基督教你問我答之基督教係信咩？

唔肯定你講既所謂基本方法論係乜，願意聽你講。
不過基督教唔係啱晒所有人既胃口亦都係事實。
保羅講得好，基督的道理在世人眼中看為愚拙，所以我都冇得勉強你，願你尋得真道。

你可以睇吓佢哋平時自己宗教po嘅對答思路
（入面應該都多黎巴濛巴啲有趣偉論 神級比喻 神級論證 詭辯 標籤 自大狂妄嘢 圍爐 以神之名貶斥人嘅嘢）

［冇圖］睇左好多年聖經 你問我答（8）
https://lih.kg/3399015
- 分享自 LIHKG 討論區

基督教連登堂2023年8月20日主日崇拜：神聽到，神顧念，神睇到，神知道（上）
https://lih.kg/3475625
- 分享自 LIHKG 討論區

睇吓連登堂教主黎巴個相信磁力論 / P1-P6論證神



「logic+歷史，論證神存在」
基督教連登堂2023年8月20日主日崇拜：神聽到，神顧念，神睇到，神知道（上）
https://lih.kg/AyPeamX
#130 回覆 - 分享自 LIHKG 討論區



基督教連登堂2023年8月27日主日崇拜：「十」「災」當中既強勁同榮耀［神聽到，神顧念，神睇到，神知道（中）］
https://lih.kg/bBNdaxV
#21 回覆 - 分享自 LIHKG 討論區



基督教連登堂2023年8月27日主日崇拜：「十」「災」當中既強勁同榮耀［神聽到，神顧念，神睇到，神知道（中）］
https://lih.kg/bBNdaCV
#26 回覆 - 分享自 LIHKG 討論區



基督教連登堂2023年8月27日主日崇拜：「十」「災」當中既強勁同榮耀［神聽到，神顧念，神睇到，神知道（中）］
https://lih.kg/bBNdbJV
#74 回覆 - 分享自 LIHKG 討論區



基督教你問我答之基督教係信咩？
https://lih.kg/AHyLKrX
#103 回覆 - 分享自 LIHKG 討論區



再睇埋衝入非宗教po傳教嘅對答思路
（教主黎巴經典傳教表演）

由細到大，返學都教你以德報怨
https://lih.kg/kcJdFT
#5 回覆 - 分享自 LIHKG 討論區










再決定需唔需要浪費時間
同呢班自稱跟聖經跟神教導嘅信徒
認真討論宗教呀學術呀之類

個問題就係基督教變成一個只係識得用自己語言溝通既封閉社團，成日話福音要救世，但係同真實世界係脫節
我自己花好多時間去睇基督教嘢係我覺得基督教有佢嘅遺產（齊澤克嘅書名），唔係淨係用過去嘅信仰維持嘅道德學問，而係有現代適用嘅哲學意義
例如我睇過Carl Schmitt既政治神學
德里達對於獻祭/禮物嘅解構
阿甘本解羅馬書簡直將所有牧師比下去

讀咗呢啲書之後我唔係反耶教
更加多係恨鐵不成鋼
自己攬住做權威但係連有幾正都唔識講講唔出

聖經廿一世紀都冇新增內容，係咪上帝開始腦閉塞諗唔到寫乜好？

要正常化，符合現有世界就會影響既得利益者
咁點解唔繼續現有模式，將來無人信又唔關佢哋事，到時都搵夠退休

有必要去供養教會既生計？

LM

根本係人為地寫出黎
然後選出對佢地維持教會權力有利既就叫正經
不利既就叫偽經次經

首先講下個立場。我唔敢講其他人，淨係我自己，既然已經經歷到神，係同聖經講既一樣（例如自己一個人搞唔掂好慘求神憐憫，結果有超自然神蹟發生左搞掂左），所以更加信聖經講既係真，所以自然既做法係去相信聖經無誤，睇下會唔會就咁協調到先。
掉返轉頭，想知道神係咪真係經歷到，係每一個人都可以試既野，只要動機純正既話，實會搵到答案。

因為我係信左先，所以我個目標係明白聖經，而係個過程當中，其實我都有問過唔少呢類你提出既問題。「咁明明就係聖經係有嘢寫錯」，究竟點先為之「錯」？
實在係好睇你點樣理解聖經表達緊咩。 我一直都想睇通成本聖經，而我觀察到既，的確係各有各解。（不過唔緊要，錯既解釋神都用黎造就人。）
而正如樓上濛巴講左，代入文化既文學釋經係我而家睇到最好既方向。既然作者特登留低段落同用字既結構標記，咁咪留心睇。為既係重構初代讀者睇到係點。

