[長文,我很想成為一個殘疾正常人]我係一個隱蔽左12年既殘疾廢青/中,想重投社會走返出黎,求建議 +去左日本四國

啲相好靚，好想放大假

不過某程度講
你唔使起早貪黑、唔使受工作壓力
唔受驚做唔到人地期望令人失望
都算你人生其中一個比其他人好嘅地方

返啲工廠工／包裝類工作得唔得

有野做唔亂諗野
工作簡單，唔怕你身體能力爭啲
同人接觸極少
有自己錢使下

唔知講咩好 淨係想講句：加油

我都學習緊愛自己
殘疾我控制唔到但要接受佢就係一部分

多謝你

有機會就去放鬆下啦

呢個只係屋企人寵容我，俾我一直逃避
應該有既壓力

我覺得可以既，多謝你俾呢個方向我

多謝

文筆幾好
思路幾清晰
有冇考慮過做下YouTuber

我都想做廢青，可惜屋企太窮冇得唔出黎做野

慢慢適應咗之後再諗上面巴打講果啲it media工
因為果啲工雖然話唔駛同人傾計，
但通常都要同人合作，即係被迫要同人交流
反而書面翻譯未必咁需要同人交流但而家好多俾機器取代

多謝
Ytber有難度，我都冇咩好分享

我人生唯一優點可能係投胎投得岩
搵一日hea下，做一日廢青都得既

我都會諗而家好多野俾ai取代
但都唔到我諗咁多，做左先算

其實而家唔太社恐了，應該可以同人傾到計交流

前面都講左我對傷殘好自卑
365日都著長袖
我知我係必定要面對呢樣野
所以我今日著左件中袖衫出去（未夠膽著短袖）
琴日有巴打同我講左spotlight effect
冇人咁得閒理你，大家都活在自己spotlight下


岩岩去左見社工，傾左好耐
我知道自己狀況比起好多人已經叫好
我好易會諗埋人地點諗自己仲要係向壞既一面諗
其實只係自己諗多左

突然覺得要睇關於 思考方法 既書

day 1 #51
day2 #185,214,249

講左咁耐,其實而家都只係1點鐘
參考過其他人建議,去呢d島只好帶定d野食
我就帶左條蕉同個包,係呢個打卡位前慢慢食

呢一枝高到影唔哂既柱後面係-----李禹煥美術館




好可惜因為時間關係,只好過門不入
我既目的地係名氣最大又要預約既----地中美術館


中途仲有個山頭仔擺左藝術品俾人參觀
呢度真係處處都有野睇





準時到達地中美術館,呢度已經係美術館入口


reception係再前少少,不過冇影到
好可惜入邊唔俾影相,唯有偷圖加文字表達



地中美術館相信係直島名氣最大既景點
原因無他,安藤忠雄 x 莫內
就算對藝術毫無認知,都可能會聽過既呢兩個名
更重要係展品係普通人都可以體會到
清水混凝土 X 光 X 空間






莫內既睡蓮,黑色大波波


個人最鍾意James Turrell既Open Field


8人一組行入去藍色框框入面
播完一段片後,你會得到好奇幻既體驗
你既腦海/眼會俾佢既光線佔據,其實我都唔識形容,總之好奇妙啦

展品睇完,地中美術館仲有個打卡聖地cafe
現想係咁



現實好多人,我都係走先


搭巴士返到黎碼頭先知下班船要兩個鐘後
周圍行下但唔知係咪玩我,全部休息




突然覺得呢個係一個契機俾我去突破
今朝經過呢間直島錢湯I♥湯,已經1516,go or not go?



我一直好介意自己既殘疾,想隱藏呢個身份
要赤身祼體係人前係冇可能既事
但我要改變就一定要突破呢樣野
鼓起勇氣俾錢入去沖個靚涼
可能係早得滯,入面係得一個岩岩沖完就走既叔叔
變相係我包場
講下呢間錢湯(澡堂),同日劇入面既日式澡堂比,佢係充滿南洋style
玩味好重
官網圖




沖完涼好舒服,幾鍾意呢種感覺,好似充滿電咁
見冇咩客同澡堂女主人傾下計
我話香港其實都有澡堂,叫芬蘭浴,不過大多係黑社會先會去
佢好驚訝原來香港有d咁既野

有外國客入黎,都係唔阻住人做生意
飲埋支錢湯名物牛奶咖啡就返去搭船


今日食左好少野,晚餐打算豐富d去食面具巴推介既燒肉
點知冇位


空虛孤獨又凍又肚餓既我而家有三個選擇
a吉野家
b食炸豬扒既松乃家
c印度咖哩屋


唔知大家點揀
我就決定試印度咖哩



上到去問店員,原來唔係印度,係尼泊爾咖哩
唔知有咩分別,就問下店員有咩推介


左邊個五碗野
應該係豬紅?,豆瓣醬?,mango yogurt
沙律,炒波菜

右邊三碗咖喱
雜菜咖喱,雞?肉咖喱,綠豆糊


呢度盛惠廿千大羊
我覺得重慶大廈既咖喱好食d




食飽飽行返去,真係太飽既緣故,咩宵夜都冇買
返到去要認真plan下跟住既行程

day2完
總括黎講,我好鍾意直島,仲有好多地方未去
所以我一定會再黎的
如果只可以推介日本一個地方,我會推介呢度

crypto/day trading 囉
冇㗎啦唔通一世做勞動工咩

細個都曾經覺得可以炒股票維生
大個就發現散戶輸9成

腳踏實地算啦

樓主影到周圍都冇人咁，搞到我都好想去
啲藝術品好靚
我都唔知原來香港有浴堂

巴打介唔介意留低tg交留下？

又未去到冇人既,但四國係幾舒服既
個種舒服有d似以前既福岡
如果巴打想chill,relax,真係推介黎四國

以前有賣廣告架,而家唔知仲存唔存在呢
https://www.youtube.com/watch?v=5e9FuA3Po3Q

但係咪已經要講日文先生存到
睇黎以前都搵到下食

真係唔知
諗唔到除左黑社會外有咩人會去呢d地方