[長文,我很想成為一個殘疾正常人]我係一個隱蔽左12年既殘疾廢青/中,想重投社會走返出黎,求建議 +去左日本四國

One step at a time啦巴打
你行文流暢，邏輯清左，相信真係做野嘅話工作能力都唔差

有時人生好大部分都係睇運氣
未必真係你問題
有時候際遇唔好，係會慢慢沉咗落去
重投社會唔容易，你有心想改變已經好好

就當呢段時間係人生低谷
已經hit rock bottom啦
之後會越嚟越好

多口問句

點樣同有anxiety嘅人相處
佢係連返工都有anxiety
跟住導致好多嘢都推遲嚟做 唔做 唔想識做
某程度係唔成熟
傾過鬧過嘈過
佢本身成日飲酒嘅

Hug bro,多謝你
我覺得香港社會都算係咁，起碼都仲有少少空間俾弱勢人士，我同你感受都差唔多，緊張焦慮，自我價值低
巴打係點樣面對呢樣野？

祝大家都搵到岩既人，對的路

我認同既，傷殘唔係籍口

多謝你，希望我做得到

邊度jump係最適合

曾經 我茫然前行

邊度就唔講啦,但自殺聖地點解多人jump係有原因既

屋企係我既comfort zone亦都係comfort prison

so true... 加油
未來始終係有屬於你嘅地方

我真係識幾個人，傷殘的，有學歷有家庭有工作有生活！
有個係同學來！係㗎！見過佢被人蝦！好多野都唔容易！但身邊朋友都好欣賞佢好勤力！
開始會因為同情幫下佢，但之後人哋做得仲好過自己！佢都會幫返我哋轉頭！做project最鐘意黐住佢做free rider！
真㗎！同學親口同我講嘅！實有歧視架！但呢啲都唔會係朋友嚟架啦！咁未同無歧視佢嘅人做朋友囉！
慢慢我哋圍內真係唔再當佢傷殘，很出入會幫一幫手囉，始終佢行路會用支叉。同間中羨慕下佢有2蚊車，和幾個Fds 會攞佢枝叉玩劍擊囉！但無人覺得佢有問題。
所以傷唔傷殘？係你自己點睇啫！
你叫得自己做正常人，就努力做個正常人啦！加個殘疾係前面對你有咩好處？

你朋友做得好好

殘疾係事實，係我抹唔去既身份
當然點樣面對殘疾固然係要面對既課題
我以前會為呢樣自悲但而家我接納左
會帶住呢個身份行落去

真心你打字嚟講好清楚
好多人正常説明野都講到1999

加油，睇好你

day 1 #51
day2 #185,214,249,267
day3 #308
day4 #321,336,382
day5 #395,397,400
day 6 #408

下一站綾川aeon mall

本來唔知呢度有aeon mall,係案內所姨姨俾左本書仔我
鐵路沿線有咩玩,反正有pass咪落車睇下食下野

行左咁耐山,點都要食返d野
國民美食-mister dount
我本身就唔係好鍾意dount,太甜同膩
但食過mister dount又愛上左
覺得香港都好需要有mister dount
下午茶食兩個dount都算係小確幸


返到黎又真係有消息香港會開
但諗深一層,所有日本野係香港開都係只得其形沒有其實
所以都唔使期待咁多
基本上,我次次都係食呢兩款
波波呢隻係超正,甜甜地有咬口,食落喉嚨好c服

呢間aeon mall冇咩特別,鳩行鳩影






呢個banner好正,吉卜力既作品最鍾意既始終都係千與千尋


小呆獸公園其實都係附近但又冇特別想過去,因為我仲有下一站想去
佛生山
呢度係住宅區,唔太似會有景點



但我係睇左本書,話呢度有溫泉可以浸
今日行左咁多,都想抖下
開始好大雨,搵左一陣先搵到呢個佛生山之森
但佢好細wo同埋佢寫今日有人包左場
失望而回

有樣野係我之後先知原來我擺左個大烏龍，我要去既係佛生山溫泉
佛生山之森同溫泉係兩樣野,兩個地方黎
竟然錯得咁交關

當時都唔知道,繼續行去另一個地方
信長書店



信長書店同歷史冇關係,同書都冇咩關係
咸濕仔先知,因為佢係賣咸野既
第一次見入鋪頭唔可以帶袋入去
要擺入locker,望到d女都知道個櫃有歷史


好大好闊落好好行但我都係鐘意東京大阪個種
又窄又細狂播av既av鋪,咁先至有feel




真係返去高松食飯，唔知點解冇咩心情
想賣外賣返酒店食算
本身係諗住買翻啅骨付鳥再係松屋買個飯
買完骨付鳥又唔想行回頭路
去超市買飯又劣到買唔落手


醒起今朝間老麥，就老麥啦

骨付鳥仲係好正
照燒月見burger,麥樂雞
同香港一樣都係唔好食，唔分高低喇


day 6完

其實我想同你講，理得咩殘唔殘疾身份啦！
你只不過係一個「人」！
做好自己，努力實踐自己嘅目標！理得佢咩身份吖！
我比我朋友睇左你個post，佢屌左一下話你「講咁多做咩？做你想做嘅野囉！你盡力做係改變唔到你身體殘疾嘅事實，但乜q都唔做就係腦殘！」
所以你係度攞夠溫暖就去做嘢啦！

多謝你同你朋友
好認同有咩想做就做左先,我會努力

我想講唔係你唔成熟，係人與人本來就係會互動互相傳染。如果係同事，只限做野聯絡，聽完就算數，做好份內事。朋友就選擇性交住，負能量係會傳染～～

睇完好想去旅行

Hello 樓主，睇咗一半你個post 覺得好滾動！
面對情緒嘅過程好唔容易，你肯正面面對好叻

唔知你依家仲會唔會想搵counsellor，我之前panic disorder有啲困擾，有搵過呢個online counselling，覺得幾舒服，同埋多咗正視自己嘅情緒，你有興趣可以睇下啱唔啱feel!
https://eclinic.hk/e_clinic/aboutUS

雖然最尾都係食藥最有用 但同counsellor 傾下都不失為一個舒緩嘅方法～

咁如果係伴侶？
有時我覺得佢用anxiety嚟做籍口
有時我有同情佢
有時又忍唔住屌佢
例如叫佢問清楚自己啲人工啱唔啱數
佢可以5個月都唔理 迫佢啦 佢就send條片我睇話個office冇人
到最後唔啱果個係我
因為我令佢唔開心wo
唔知點搞

多謝你

而家知道搵人傾係好有用,同專業人士傾下更好
試下先

巴打而家仲有冇發作??

間唔使，不過好咗好多！
你都要加油

恭喜你，共勉之

政府工好似有優先

你知唔知「幸福過好多人」係最大傷害嘅安慰（自以為）說話

啱啱睇完#1，就係想講呢樣嘢
真係好少人做到寫一篇文組織得好，基本上冇錯字