基督教你問我答之基督教係信咩？

利申：雖然我係信二代(即係父母都係基督徒)，名義上做咗二十幾年基督徒，但都係呢幾年先明多咗信仰，亦都冇受過任何神學訓練，會有好多不足，有錯歡迎指正。

我諗住開唔止一個post去解答下有關基督教嘅問題，每個post都會有關於基督教嘅教義去拋磚引玉。

-------------------------------------

問：基督教係信咩？
答：一般傳統教會嘅網頁都會有信仰大綱，上面寫嘅就係一個基督徒基本會信嘅野，咁我就引用其中一間嘅信仰大綱解釋一下

• 我們相信聖經新舊約全書六十六卷是神默示人所寫成的；原文無誤，絕對可信，且是我們信仰及生活的最高準則。

默示即係神冇親口講過話聖經係要點點點寫，亦都冇把聲指示啲人要點寫，而係神係冥冥之中令到某啲人寫咗啲書卷，同埋令到教會將呢啲書卷歸類一齊做聖經。

基督教嘅聖經同天主教嘅唔同，除咗入面譯名唔同，基督教教會將天主教教會視為聖經嘅部分書卷劃分為旁經，旁經係類似歷史入面嘅野史。

• 我們相信聖父、聖子、聖靈是三位合一，同尊同榮的真神，是創造天地的主宰，獨一絕對的永存者。

• 我們相信耶穌基督是神的獨生子，由童貞女馬利亞藉聖靈懷孕所生，無本罪原罪，為拯救我們脫離罪惡與死亡，而死在十字架上，埋葬後三日從死裡復活，升天坐在神的右邊永為我們的中保，並照祂應許必再降臨，審判並掌管世界。

• 我們相信聖靈是三一真神之一，降臨為將基督真理啟示世人使人知罪悔改，信靠基督得重生，並慰導信徒，使之成聖。

• 我們相信人是神照其形象所造，因始祖亞當犯罪，本性敗壞無法自救，必須基督救贖。而人得救乃本乎恩，也因著信；恩乃基督十架代死，使信者白白稱義；信乃世人認罪悔改接納耶穌基督為其個人救主及生命主宰。

呢幾點對於基督教黎講係絕對嘅，如果你見到有自稱基督教嘅[教會]嘅信仰大綱係呢幾點上有唔同(唔係字眼不同，而係類似話耶穌唔係神)，一般教會會叫佢地做異端，唔承認佢地係基督教。

• 我們相信教會是基督的身體，以基督為頭，信徒互為肢體。我們相信地方教會是為信徒便於共同崇拜相交，廣傳福音而組織。


• 我們相信地方教會為基督所設，乃神治，民主，自理的屬靈團體，因之牧師、傳道、執事、職員、信徒等俱平等地受治於耶穌基督。地方教會的最終決策機構是會友大會。
呢一點唔同宗派唔同。我個人覺得唔重要。


• 我們相信教會有兩大禮儀：一為浸禮，乃全身浸入水中；一為主餐，乃為紀念救主而設，先信後浸，然後領受主餐，必須恆常遵守，直至基督再來。
唔同宗派對浸禮呢個禮儀有唔同叫法同要求，有宗派叫呢個禮儀做洗禮，唔需要全身浸哂。
主餐又叫聖餐，唔同宗派唔同叫法。
我個人覺得禮儀嘅叫法同執行方式係唔重要。

------------‐------------------------

信仰大綱就係咁多，但基督教嘅教義同價值觀等仲有好多，而信仰大綱係一個基督徒必須要知嘅入門知識。其他教義我會之後開post講。

有咩關於基督教信仰大綱或者其他基督教教義唔明概都可以問，我會盡量答～

收皮拉，外星人都出理拉，仲耶穌

點睇會員 神叫我開po

係咪處？

屌咪撚開喺學術台啦，信耶蘇關學術叉事

西奈抄本同現行聖經邊個版本先係絕對可信無誤？
多馬福音出土係咪基於神既旨意？

點解神要容許罪惡既發生？

根本成本聖經係皇權時代既產物。
正史一早俾異端邪說收左皮。
點解仲要信？

天主教版本聖經有d篇章新教冇收錄
果個d篇章係咪絕對無誤可信？
係既話點解新教唔收錄？
唔係既話點解天主教收錄？

我都唔想，因為冇宗教台，咁神學都可以係一門學科，所以開係學術台會比其他台適合

點睇解經
有人認為係要考慮成書時代背景，唔可以佢寫咩就信咩
有人認為聖經係絕對正確，上面寫的內容同真理一致

神學院，宗教研究都係學術一部分

只要唔係盲目去傳教，就係學術

因為神俾自由人去選擇跟唔跟神，咁亞當夏娃食禁果=選擇咗唔聽神講，罪就進入咗呢個世界，人亦有咗罪性，罪惡嘅發生係亞當夏娃犯罪嘅結果，人唔聽神講嘅結果，亦都係自由嘅代價。

連狗正仆街

呢啲po有幾多真係會同你探討哲學講上帝已死
嚟嚟去去都係講教會同引用聖經啲嘢

我估你係問點解信聖經？我自己就因為個人經歷同埋覺得神咁勁，佢自然會保住本聖經嘅內容同意思係啱佢旨意。

咁點解神要縱容呢樣野 同埋特登去引人犯罪？
佢一早delete左惡呢樣野咪得

你咁樣係循環論證。基督徒對神嘅認識只能夠從聖經中所得。
P1 基於聖經，神好勁。
P2 基於聖經，神會想聖經啱佢旨意。
C 聖經係可信。

點解一定係聖經，金剛經唔得

我覺得解經係好難嘅事，因為聖經好多時會用比喻或用故事形式去講真理，而人嘅智慧有限，會唔明佢想講咩。
考慮成書時代背景係會幫助明白個件事係點樣，從而幫助明白真理。我唔明你所講唔可以佢寫咩就信咩係點，有冇例子？係咪例如耶穌又對眾人說：「若有人要跟從我，就當捨己，天天背起他的十字架來跟從我。中十字架係比喻，唔可以照住字面意思黎信？
聖經原文係絕對正確，但我地依家睇嘅聖經唔會係原文，尤其仲要係經過翻譯，所以有啲字眼上會有出入，但神會睇住監督住，所以聖經整體黎講內容同意思都會係正確。我覺得真理唔係聖經入面嘅每一粒字，而係內容背後帶出黎嘅意思。

我比個例子
歌林多前書 14:34婦女在會中要閉口不言、像在聖徒的眾教會一樣．因為不准他們說話．他們總要順服、正如律法所說的。
14:35他們若要學甚麼、可以在家裡問自己的丈夫．因為婦女在會中說話原是可恥的。

呢啲內容我地又係咪應該照單全收？
唔止係指原稿，而係聖經成書年代同而家價值觀的出入