我唔知你心目中既「錯」有D咩啦，當你樣樣都見過晒。
如果兩段講同樣既事但係記載既事實唔同，咁咪睇下作者想表達D咩。除左「改」數字會有多行外人都見到之外，又可以「改」家譜（例如啟示錄7章）。That's a theological statement. 點解要硬生生睇佢做鑒別問題？

至於鑒別方面既「錯」，我舉一個例子：
詩篇18、撒母耳記下22基本上係同一篇詩，不過有一節差左一個字母，希伯來文D, R就係差突少少出黎

基本上應該就係其中一個寫寫下變左做另外果個，但係結果兩個都做左聖經，仲知道唔係後期抄錯，因為有埋七十士譯本認證。
代表咩？我理解到係就算之後「抄錯左」都可以係神既說話，多左段少左段都可以係兩樣都係聖經。

詩篇18:10
//他乘坐基路伯飛行，
藉着風的翅膀快飛，//
MT: וַיִּרְכַּ֣ב עַל־כְּ֭רוּב וַיָּעֹ֑ף וַ֝יֵּ֗דֶא עַל־כַּנְפֵי־רֽוּחַ׃
LXX: καὶ ἐπέβη ἐπὶ χερουβιν καὶ ἐπετάσθη, ἐπετάσθη ἐπὶ πτερύγων ἀνέμων.

撒母耳記下22:11
//他乘坐基路伯飛行，
在風的翅膀上顯現。//
MT: וַיִּרְכַּ֥ב עַל־כְּר֖וּב וַיָּעֹ֑ף וַיֵּרָ֖א עַל־כַּנְפֵי־רֽוּחַ׃
LXX: καὶ ἐπεκάθισεν ἐπὶ Χερουβιν καὶ ἐπετάσθη καὶ ὤφθη ἐπὶ πτερύγων ἀνέμου.

好關乎信仰既章節詮釋問題，我諗都係睇你企邊邊，始終要唔認同對方搵過一個解法黎拗，係極之容易既事。

你咁樣解希伯來書2:17難免解唔通。2:17係講左耶穌有人性，但係咁樣唔代表耶穌冇神性。

其實上面先啱啱講完萬物藉他而造：

希伯來書2:10
//萬物因他而有，藉他而造，他既然要帶領許多兒子進入榮耀，就藉著苦難使他們救恩的先驅得以完全，這是合適的。//

再睇上去，成封信一開波就高舉耶穌既神性。

希伯來書1:1-4
//1 神在古時候藉著眾先知向我們的列祖說話，是分很多部分和用很多方式的；
2 在這末後的日子，他藉著兒子向我們說話。 神指定他承受萬有，並且藉著他創造了宇宙。
3 他是 神榮耀的光輝，是 神本質的真象，用自己大能的話語掌管萬有；他完成了潔淨罪惡的事，就坐在高天至尊者的右邊。
4 他承受的名怎樣比天使的名更尊貴，他就怎樣比天使更崇高。//

我返咁耐教會基本上冇聽過。睇返原來係天主教傳統入面講多D。
https://en.wikipedia.org/wiki/Seven_deadly_sins

In AD 590, Pope Gregory I revised the list to form a more common list.[13] Gregory combined tristitia with acedia and vanagloria with superbia, adding envy, which is invidia in Latin.[14][15] Gregory's list became the standard list of sins.

我望下自己又望下佢地，就更加明白慣左有人鬧係好事

「自己攬住做權威但係連有幾正都唔識講講唔出」佢講唔出咪你講囉。而家都大把獨立機構研究聖經張佢發揚光大，不再受制於傳統堂會

「基督教變成一個只係識得用自己語言溝通既封閉社團」教會到現世已經decentralise 得好緊要，你張全部唔同既基督徒群體stereotype左佢？

有冇婚前性行為？

簡單咁各自講幾個有代表性既「角色」：
聖父係耶和華：創造主、神旨意既源頭
聖子係耶穌：由聖父而出降生係地上成為人、謙卑放低神既形像
聖靈係神既靈：由聖父聖子差派，住係門徒度，24/7從旁輔助門徒完成神既工作。
聖父聖子聖靈都係100%神。

神學術語係trinity 三位合一。
位＝位格＝persona 拉丁文戲劇面具＝角色。
隔離都講過下，傳送門：

基督教連登堂2023年8月13日主日崇拜：啊仔，聽我話
- 分享自 LIHKG 討論區
https://lih.kg/AwLtaQX

到一個政權要ban教會既時候，你想養都冇得你養

必要呢隻字，通常有目的性

通常個context係，is it necessary to XXX in order to YYY.

