[長文,我很想成為一個殘疾正常人]我係一個隱蔽左12年既殘疾廢青/中,想重投社會走返出黎,求建議 +去左日本四國

加油巴打

加油, 你可以殘而不廢, 慢慢黎, 用自己既步伐慢慢行出黎

見過好多人講，用經濟壓力逼隱青行返出黎

選擇隱蔽既人多多少少都有情緒，精神問題，唔好既經歷
比起行返出黎，佢地更可能選擇死亡

多謝你

多謝你

你岩 應該斷佢娛樂 做廢青仲洗屋企人錢去日本追星

你好犀利，加油

咁講啦，屋企人都唔識處理我既問題
怕刺激到我，怕講錯野所以放任我做任何事
其實佢地係開心我去旅行因為至少有改變唔會隱係屋企

如果自己，屋企人都有隱蔽問題
搵左社工，學校傾下先
單靠家庭內部解決唔容易

多謝你

我都想有條件做廢青

day 1 #51
day2 #185,214,249,267
day 3 #308
day 4 #321

回程可以原路折返,亦可以上山行上觀景台再落返去


係辛苦既但可以睇到靚景
成個山頭都種哂水仙,滿開一定會好靚


又一段長樓梯


行到上休息位喘哂氣係度抖緊,終於見到第一個人
係,我行左一個鐘先見到第一個人

上黎呢段路好辛苦呀
係呀,一齊加油啦

唔阻佢抖,我繼續行
有塊牌指住個邊有舊石,應該值得睇下既
腳下既路,雜草叢生,小危險,應該好少人會行過黎


見到舊石就明了


回頭既時侯,遇到第二位山友
提左佢前面有d危險
佢問返我前面有冇路落返山
佢一定係想趕船
呢度一班船要2個鐘,趕唔上係有d麻煩
但我覺得呢度好舒服,想行多陣搭下一班船都可以
最多唔去女木島,重要既係而家

告別山友,行上展望台
景色未有令人嘩一聲但呢一刻可以獨佔成個展望台都算係咁


發覺仲有個jil’s hole

睇圖都見到難行,我盡能力行
覺得行唔到先撤退啦
其實條路好短

jil’s hole,jil係邊個就唔知但我覺得入面會見到孫果


咁危險都係落返山算

途中都見唔返兩位山友,我估佢地都冇上到頂就趕船走左了
返到黎碼頭附近,架船已經走左即係要等多兩個鐘


男木島都仲有野可以做
食個飯再講
選擇就唔多,不過呢間都幾多人推介お食事処まどか
一對老夫婦主理既日式食堂


我唔係咩都話好食既人,亦都唔會因為偏遠小島就降低標準
但呢個八爪魚 天婦羅真係正既




八爪魚最怕整得un,咬唔到
呢個新鮮又炸得好加埋個view,暫時最好既一餐

同老闆傳達左好好味後,距離下一班船都仲有個幾鐘
打算行遠少少去到個art piece
沿路好多貓係度曬太陽


行走的方舟




係咪代表居民想逃離小島去城市?
鄉城遷移呢個問題存在而久,呢個島既居民大多都係老人年
雖然我好鍾意小島但住係度?隱青如我都要諗諗先


行去方舟時,發現左間民宅好獨特



我本身以為住係度既係隱世acg畫師
岩岩google完先知男木島係gal game既聖地
呢度好似基地定聖地咁
諗返個兩位山友,都係後生宅宅樣
相信佢地係黎聖地巡禮,而唔係黎行山

總之我當時覺得呢間屋呼喚緊我
係後面行入去,間屋係好日式有屋簷,屋簷下係木地板
中間係咩我唔記得,因為我見到有人就係屋簷下既木地板訓緊教
我即走

男木島圖書館都係景點,不過冇開


其實都行到冇野好行,返碼頭等下班船


貓貓應該係覺得我太孤單,走過黎陪我
仲要唔止一隻,係兩隻




多謝你地,我去下一個目的地喇
有緣再會

好明白追星嘅嗰種快樂
都好多謝巴打願意同我哋分享你嘅故事
個人覺得巴打可以嘗試搵吓part time先
唔洗話要好chur返好多日
至少旅費可以自給自足
逐步逐步同個社會拉近少少距離
網上都可以嘗試同多啲人傾吓偈
有共同興趣就最好
可能同AKB fans傾吓偈
或者呢度啲巴絲打
唔係話要好主動r水吹
偶爾留下言傾吓閒偈咁
隱青喺大眾目光下唔係一個好嘅詞語
但日本有套電視劇講得好啱
逃避可恥但有用
每個人對生命嘅感受都唔同
好難斷定咩先係絕對嘅 啱咩先係絕對錯
希望巴打能夠搵到自己人生嘅意義
活得開心最重要
戴返頭盔 以上嗰啲全部都係我覺得咋
作為旁觀者肯定冇作為當事人嘅你感受咁深刻
我覺得可能有用嘅意見唔一定啱巴打
所以都係要靠巴打自己搵適合自己嘅步伐同道路

我覺得如果唔需要擔心將來無錢用，唔做嘢都ok嘅無必要迫自己做所謂嘅正常人

靜靜地支持

多謝你
我去左就業中心同社工傾過，報左個課程讀下先
之後就搞職業配對
佢仲推介我去埋勞工處，會有部門幫傷殘人士做評估
對搵工應該有幫助

我仲參加左中心活動，試多d野識下人
不斷提自己要主動d，行出第一步

逃恥唔係錯但我認為有d野係點都需要面對
講起日劇，我都鍾意睇日劇
我個名就係一套日劇
都係講隱青行返出黎
我覺得好有共鳴

祝大家都搵到人生既意義
我仲探索緊

我又覺得咁
工作係對自己負責，亦都係一個生活圈子

Quote返無緣社會本書
人係成為無緣佛（孤獨死）前有三個安全網
家庭，公司，政府
當三樣都失效就好易發生問題
所以有工返點都係好事

多謝你

勞工處嘅評估就係測試你嘅打字速度
識唔識用office
以前真係有空缺俾殘疾人士
二十年前開始主任只係send你份cv去勞工處職位空缺見到嘅工
係報政府工有優先

呢個po感覺到連登仲有d愛
巴打 有d留言可能寸你十年都唔出嚟社會/洗屋企錢云云，其實你撐住去到今日已經好犀利，比我我都未必做到。
千祈唔好太擺喺心到啊
見到你個遊記去d地方都好正 睇下！條路其實已經開始光明緊喇！ 希望社工都可以好好幫助到你，同你合作到！

原來係咁試左先算
巴打好似有d經驗wo
有冇野可以分享下？

多謝你
客觀睇，佢地又冇講錯既
呢d都係點都要面對既野

暫時見既社工都好好，同我傾，諗方法，關心我
已經好大幫助

我唔識你真人但我愛你呀巴打
你真係好勇敢 你值得所有最好嘅事情
你個心打開 自然就會滲到光

巴打加油，你既一篇文已經影響到部分人繼續努力。

以前我喺勞工處做

多謝你,我都愛你
認同放開自己,會得到更多溫暖