【過馬路要小心】經典男裝討論（57）【皮鞋、西裝、皮件、配飾】

從高登到現在，西裝帖已逾十載，雖以西裝、皮鞋為主，但諸如︰皮具、皮製品保養、工裝衣物、鞋靴及飾物都歡迎大家討論。惟望大家討論前先詳閱規則與資料。基本資料將置於頁首供參考，同時為免爭執及誤會，望各位將心比已，免傷和氣。

一、凡事理性討論，和氣為重，以理服人，勿人身攻擊。

二、技術相關話題，或較深入之討論，請附以圖片解說，以便理解。

三、建議有能力之同好多分享自身穿搭。

四、此帖歡迎折扣資訊、購買方式等討論，亦歡迎商家表明身份加入討論，但請自重勿作鬼祟「打手」之舉。

五、勿提問頁首相關基本資訊，如有出現亦望各位善意勸導，不必過度於日經／月經內容延伸。

六、評論商品好壞請附上一手照片，一圖勝千言，亦能避免「有心人士」惡意攻擊或刻意胡亂吹捧商店的情況出現。

七、勿理伸手黨。

new post lm

Quality應該同痴唔痴毛關係唔大？

利申 養貓，除咗運動衫全部深色衫都痴咁滯，淺色只係因為見唔到

幾靚都會痴

LM

大家tie 係邊度買？想買d unlined 既3fold tie
Armoury 個d 好貴

嫌正價貴可去drop 93

有買過，同個度staff 傾過，佢地話tie 一年可能只會換一次d 貨，選擇相對較少，如果想要unlined 應該再少d。

有冇d 相對平少少既brand, $1000內可以交易

師兄，即係咁講，unlined本身如果塊布唔靚就會幾核突下，然後你又想多選擇，又想要平，咁好難做俾你喎⋯⋯

除非你上網買啲意大利佬牌子囉，不過隔山買牛你無得拎上手睇就有另一重風險。香港鋪都有anthology賣緊vanda、我度賣緊paolo Albizzati、Prologue賣緊Memento Mori，不過同armoury 甚至drop 93比選擇都係少。

$1000呢個budget 好低嗎
未到師兄你既境界，tie 想多幾條換下，條條$2000 好肉赤

低就唔算好低，但你想要實體鋪加多選擇就忟，香港好少鋪願意一次坐一百幾十款呔俾你揀除左the armoury。

我都係諗住網上買乍
就係好似你講咁隔山買牛有風險，所以上黎睇吓大家有冇d 心得，邊度相對信得過

主要個風險唔係信唔信得過，而係實物嘅texture同感覺同你想像中嘅唔一樣

咁呢個係所有網購既一個唔好處
如果價錢唔太貴 都唔怕take 呢個risk
怕既係網上面太多brand, 唔識分邊d 有誠意 邊d 混水摸魚

個人建議就都係認住嗰幾個sartorial 界出名少少嘅大牌子，咁本身有個聲譽喺度炒車極都有個譜。

皮底皮鞋係咪多數都會打返個膠底先著出街？

行石屎地三兩日磨好個皮底就唔會特別冼。

打掌之後層膠會令到踩落地個感覺同皮底唔一樣。

但落雨或地下有水點樣防止發霉？

安全起見(both對鞋同我自己) ，落雨我會著翻city sole

好多原因可以令地下變濕好難避，踩完濕地後會點處理對鞋？

真係冇辦法踩落水，我諗真係唯有盡快抹翻乾