基督教你問我答之基督教係信咩？

多謝你嘅回應令我明白多d非基督徒嘅想法。
你地會覺得係偽抉擇係因為教會平時嘅宣傳只係側重於某部分教義，教會覺得呢部分教義係會誘導到人信教，但冇諗過會令人反感，覺得[咁啫係迫我信啫]，基督徒咁落力想d人信教，其實係因為覺得基督教係好野，想幫人，想開心share，亦都係基督徒使命，不過就用力過猛變咗好似迫人信咁。

咁我就解釋下點解唔係偽抉擇，
你地嘅睇法係
信教-->上天堂(好處)
唔信教-->落地獄(壞處)
聖經版係
信教-->審判後同神一齊居住係神嘅國度；在世活著時要聽神講，係義嘅奴僕，可能為主受苦/逼迫/甚至殉道，但會有神同在
唔信教-->審判後落地獄(結局係永死定永火，聖經冇寫清楚)；活著時自己鍾意點就點，自己就係自己嘅主宰

你講得冇錯嘅係基督徒的確係要有同世人唔同嘅世界觀同價值觀，所以可能會互相唔明對方嘅諗法。

我諗閱歷多咗嘅人，就算基督徒，唔使教都會明非教徒思維
我估計，你係咪生活圈子完全以基督教團體為中心，同埋都好後生

再睇番你呢個comment
我上面講你呢啲手段同MTPE年會一樣就係咁解
班保險經紀都係覺得自己sell到客係幫到客，好正面，唔係為錢
只不過佢哋會分享啲客點樣買完保險所以出意外時有辨法面對
你哋就分享信咗主點樣度過人生時有心靈支撐
唔係似咁簡單
係一模一樣

btw你個嘗試解釋點解唔係偽抉擇嘅解釋，根本解釋唔到，但我唔浪費口水同時間了
你喺你教會個bubble度陷入得太深

傳福音原本就唔係你傳佢就信，唔係因為對方一定會信/被說服就傳，而係神俾基督徒嘅一個使命。傳福音雖然係想對方信，但信唔信嘅決定權唔係喺傳嗰個人到，我覺得只要話到俾人聽福音係咩，基督徒係信咩等等，就ok，唔係話要對方信咗，先叫傳福音，而係講咗要講嘅就已經做到傳福音嘅責任。

btw如果你唔想繼續倒米
奉勸你參考樓上巴打講
你呢個宗教用理性係冇可能解釋到所有啲矛盾、破綻
你做嘅極其量係搵渠道宣洩你套完全以宗教為中心、異於常人嘅價值觀
我好肯定同你講，樓上問你某啲問題嘅人，絕大部分都聽過你講啲嘢
啲人唔係唔明而問
而係問過，知道會有咩答案，但又好奇「唔知今次呢個基督徒會唔會真係有合理見解」
咁你仲要係咁loop嗰套tried and failed嗰三幅被明唔明點解你明明好認真答但都例牌一堆負皮？
所以個巴打講得啱，面對理性行唔通呢個事實，基督教係訴諸感性先有機會令到人buy

起碼有原罪，其他我就唔清楚，唔知有冇其他人答到你

因為我地覺得基督教係好野，想開心share，同埋係神俾我地嘅使命，即係我地嘅道德標準價值觀等等同非信徒唔同。

阿拉係伊斯蘭教

伊斯蘭教同基督教都係信同一個造物主，屬於亞伯拉罕諸教之一

聖經冇講神嘅選擇同人嘅自由意志兩者之間點運作，呢樣野只有神先知，但唔可以話[得唔得救唔關你信唔信事]，因為神揀得嘅，就自然會信，就自然會得救。

其實真係神想就得。耶穌個特質係完全。佢係神既完全。神用左猶太人明既語言：以前係用牛羊，到耶穌果時，就係耶穌做左隻羊。其實之前獻祭既祭牲都要揀隻冇瑕疵。希伯來書有比較兩樣：

希伯來書9:13-14，22
//13 如果山羊和公牛的血，以及母牛犢的灰，灑在不潔的人身上尚且可以使他們成為聖潔，身體潔淨，
14 更何況基督的血呢！他藉著永遠的靈把自己毫無瑕疵地獻給　神，他的血不是更能潔淨我們的良心脫離致死的行為，使我們可以事奉永活的　神嗎？
……
22 按著律法，幾乎一切都是用血潔淨的；沒有流血，就沒有赦免。//

我嘅回應可以睇#578，同埋另一個人嘅回應#575都講得幾好

仲有加爾文主義Unconditional selection同Limited atonement基本上同新教觀點好唔同

基本上新教唔會講，教會有團契，有查經班提供一系列標準答案，但無哲學研習

條友真係唔明
例如，我話基督教用獎勵同懲罰去誘導人選擇，所以教會
佢已經assume咗我係指

信教-->上天堂(好處)
唔信教-->落地獄(壞處)

但教會嘅「獎勵」其實包括朋輩認同、社交滿足感、精神支援etc.
不過，佢已經用佢有限嘅教會teaching去估人諗乜，然後自己下埋結論
佢根本唔係接受問題，process個問題，然後output答覆
而係純粹搵個platform，當有人trigger到某啲關鍵字，就倒模咁講番晒教會啲模範答案出嚟
所以連對住其他耶教徒講啲嘢佢都係咁

根據預定論，信唔信都一早預定左

不過Unconditional selection真係隨心，唔關信唔信事無標準，無條件，買大細咁
至於一次得救永遠得救，好似只有華人教會興，鬼佬教會好少聽至於係唔係傳銷手法就唔知

我90後，都算後生，可能真係閱歷唔夠。

保險經紀有佣金，但多一個人信教對普通教徒黎講係冇利益可以攞到。我估你係講傳道人或者教會高層可以多一個人信教就多一個人奉獻有錢收？但最落力傳福音嘅唔係教會高層或者傳道人，而係普通信徒，所以我唔係好明。

你想回應先回應，我唔會迫你。

你成功傳教，fulfill到聖經指令，有冇成就感？你奉神的名聚會，那裡就有神在你們中間，有冇開心？
我係講指教圈養信眾嘅手段，同商業演講手法一模一樣
價值觀相近嘅人定期聚首，強調呢樣嘢帶畀佢哋嘅正面價值
堅信自己吸納更多人加入係為嗰啲人好
約到佢哋meeting分享，即使個客唔買plan，都會幫到佢哋
同埋分享成功case study
只要將MTPE講稿啲行業字眼改做宗教嘢，就可以喺佈道會直接拎嚟用
不過你唔使急於defend或者否認，唔係講呢樣嘢唔啱，純粹指出客觀觀察，回應樓上巴打話傳銷呢點

明顯做唔到，但繼續自我感覺良好