【過馬路要小心】經典男裝討論（57）【皮鞋、西裝、皮件、配飾】

手鍊、PS、cufflinks、tie、lapel chain etc.
利申：我是唔戴派

ascot chang係咪有賣底褲

是，best boxer in town

知唔知咩價位

有段時間無買，你打去問準啲

想問下Reda 既布係咪都係一般？同VBC比係差唔多定差啲？

睇你用咩標準睇。不過最少係送俾我都唔著嘅程度。

咁姐係VBC 會好過佢？感謝解答

我覺得唔可以單睇牌子而一概而論，似vbc都有n多系列，好多都正的，不過reda呢個brand一般而言大家知道都係做d精紡料，同時係精紡入面佢又唔算特別出色，呢d野基本上可以話冇咩character，純粹for商務返工

睇ching係想咩Occassion用，如果一般返工，最大路open weave high twist料都幾好，深藍深灰都係穩陣之選

我自己會鍾意d比較厚既同時有texture又襟用既料，呢d料仲要通常性價比好高，例如好似drapers隻Superbio and Beausoleil呢d咁既重磅偏低支精紡（370g 21 Micron wool）

料固然重要，但係西裝更加重要既係個版型，間間西裝鋪可以叫既料都一樣，真正用黎分高下既就係工藝同版型，工藝一般人可能唔係咁睇得出，但係件西裝版型好唔好睇，一著上身就會有主觀感受

如果我入到去間西裝淨係同我不斷講料，唔講任何關於佢地版型既野，我自己會直接掉頭走，因為呢d鋪頭多數正正因為版型冇料到先不斷講料（雖然係再前一步睇ig已經唔會去到間鋪，但係有時候都會比ig相fake左）

（非引戰，但求拋磚引玉）

見呢度好少人傾恤衫布，想請教吓大家，
免熨嘅係咪都唔方係好嘢？

另外保養上大家平時會點樣處理白恤衫衣領黃嘅問題？

都係唔可以一概而論既，因為最近見tm、alumo呢d大牌子都有出免燙恤衫，不過就我自己理解一般既免燙恤衫都會經過一d化學處理，有人會覺得比較焗比較唔透氣，有人覺得冇嘢

我自己就唔care恤衫皺唔皺，我比較在意舒適度，所以我都唔會揀免燙料

如果真係要方便打理的話，可以揀d相對冇咁易皺既織法例如twill，不過我自己就覺得twill既舒適度會比popline低，所以我自己返工恤衫都係會揀返popline

每次著完攞牙刷刷一刷，真係好黃既就試下攞洗衣液浸住個領一段時間再洗 or 攞梳打粉搓下個領

不過我自己覺得呢d野好小事，唔使太care，恤衫始終係消耗品，最好揀返自己可以接受到著兩三年就換一件既價錢去買，咁就著得最舒服

其實就，你當煮餸啦。布料同埋輔料就係食材，咁就料唔掂，個師傅曉飛天都冇用，同樣如果個師傅唔掂，再靚嘅食材都係浪費，係要兩者相輔相成，有冇話邊個重要過邊個嘅。

In general yes

買左對新皮鞋有冇話點樣搞佢鞋頭啲摺痕會好睇啲？定係就咁著可以？

我想請教一下
如果罐鞋臘裂到碎哂,其實係唔係等於我保存罐臘的方法有問題
因為次次未用到一半就裂到碎哂

應該唔關事 照用就得啦

追咗post一段時間，終於一口氣入手咗2對之前頭post介紹的皮鞋，一對Tricker’s，一對Carmina

覺得哽眼嘅話
好似可以加熱整溶佢變返一舊再攤凍用
https://youtu.be/irhFkr70ov8

恭喜入坑

其實溶左佢會揮發埋剩低哦溶劑，之後會更難用。本身佢裂就係因為啲溶劑揮發走左。

真係唔知

1000左右筆直想買對loafer 咁多位師兄有冇咩牌子推薦

想問下如果係整tweed jacket
有冇話邊個牌子既bunch係望上手最舒服（滑啲）？

滑就無嗰個feel (visually），W Bill隻Shetland 算幾滑，Loro有啲扮tweed cashmere （佢地叫Royal tweed）都滑，但係就無嗰種好tweedy tweedy嘅視覺效果