基督教你問我答之基督教係信咩？

其實我睇唔到經文有用自由去解釋禁果帶黎罪惡
上帝一早講左唔好食, 都講左後果
本身已經有界線, 只係人跨越左條界線

你之後講魔鬼個段先係重點, 留意係魔鬼講

1) 上帝講死左一定死, 魔鬼話唔一定死
(改左上帝說話, 甚至潛越上帝生殺大權)
2) 如神能知道善惡
(呢個最緊要, 知善惡唔係問題, 問題係如神一樣知道善惡, 魔鬼引誘佢地取代神)

首先唔能夠從呢2段得出你最尾既結論


其實係問緊

之前果段係講緊女人唔好出聲果段經文

比人認識神，當人知道神中意咩唔中意咩，而有所行動，就係條文今日既應用，何來不合時宜呢？
你點樣得出呢個解讀？

Ok 當context係原則

上面講到，樓豬都有引用，古代男權社會，提摩太書叫女人唔好講道係符合返過去嘅文化，所以放喺現代文化觀念係指責你都冇用，就係男權囉

有歷史學者話提摩太書背景係崇拜瓦提麥斯/亞底米女神既城市（月亮女神），同聖經相反有一個女人比男人誕生更早嘅神話，女性嘅地位亦都因而好高，所以佢話女人唔好講道係幫男人平權

OK咁而家原則係當時古代context
都應該係冇常識同埋良心可以運用判斷
咁邊個啱錯？

呢個問題就係講
Ok context咁基督教有冇一個可以完全還原（或者確定/分辨高低）context既自己系統？定係只係建基於隔離學科嘅研究成果？如果冇，咁係咪即係建基於現代常識同埋良心定context？

你係堂主任
你問番我
我就同你講處理唔到囉得唔得

翻譯就係要從人哋嘅文字揀一個意思表達自己嘅文字
咁所以先會有準確同唔准確嘅高低之分
全部放晒落去，咁係咪最準確？
咁我使乜你翻譯

同樣道理
NA28將所有矛盾嘅抄本放晒喺appendix
咁係咪就解決問題？

我諗巴絲係討論緊#25同#51嗰堆婦女服從男人嘅經文，教主黎巴解開經，你亦強調「冇不合時宜」「全部係神嘅啟示」，咁你都可以講吓你對呢堆經文嘅睇法係點，啟示係乜。

不嬲都係反問當答咗
習慣吓就得

已經唔只係教會唔鼓勵問
佢哋自己開完問答po都仍然唔鼓勵問
問多兩句變成「洗唔洗俾個神你做」
「神嘅嘢你都管 你都係想神俾個位你做啫」
同佢哋傾 要習慣吓呢種討論方式

所以你嘅意思係咪
理解咗聖經核心思想，嗰啲圍繞呢個核心思想嘅規條就唔重要？（係為咗乜乜乜嘅乜乜乜比較重要）
咁你點樣確定乜嘢係核心思想？
假設我話聖經叫人信耶穌，咁我理解左，係為咗比我做到愛人如己，咁係咪唔需要信耶穌？

唔好意思，誤會左，因為我只係應左樓上一句不合時宜，冇應埋再上面。

關於女人唔好出聲，唔知#162 有冇答到你？

其實有信仰信神冇問題，問題在於選擇去傳教，但說服唔到人，又唔夠理解，接受唔到質疑，同唔去求解答，面對咁多巴絲既疑問，有冇人有一個點係令你有想再搞清楚聖經先，至少見唔到一句話我番去請教下牧師先，當然唔排除你已經認識得好深

我諗佢哋仲未明 未理解到 你#160個問題

我上面係想問清楚你覺得要處理既係咩。
言下之意，係要處理左個矛盾，令到得出單一既經文？

NA28 係現時最好既希臘文原文整理，連埋其他類別既抄本出版，好似你講咁，有咩差異留比翻譯者揀。
其實譯本都可以放晒，所以例如 和合本2010修訂版 就會寫晒 有古卷有 有古卷冇 死海古卷點 七十士點 之類。咁咪讀者睇晒自己諗下係咪真係有分別。

