師父學
師傅教得好好
但我天份不足 + 驚驚青青

多謝你，人生可以有唔同既路
我而家都係咩都試左先
或者我搵緊一樣野可以令自己人生變得有意義

令到身邊既人放心開心，呢句好認同
最想就係屋企人可以放心