基督教你問我答之基督教係信咩？

我都知宗教唔係理性講得通全部，我只係以一個普通基督徒講一啲普通基督教知識想法，我都知好多人聽過，但我估總有一啲人係未聽過或者唔知呢啲基督教知識想法，不過我都多謝問問題嘅人，無論係知道答案想聽其他答案或者認真唔知想問嘅，可能你地嘅提問咁啱係其他人心中嘅疑問，可能因種種原因冇問到出口，希望咁啱睇到呢個post嘅個啲人會知多啲基督教嘅野。我亦知道呢種人係好少，暫時冇都唔出奇，你可能會覺得係浪費時間，我自己純粹想盡到自己嘅責任，唔係睇得失成果。

兩個宗教雖然有共同嘅人物，例如亞伯拉罕，摩西，耶穌等，但睇法完全唔同，教義都唔同，完全係兩個宗教。即係好似蘋果同橙，而唔係唔同品種嘅橙。

一次得救同永遠得救 呢個係語言學問題
得救唔係永恒咁仲係咪得救？

其實你呢段正正反映咗神既決定係有人理解到既原因
唔係話想就想
ie 用耶穌既靈代替人既靈
anyway總算解決咗我一個神學疑惑

ic,我有啲明你講咩，手法係似嘅，或者有時係一模一樣，不過我覺得出發點重要啲。正如神係舊約會賜福或者降災，而魔鬼有時都會令拜佢嘅人有著數或者攻擊人，兩者做嘅野好似，但出發點唔同，所以出發點重要啲。

咪又係信阿伯拉罕有兩個老婆兩個仔摩西分紅海耶穌係處女所生
伊斯蘭教唔信因信稱義同耶穌死於十字架上啫

我已盡力，問心無愧，同埋感恩有其他ching 幫我

答到你就好，係呀，神會比人理解到。

（神想赦罪既話，都係就咁講一句就得，其實耶穌就咁樣講過：

路加福音5:19-20
//19 因為人多，找不到辦法進去，就上了房頂，使癱瘓的人和小床穿過屋瓦，縋下到眾人中間，正好在耶穌面前。
20 耶穌看見他們的信心，就說：“朋友，你的罪已經赦免了。”//）

加油，神睇到你個心

就算背景有部分相同，但耶穌個部分係核心信仰，核心信仰唔同，所以係兩個宗教。

一次得救永遠得救，大概意思係，上帝揀選咗你得救，佢就會賜予你信心& 能力，幫你渡過任何試探，避免犯罪，途中你唔會行錯路做錯事，因為上帝會一直指引你成為一個義人/好信徒，最後得救。即係一開始就揀咗你，幫你開掛，再一直carry你打爆機。

天主教嘅睇法係，救恩唔係一次性保證到你死後上天堂。你領洗入教會信耶穌係拋棄舊有自己，有一次重新做人嘅機會，但之後你都要繼續跟上帝嘅指引生活，行善愛人。唔係好似啲黑社會片咁，呢頭殺人果頭去教堂祈個禱就無數，天堂繼續留位比你。人生活中會犯大大小小嘅罪/錯，因為貪嗔痴而偏離咗上帝，咁你就要返教會懺悔，1）認錯，2）承諾唔再犯，3）做補贖/補償。犯完又犯，煉獄/地獄就幫你留咗名。所以耶穌為你死咗一次，你入會做門徒係會得到救恩，但唔係自有永有，係會因為你之後嘅言行會令自己失去呢份救贖。

原祖父母衰咗條偷食罪，咁佢嘅後代就自動世襲咗呢個罪名，每個人一出世嘅銜頭都係「偷食者後代xx」。然後有日耶穌就出嚟幫大家洗底洗案底，唔使再揹住呢個銜頭做人，可以重新做返個好人。雖然個底清白咗，但由原祖父母犯罪之後而導致嘅基因缺陷（犯罪傾向）就遺傳咗落嚟一直係到。