其實我自己睇落，呢D差異真係冇咩大影響整體意思。

講到尾，聖經原本就係好多元化，咁長時間咁多唔同階級既人寫，本來就唔單一。
反正睇聖經最大既目的都係為左認識神，開始同神建立關係。

搞笑啦，你經歷神嘅真實同愛嘅時候有冇諗過自己都係發緊夢

多謝你分享先，我都識識地黃錫木博士，有機會睇下佢既書先。
訓醒再傾，再唔訓我唔洗訓

神創造世間萬物，根據自己做人，但唔賦予人知善惡，就話係俾自由人。
點解唔一開始就唔創造邪惡同苦難？
咁俾自由人都只會係揀做善A善B事，遇到善C善D事。
真係唔明咩居心

點睇上帝每次自圓其說
而你仲埋沒自己良心覺得佢岩？

系統係有既，教會唔同宗派咁多年都建立左唔少釋經方法同原則，不過暫時冇一套係完美咁解，畢竟人既智慧有限。所以你話「完全還原」真係難d，但更加貼近就有，例如文學釋經都係傳統上可以走到入個context既解經方法，最近個人喜歡夏達華既BASICS解經法。

我唔期望你滿意呢個答案，信仰畢竟好難論證，但最好既去認識信仰方法，就係自己去讀並踐行出來。願你尋得著真理。

信福音戰士

樓主呢？唔敢答？

加拉太書 3:27-29

27 實際上，你們所有受洗 o歸入基督的，就穿上了基督， 28 其中沒有猶太人或希臘人，沒有為奴的或自由的，沒有男的或女的，因為你們在基督耶穌裡都合而為一了。 29 而且，如果你們屬於基督，你們就是亞伯拉罕的後裔，是照著應許的繼承人。

我以前聽話基督教係猶太人嘅宗教，但其實講得好清楚，信耶穌就係基督徒，有無亞伯拉罕血脈都唔重要。何況現時92%自稱猶太人嘅人都唔係阿伯拉罕子民，佢哋係古老可薩帝國改信猶太教而來，可薩帝國亡國後，呢班可薩猶太人就流亡世界各地。

我讀過啊
唔夠膽講讀得多過你但我都自問幾熟
其實文學釋經咪即係中學閱讀理解
咁但係而家唔係中學考試個詮釋有考評局做標準，即係就算學術界話孔子入世莊子出世幾錯都好，呢個都係公開是標準答案
咁而家邊個為基督教立選擇邊個context作為正確既標準？有標準先可以講話邊個接近啲㗎嘛
Basic又好OIA又好文學又好
而家唔係要論證信仰，只係要你講出乜嘢叫所謂嘅詮釋權、正統性，等人知道點樣讀嘛，你話2千年傳統都可以㗎
呢個就係基督教過唔到後現代嗰關既問題
上帝已死教會都唔救

所以信耶穌都真係唔好返教會
信仰都係唔好假手於人
尤其係啲偽君子

欣賞你既認真學習
在我看來，確實係要係尊重教會權柄同傳統上，再去不斷挑戰革新問問題。
標準的確係神度架，乜方法都唔完美，咁唔代表人唔可以努力去力臻成熟。
我認為人的良知同常識雖然唔完全，但仍是可以努力貼近上帝的標準的。正如我努力劃一個圓形，冇圓規幫助下佢都未夠圓，但愈熟練，我會愈劃愈圓，愈貼近一個perfect既圓。人既善同神的善亦是如此。

同意唔好假手於人，但信仰獨行是sustain唔到，所以教會仍係有必要（不過堂會唔係必要）

所以that’s why現代基督教冇學術基礎
連基本方法論都講唔到
只可以拉人哋入去自己嘅獨有語言
算啦學術唔啱你哋
我知道你好努力㗎喇，我唔會話你哋係上連登打飛機
因為你哋嘅理解入邊你真係出緊嚟所謂傳福音
我都尊重你地

不過我哋真係唔係同一個Channel