【過馬路要小心】經典男裝討論（57）【皮鞋、西裝、皮件、配飾】

咁可唔可以話有mark up嘅鋪造平布抵啲，無mark up嘅鋪就造貴布抵啲

我從來都冇用過香港包頭，魚蛋都冇，我嘅理由好簡單就係佢哋做唔到我要嘅嘢，幾千蚊買一套，我唔會着嘅衫返嚟，不如我去陳記做套靚啲（未入行嘅時候），甚至等啲海外裁縫過嚟幾萬蚊一套衫我都做唔少，原因都好簡單，每一間都有一啲佢哋獨有嘅嘢係其他舖頭複製唔嚟，如果可以幾千蚊就做到好嘅效果，我當年都唔會洗咁多錢同機票周圍做。

想知DB BT有咩問題

我唔夠膽講抵唔抵。我舉一個例子，Corcos。

佢起價係差不多三萬蚊一套，如果你CMT，佢會減一百歐（你冇聽錯係100歐）；如果係普通嘅羊毛，唔理你係loro Tasmanian定fresco、fox air 定scabal galaxy，佢都係收你30,000左右。但係如果特別貴嘅布，cashmere料、超級高枝類（如scabal miracle ）佢會收番你surcharge，我有一次做件Zegna cashmere jacket 就俾左600歐surcharge。

我個人建議，唔太需要考慮舖頭賺錢嘅思維。總之問價、報價（睇吓你本人想唔想格價問多幾間），價錢你可以接受，出到嚟效果係你想要嘅嘢就可以去馬。

糾結完一大輪，終於揀到間自己覺得最抵嘅然後做出嚟唔係自己想像中嗰回事，咁同抌錢落海冇分別，仲浪費埋自己啲時間。

始終唔想影響人地做生意，佢地兩個老細都好friendly，只能夠講DB個cut滿足唔到我，BT就係個fitter有d hea，不過就算全部嘢都冇問題，佢地都做唔到我想要既版

利申番，係西裝。恤衫我係有喺包頭度做過嘅。

恤衫果個唔算包頭




算係包頭王

個po真係即刻熱鬧起黎

但係我已經好耐冇做新恤衫，仲有半打未著過。同埋近呢兩年着少左好多恤衫。

西裝我都完全冇興趣試，見身邊試過既朋友全部中伏total lost

我始終期待有一日可以喺度討論認真技術嘢同styling，大家唔貼相呢件事真係好冇癮。

呢排開始興窿窿t恤同tank top
越黎越casual

呢啲我真係做唔到俾你，我乖乖哋著我嘅knit tee同turtle neck算。太奔放嘅嘢我呢啲老人家接受唔到。

Dream Bespoke唔係應該平過Anthology同Prologue?

好同意 bt 老細幾好人同 fitter hea

想試下再高級啲鋪
但手頭緊，一直都未有機會

可唔可以唔好加住

都要plan嘅，過兩三個月咁囉

starting price平過

Anthology同Prologue starting都一萬起跳？thanks 巴打

佢上面咪有講囉

我都疑惑

對唔住，睇到了

你係邊間？

有緣就會知架喇

如果ready to wear大概咩價錢？