你個YYY係乜？

我個「必要」係指信仰在個人信仰層面要sustain。有d 教會既structure 係唔需要你去供養佢，保羅都自己織帳棚養自己，所以以個人信仰層面要sustain為目的既話，供養教會不一定必要。

但係供養祭司，供應資訊給教會做工的確係信徒義務，不過今時今日你可以揀機構，咪揀個真係做緊有意義既事同有需要既機構囉。

另外，奉獻係一種對自己既信心同委身既訓練，久而久之對有需要既人都會比較慷慨大方，係美德來的。

弱智狗

所以教會係乜，都係一個個好複雜既問題。
我幸運join到一個教導傳統（即係福音派傳統，唔係自由派亂解一通）得黎，對會友走出去學習好開放既團體，亦都重視關係多於傳統既堂會。佢自己開既信仰研習班/門訓我返得勁少。

然後我好早就清楚，幾有權威都要自己去分辨教導是否正確，因為人都會犯錯，但無阻我愛呢個群體，正如耶穌愛我地一樣

袁牧師單野，在公關表面上，循道就輸晒架喇，搵教外人告教內人既方法去處理糾紛，根本就違背晒聖經教導。如果保羅返生，隨時即刻寫封信鬧爆佢地

不過背後誰是誰非，隨時只有局內人知，我呢d外人都係出少句聲。唔少其他教會既牧師都選擇在公開場合出少句聲，其實都係自重身分，慎言既表現啫。

我淨係見到你不停引啲九唔搭八嘅經文，但完全冇正面回應過層主提出嘅嗰段，駁唔到不合時宜

一盤生意黎既者，大方啲認左佢咪得，包裝到咁好聽訓練同大方
你試下叫個窮既人，去啲中產地方返教會，睇下會點？
真係講到咁好聽，就唔會咁多人借教會作假見證，佛口蛇心啦

你都有晒你自己既答案，我答乜你都係俾番呢d回應
唔捐教會都可以捐俾窮人架，你又捐唔捐？

中產地方教會必然排擠窮人？我返果間堂會應該算係中產教會，但都好多窮人架，唔覺有問題播，相處好融洽、事奉好齊心呀。 其實教會會眾唔Stereotype自己係中產教會，通常都冇乜事。

問題只係個教會會眾係咪被牧養得好，呢個可能係人既問題，唔一定係教會既問題。

有無研究基督教嘅書list + 作者推介

你咁樣就係將大公會議後嘅神學讀咗入去大公會議前既文本
「藉着他所做」要推論出有神性就係用一個神學諗法直接套落去搵答案，根本兩者之間就唔係有直接邏輯關係，亦都唔係前文有講嘅嘢
仲唔好講話「他」係唔係耶穌，就用返你引用嘅呢個譯本，「就藉著苦難使他們救恩的先驅得以完全」咁個主語一定係上面「他」啦，咁救恩的先驅一定又係指耶穌啦，咁即係耶穌藉着苦難使耶穌得以完全？

頭一兩章最多只可以話耶穌唔係天使，點都講唔到係神
神的兒子都唔一定係將耶穌定為「子神」，明明聖經仲有好多用神的兒子形容人

我嘅觀點係，希伯來書冇強調耶穌係神（我唔理其他書卷有冇，唔同作者唔同觀點或者側重點或者論證思維係基本，何況係聖經作者），咁樣磨平左太多解讀，以強調「耶穌係人」嘅觀點去睇真係通順好多

真係唔關我事喎
呢個係咩你做唔掂等我做嘅諗法

依家唔係講緊基督教唔肯同現實世界接軌
而係捉錯用神，應該要接軌嘅唔接，應該要堅持嘅唔堅

我見你做咁多研究，以為你好有諗頭麻
淨係去批評容乜易，要建設先難
鬧教會鬧基督教，鬼唔識咩
問題係鬧完都係想佢好既話，就要諗方法去建設麻。