【過馬路要小心】經典男裝討論（57）【皮鞋、西裝、皮件、配飾】

試試EG wide width 香港應該有

我自己經驗CJ應該仲可以鬆多啲
唔介意受苦可以試吓著厚襪行 短時間 多次 咁撐鬆佢
我有對country calf penny loafer 6.5 依家著到同7一樣闊

Vass F last 同 U last都高，JMW有啲last都高，我自己牌子算高（但得一個楦闊），Lobb有一部分都高，EG都有一部分高。但建議咩牌子都好都要試。

好我試試

Thanks for the info
Vass係香港有得試嗎?

舊時有，依家唔清楚，你可以上網搵搵。

ching, 其實你咁問得即係你心理上未接受到用超過千零蚊既價錢去造套衫可能係著得一兩次。值唔值呢樣野好個人，你入黎呢個post問，呢個post應該大部份人覺得值。但係你如果心理上過唔到呢個關口，單憑我地片面之詞而逼自己去買d自己唔ready去買既野，可能到最後你會後悔都未定。

其實你不如上ig睇下，千零蚊登臺款嗰d「禮服」，同比較有名氣既tailoring house造出黎既衫，兩者你覺得個分別大唔大，如果你係睇得出個分別既，咁嗰幾千蚊差價自然值得俾。但如果你覺得千零蚊一套個樣你都接受到既，咁無謂因為我地幾句說話逼自己白白洗多筆。最終d錢洗完都係你去享用返，所以你自己點諗最重要。

順帶一提，依家6000蚊未必夠造一套入門，你預多兩三千穩陣

ching你明我諗緊乜
其實比起心理關口 我係未分到個價值係邊
同簡攝影師一樣道理
有攝影師收人幾千蚊 有d收幾萬兩粒鐘
但好易睇到價值

我自己問前
有睇過post頭講過既tailoring house衫同果d幾千蚊衫
覺得冇分別
因為幾千蚊衫有就過角度影 有P過圖 場景又唔同
真係分唔到

所以 我一開始就問錯問題
應該調番轉問 我網上搵左d人地pre wedding既相
唔知佢地邊間買又幾錢買






以我唔識嘅眼光睇
覺得最下面兩套好似同其他唔同層次
有冇ching可以教下我
以你地既估計 哩幾套衫分別係幾錢貨色?

ching我幫你擋住先

詳細d既cutting比例工藝唔多講，因為我自己都唔係識好多，你睇第一張相同第三張相，其實個model動作都唔算好大，但心口個V zone變晒型叉起晒，呢d咪唔fit囉。

一件好睇既衫應該正常動作下都唔應該有咁多「摺痕」既拉扯。小弟不才係淨係講到呢d，你聽完再睇返d相睇下你覺得套衫仲過唔過到你自己對眼

呢幾套可以用鬼（五）馬（六）去形容

一套正常嘅衫就係一個人身上活動緊嘅時候應該係咁嘅樣，差不多咁樣就可以話過咗合格線。



為免你覺得係執過相p左圖，我直接手機影相機mon你睇睇完你啲圖真係出緊差都忍唔住用自己data覆post

睇落全部都似係租既貨
都幾唔啱身下

好耐冇上水，只可以講ching既然都比左錢去歐遊pre wedding，如果對自己套衫有要求，預10000做西裝，搵間有taste既既鋪頭，講清楚你既需求，再用3000-5000買對鞋。咁樣出到黎件事識野既人見到都會話掂。

呢度d巴打反應咁激烈因為大家都係識貨之人，真心覺得你send出黎d相唔掂，如果ching你係對套衫冇要求既，咁就當我地冇講過。

得個講字冇意思，如果你係真係budget有限，又想有d要求既，可以係淘寶勉強一試，有幾間野（例如axxx cxxxxx）都會好過你send出黎果d假bespoke，不過事先聲明我自己冇買過淘寶d野，純粹係見唔少人買過效果唔差

其實呢堆野你接受到，你買Uniqlo就ok

呢套點睇 $3000夠唔夠做

唔好假膠玩人啦呢套加個零再乘2

加個零都唔夠但咁講佢依套確實好出色

想問下牛巴, 新皮鞋建唔建議整鞋頭鐵同防滑膠?

準備買對C&J Oxford 日常返工用

打個鞋頭鐵/膠就夠

不過都要睇你鞋底係皮定膠，膠嘅話乜都唔使做