點解會去旅行?其實係本身就plan好既
不過就係兩日前,情緒突然爆發想jump
cancel哂酒店,係hke機票冇得cancel
我決定走返出黎
當散心又好,唔好蝕俾佢又好
兩日後,我黎到香港機場
唔知你地會唔會係飛前一日訓唔著覺
我會
而我係唔知驚d咩,要焦慮d咩
既然都醒左,不如早d入機場
就算d野唔好食都一定係食飽先上機
想講埋點解要寫低呢個旅程
前面有提過既書《 無緣社會》,佢有提出方法點樣去改善,改變
就係與人結緣,重建conncection
咁第一步就係同人講野,交流,突破自己
所以我想紀錄低遇過既人同事,仲有自己轉變既心情
仲未講點解要黎四國,最主要就係我想去d唔會太多人既地方
太多人既地方我會驚同轉換唔到心情
其次就係十幾年前有套日劇’遲開的向日葵’
取景地係高知既四萬十,一直對呢個地方念念不忘想去睇下
最後要感謝係連燈出四國po既巴打(面具男,月光巴,諸法無我)
你地既遊記令我覺得四國都好似幾好玩同學左好多野
DAY 1 香港-高松
DAY 2 直島
DAY 3 高松
DAY 4 男,女木島
DAY 5 豐島
DAY 6 金刀比羅宮
DAY 7 高松-德島
DAY 8 眉山
DAY 9 鳴門,大塚國際美術館-愛媛
DAY 10 道後溫泉
DAY 11 松山
DAY 12 松山-高松
DAY 13 紫雲出山,高宮神社
DAY 14 高松-香港
正式開始
3個半鐘就到左高松機場,好細,同時段得我地一班機
時間返返去飛機上面先,好快就搵到傾計既對象
我就坐左中間位,左右兩邊咁岩都係差唔多年紀既男仔
以前既我上到機一係訓,一係拎部tablet睇戲,一定唔會同人傾計
我首先同右邊仁兄傾計,因為佢好似好無聊
原來佢唔係獨遊,只係同女朋友分開左坐
而左邊個位就睇緊烏龍派出所,就用呢樣野同佢打開話題
講下行程講下動漫都傾左個幾鐘,我自覺都算正常溝通到
多謝兩位,希望冇嚇親你地
入境攞行李都好快,唯獨係女海關要check我全身,gip要過x ray
一開始佢地好似覺得我好可疑,check完冇事又好好禮貌
男海關主動問我係咪鐘意spy family
係呀,好好笑呀,你都鐘意??
又成功r左幾句水吹
你唔揸車就係搭巴士出去,一出去巴士已經等緊你
可以見到機場附近真係咩都冇
40分鐘就出到市區,一落車個下比想像中凍
今朝食完野到而家都4點幾,本來想checkin完先食野
但都係要入7仔食少少野,日本便利店就係屈機
因為我早兩日先book酒店,都唔期望book到好野
但又有意外驚喜wo,值得推介
高松park hotel
佢係玩冇人check in,有個ai係度幫你搞
但我都係搵左個真人同我搞
咁先可以同人傾到計ma
順勢問下staff有咩好食,有咩推介
趁staff入左去拎野,同個ai傾下計
問下ai叫咩名,佢話自己冇名既,只係一個ambassador
staff行返出黎應該覺得我好怪
又講左一大輪先上去放低行李
講埋間房先
因為最近先翻新,床係新既
unit bath都係新淨,其他就一般business hotel咁
入房係用密碼
行去商店街3,4分鐘,我覺得算ok,可以推介俾大家
一早已經諗左去aeon mall買野,因為佢收9點,係四國黎講算夜
都係要搭巴士過去的
呢個aeon mall都算係細,我大概用左兩個鐘已經行哂買埋野
最驚嚇既係當日星期一1800,係好似死城咁
店員多過客
aeon超市已經係人流最好
food court先恐怖,得3間鋪2檯客
唯一可取既係有好大間montbell
買左蕉,少少野食,藥,衫就走
都係返市區先食野,揀左一間10個local有9個推介既名店
食骨付鳥既一鶴
名店真係名店,係入面食要等唔知幾耐
外賣都要等20分鐘
咁順手買多個飯返酒店食算
等既時候就行下商店街
四國係鄉下,但高松係城市
商店街都係有d野行下既
至少都有間細細地既donki,大國
返到去開餐,骨付鳥係正既,調味咸咸辣辣,若鳥幾嫩口,好岩送飯送啤酒
雞飯就一般,味道普通,又淋又散
食完沖涼訓覺本日完
今日都講左好多野,目標達成