如果你想跟我嘅入門路向，我之前講過我比較熟後現代
首先有本叫
Who's Afraid of Postmodernism? (The Church and Postmodern Culture): Taking Derrida, Lyotard, and Foucault to Church
呢本有中文，我英文唔好都係中英對照睇，佢就係講咗嗰個所謂主場問題，用20世紀後現哲學既框架去問神學問題，俾你知道其實點樣用其他眼光睇基督教，知道問題有得set過
如果仲未get得到既，我再搵吓
華語有個叫做曾慶豹劉小楓，懷疑佢哋唔係基督徒，但係好正，不過都幾難，可能要行咗下面啲路線先
之後有幾個路線，都係追番思想發展史
路線1 哲學史，尤其係神哲史，由古典哲學到中世紀到近代現代後現代，人嘅嗰個mindset點樣走，咁上網好多資源，睇吓荼毒室都得，同時可以睇下嗰個時代嘅哲學點樣回應基督教
路線2教會史，主要可以分3部份：宗教改革前/宗教改革/宗教改革後，前既有本枕頭叫做History of Christian Thought - González，我七成都係睇中文因為唔識嗰啲基督教字
，但係中文真係好差翻譯，有能力可以睇英文，不過注意作者係有基督教背景，所以佢好護教，基本上嗰啲而家正統思想例如三一、神人二性嘅支持者俾佢無限吹噓，但係其實你諗真啲對家嘅思想都有可取之處，即係例如樓上拗緊既耶穌人性。宗教改革前仲有本叫做分久必合，合久必分：從耶穌時代到改革前夕的西方基督教批判史，宗教改革就唔記得睇咗啲乜，我再搵搵。改革後我就冇睇書，因為近代基督教史變得太快，睇神學史仲好
路線3
呢個就我睇得好散仲研究緊，睇吓有冇高手補充，我之前睇過一本係好多出名神學家每人寫一個Chapter講一個時期嘅神學大師，不過我一時講唔起我返去check吓，其實神學史同埋哲學史好似，都係用一啲哲學思想回應緊當時社會嘅某啲問題（例如解放神學就係回應緊南美嘅社運點樣可以揸住機關槍又叫自己牧師aka點樣調和前線同埋神學）
路線4
睇聖經，但係重點係一定一定一定唔好睇所謂釋經書，嗰啲書係減智商既
，有啲係幾好例如有個叫做Robert alter嘅不過差嘅真係太多，寧願唔好睇
咁就好似四條技能樹，點上去就可以解鎖一啲超勁嘅嘢睇，例如上面有講過嘅阿甘本就係路線一同埋路線四行到尾嘅結果，齊澤克嗰啲左翼就係路線124，成日講嘅潘霍華就係234
要跟聖經教導