耶穌幫手洗案底，但犯罪傾向就留咗係到，要靠自已嘅修行去糾正

全能嘅上帝做野做得一半

其實咪又去返創世果時嘅問題一樣，點解要允許魔鬼出現，點解要比原祖父母揀食唔食知善惡樹果實，點解要允許人有墮落嘅機會，點解唔一開始製造一個全善嘅世界，咁就無後續咁多罪惡發生

其中一個答案可能係想人有自由意志，但更多係人無法理解嘅深意…

點睇最近袁師母同循道衛理單嘢

lm

宗教要人信，主要要係佢既思想同解說可以用黎解釋世界上發生既事，點解有一部分既人會唔相信基督教，或者比較對立，主要係耶穌設定太強，一黎就話佢係全知全能，自然引起好多無謂既爭論，二係冇設立一個for人生既系統，遇到事情就話係神既安排，初生嬰兒點解要咁快回歸主既懷抱，真係好難解釋，反而我覺得果d石頭學說，神安排vs自由意志，科學與神，都係基督裡面可被解說

所有宗教都on9
創造左魔鬼都算
走去創造中国人
收皮啦dllm

其實全知全能全善先引致好多哲學，邏輯問題如果唔係3全咁好多野都解得通，有3全，嗰罪惡問題已經無解

首先聖經和合本入面冇「全善」呢隻字
形容耶和華為「善」係有 不過原文係用 ט֔וֹב (tob; 代上16:34; literally good)
考查翻同一隻字響英文譯本既其他地方係分別譯做 good, delightful, better, pleasant, graciously
而同語系同Etymology 既阿拉伯語طَيِّب (ṭayyib) 可以解做
1. good, wholesome, nice, fine (for example, beneficial, favorable, advantageous; moral, pure, clean; nutritious, nourishing, healthy; tasty, delicious, pleasant, etc.)
2. charming, pleasant, agreeable
3. enjoyable
4. tasty, palatable

「ט֔וֹב」字面意思只係一個含義好闊既「好」字
反而中文譯本個「善」(lit. good, virtuous, charitable, kind) 道德意味好重，差之毫釐，謬之千里
==================================================
至於聖經原文係有道德意味比較重既字去形容耶和華
慈愛 חֶ֝֗סֶד (khésed, 詩86:5; lit. loving kindness, benevolence, goodness)
但點都好 係冇全善(omnibenevolence) 全知(omniscientia) 呢兩隻字
全能對應既hebrew係שַׁדַּ֔י (shadái; 創17:1)，但好可惜呢隻字係已經搵唔翻再古遠D既意思 譯做全能究竟係咪妥當係好成疑問

結論係如果閣下係一個謹慎既基督徒，最好唔好用聖經唔存在既字眼去描述神既特性，尤其是唔好用全善呢個聖經冇既字眼試探你的主，用得呢個字好易令人質疑佢點解唔做野

如果閣下好似我咁純綷打牙骹，建議都用翻聖經有既字眼，如果唔係口同鼻坳

再補充幾句
你用三位一體 原罪呢d聖經冇既字眼
其他人唔信既最多都係當你9up 但佢地係唔會因為咁試探神

但用全知全善全能呢三組聖經冇既字眼
會令到未信耶穌既人質疑神既本質
搞到佢地想試探神 陷佢地於不義
成件事係好唔道德

想知原文係用咩字眼描述神嘅特性

華人咁多年來用3全黎跣左幾多人，仲有3位一體依個政治鬥爭結果，教會又唔提

兩者做嘅野好似，但出發點唔同，所以出發點重要啲。

依家先睇到你reply
no offence但你明唔明白呢兩部分係冇causal effect
你明唔明就係呢類failed logic令人卻步同覺得耶教亂咁嚟
再者，保險業同樣係用助人、教人、幫到客戶所帶嚟嘅成功感做selling point，如果你覺得兩者好唔同，咁我都冇符
最後我再直白啲總結
樓上巴打用傳銷比喻信神相當正確；教會以至基督教呢個大團體，建基喺商業宣傳手法上，利用利益（eg.例如馬斯洛講嘅emotional security），用心理操縱技巧吸引同留住成員
我再冇嘢補充，溝通得巧辛苦，peace out