day 1 #51
day2 #185,214,249,267
day3 #308
day4 #321,336,382
day5 #395,397,400
day 6 金刀比羅宮
一早就開始落雨,雖然仲係毛毛小雨
但都驚會影響上唔到去金刀比羅宮,因為我得返今日有時間
聽日就去德島
但都要食早餐既,琴日食左烏冬
今日就食返西式野,google見到附近有間coffee shop幾高分
行過去見到有間老麥就諗起你地成日話老麥有個熱香餅包好正
心諗個間野冇位就黎m記啦
南珈琲店
今日星期六,多人到嚇親
有本地人,有鬼佬,有港台
對比早兩日個間直頭係天與地
冇諗過係日本樓上coffee shop係要搭檯既
坐我對面既係一位6,70歲既日本叔叔,外形乾淨企理
大家可以想像係平實版lily franky
猶疑緊搭唔搭訕好,食埋野先
一路食一路講好冇禮貌
我就係用天氣打開話題既
而家落雨去唔去到金刀比羅宮呢?
叔叔係當地人,教左我一條秘道,話呢度景色好正架
相談甚歡
仲推介左一間叫綿谷既烏冬鋪,叫我試下咖哩烏冬
埋單,400羊
咁我知點解呢間會多人咁多
平靚正
去金刀比羅宮最好買張琴電一日卷
來回已經夠cover返
坐電車搖一個鐘後就會到達琴平町
跟住落車既人行,竟然係行左去jr琴平站
原來個站靚,佢地係過黎影相既
我順手去案內所拎張地圖
順手同個嬸嬸傾下計,做得呢d位既通常
都好健談,羨慕大家黎旅行
又講下個仔去左韓國
佢應該都係個為左家庭既好媽媽
推介左我食骨付鳥
呢度係旅遊勝地
參道前都好多食玩買既商業設施
我當刻唔肚餓既所以冇食骨付鳥亦冇食其他野
諗住行完山落黎再食
今日星期六都幾多一家大細老幼黎行山
大家可以根據需要借竹杖,有d要錢
鳥冬學校借唔使錢
上山前,向左行
有座歌舞伎劇場可以參觀
但今日唔開放參觀
我同另一個鬼佬只好失望地行返落去
正式開始爬樓梯
而家既天氣仲係毛毛細雨
19歲既神馬太有性格,俾個patpat我睇,係都唔肯轉過黎
愈行愈肚餓,好彩山腰有間cafe
cafe神椿,大約要行500級
大多數人黎cafe係食甜品
但我真係太肚餓,要食個咖喱飯頂住先
群山環抱,個景幾好
上層食輕食既就比較逼
下層食course應該會好d掛
出發
旭社600級,岩岩食完野抖完,輕鬆行到上黎
御本宮785級,呢個時侯就可以買證明自己黎過既金色禦守
仲ok既,應該可以再上埋頂
呢度應該就係岩岩叔叔講既秘道
但佢話唔入得,算啦繼續上
白峰神社 900級 開始辛苦,見到佢話仲要20分鐘又覺得頂得到
去到呢度返轉頭好蝕wo
呢條路難頂既,個腦只有一句:到未?
又長樓梯,屌撚左出聲,但又唔想放棄
起碼知差唔多到終點
finally,1368級既奧社,呢度可以買黑色天狗禦守(冇買)
咁辛苦真係要紀念下,其實都幾大雨,俾d掌聲自己
山頂風景本來應該好靚但今日天氣麻麻,咩都睇唔到
總括黎講都係行樓梯je,難度一般係需要毅力
我廢既都行到,你地都冇問題
由上山,食野,落山,全程用左2個半鐘
還行山竹,冇你真係唔掂當,感謝
下一站,食國民美食