[是咁的] 丫屌,我細個響朵條村搬鬼咗

牛同學見我唔講嘢, 又再加多句：你唔係驚呀話？

我：痴線,有乜好驚？

牛同學：冇呀,我見你唔講嘢,以為你驚咋..

我：我驚你整蠱我啫！

牛同學：好難講㗎, 或者我真係整蠱你呢？

我：ㄚ....
正當我在想再講啲咩嗰陣, 教數學嗰個miss行咗入嚟.

然後古班長（仲有冇人記得佢係邊個？Z故曾經曇花一現）大大聲嗌：起立.

我哋就齊齊企起身, 然後好似喪屍咁講咗句：good morning miss Cheung......

係仲Cheung....緊個陣, 牛同學偷偷地講咗句：信唔信我你決定啦.

我：err..

Miss Cheung：morning class, 坐啦...

牛同學見我冇反應, 又再補多句：想睇嘅, 就揼低頭、喺張櫈下面向後望啦..
講完就喺個書包拎啲書出嚟準備上堂.

我見佢好似好認真, 就有啲尷尬咁答佢：um.....痴線.
當然, 我都係自己個書包拎啲書出嚟擺上枱.

然後.....

當年天真可愛活潑無邪嘅我, 係掙扎咗接近一堂之後, 喺臨落堂之前嗰五分鐘, 決定就跟住牛同學講嘅嘢去做...

先揼低頭, 然後喺張櫈下面向後望....

嗚呀........

當我望咗大約五秒, 再坐返直個人嗰陣, 牛同學問咗我一句：好唔好睇？

正當我諗緊其實我自己都唔知自己睇咗啲乜, 應該點樣答佢呢個問題嘅時候, 坐喺我後面嘅璃突然拍一拍我膊頭：你哋睇緊啲乜？

我即刻畀佢嚇到成個人唔敢旭：er.....

反而坐喺隔離嗰行, 好似事不關己嘅牛同學笑住咁答佢：睇你m到.

璃：吓？咩話？

我見畀人出賣,唯有求其講啲廢話諗住敷衍過去：牛同學...佢話睇你唔到.

璃：吓？？噏乜鬼呀你兩個喺到？
講完仲用腳踢咗我張凳一下.

我心諗你踢牛同學丫, 我都係受害者嚟㗎...踢我做乜鬼...

牛同學：我話, 佢睇..

呢個時候有住古代女俠姓名嘅班長突然又英勇降臨：起立！

一聽見呢兩個字, 我哋呢班畀機械式訓練咗六年嘅填鴨, 無論內心願唔願意都好, 肉體反射動作都會自動kick in, 成班鴨仔即時企起身 ：goodbye miss Cheung.....

Cheung：goodbye class...

當我哋望住miss Cheung行出班房之後, 我擰轉面望一望璃, 發現佢已經好似冇咗件事咁,開始攞下一堂嘅書出嚟.

正當我諗住今次大步檻過嗰陣, 牛同學忽然爆響口, 殺我一個措手不及：璃, C頭先裝你裙底.

我：喂！？牛同！？哎吔...

正當我諗住一腳踢埋去牛同學嗰陣, 後頸已經畀人用手鏈住咗, 即刻唔敢旭.

璃：咩話！？

我：err.......
雖然作為一隻小學雞, 比自己暗戀嘅女仔鏈住自己條頸其實有啲暗爽, 話曬都肌膚之親丫...而且佢又唔係鏈得我痛, 我真係唔介意佢鏈多陣...

璃：C你見到啲咩呀！？

正當我諗緊點樣答璃先會令佢繼續鏈住我、但又唔會整死我個陣, 眼尾見到牛同學個好似慌死我唔死咁, 個樣好似想再補多句..

見到咁嘅情況, 我梗係第一時間爆佢大鑊：唔係呀,牛同學叫我睇㗎, 話你m到叫我望兩眼喎！

璃聽見我咁講, 即刻勁惡咁向住牛同學講：喂！牛同學！？

雖然我個角度睇唔到璃家吓咩樣, 但見到牛同學驚驚青青個樣, 我即刻踩多兩腳：我都係牛同學叫我睇我先睇㗎咋, 我以為佢講笑啫點知係真㗎喎, 我冇心㗎、我乜都唔知呀....

牛同學見我踢爆佢, 即刻勁大力捉住我隻手臂：喂！C你！？

個一刻, 突然覺得自己會被人分屍...

不過死之前睇到自己暗戀個人個閪...都算叫做死得眼閉啩？....

雖然當時嘅我, 完全唔知呢條稱之為閪嘅縫,有乜撚嘢用.

好彩當時璃同牛同學只係擾攘咗一輪, 直到古班長又再大嗌起立, 就冇再追究落去, 但嗰日我條後頸耐唔耐就會畀坐係我後面嗰位小姐鏈鬼住, 間唔中背脊仲會畀佢踢一腳..

Anyway, 我嗰個年紀的而且確係唔識咩叫溝女, 只會知道咩叫做暗戀.

暗戀之後點算？

唔知㗎, 所以暗暗下咪完撚咗囉.

當然, 小學畢咗業之後因為住得近嘅關係, 我同璃耐唔耐都會出嚟拮下魚蛋吹下水, 甚至我升上form one嗰年, 都會走去佢間學校到接佢放學（唔知為乜）, 喺我過咗加拿大嘅頭幾年間唔中都會講下長途電話.

但到最後, 璃同我大部份朋友一樣, 都係漸漸失去聯絡.

時至今日我同璃已經好多年冇再見, 但佢應該係我哋咁多個小學同學入邊,最早決定自己未來嘅職業,然之後唯一一個成功貫徹到底嘅人.

雖然只係一個微不足道嘅小學教師, 但我都相信佢教嗰班會係一班幸福嘅小學生.

Respected.

至於個位陰鳩我嘅牛同學...

到佢嚟M嗰陣,我都不計前嫌咁借咗件冷衫畀佢遮住啲血漬..

只不過係....有次我食錯嘢唔舒服,上上下堂突然之間嘔到佢一身都係....

然後佢嬲撚咗我成個月.

由果時開始，你就踏上了食血鮑之路

無關係

那些年錯過的大雨 那些年錯過的愛情......

記得有日我同璃發神經, 放學之後由黃大仙行路返長沙灣, 中間經過啟德, 嗰陣時九龍寨城都仲未拆

多麼的青春
唔記得講,我應該同你差唔多大

有故聽？

大C

我有故聽

就係毒到出汁、冇女、青頭、見到女都自動行埋一二邊

啱啱好同樓主多姿多彩嘅性生活相反

k都有少少黑, 但算太黑咁囉

乜咁禮讓呀

冇啦邊有你咁精彩,係忽然記得你之前講過幾大je

講講下唔覺意又扯遠咗少少, 都係返返去契妹-詩嗰壇嘢到先, 如果第時有需要我先再講下我同璃之間嘅事...

我同詩開始熟嘅原因, 當然離唔開香港人日日坐嘅黨鐵.

之前講過我住長沙灣, 每個禮拜日返去位於慈雲山嘅HKSCC T.S. Mountbatten HQ, 都要舟車勞動一大輪.

當時好多隊員都怕麻煩、習慣性咁著住制服出門口, 但亦有少部份自認係型男索女嘅隊員, 會gel曬頭著住便服、返到去HQ先換制服.

而且一向懶到仆街嘅我, 當然係屬於由屋企出門口嗰陣, 已經著住成套藍色嘅制服、孭個背囊就騰嚟騰去嗰一派.

由於係星期日朝早, 黨鐵基本上冇乜人, 就算有都係著便服居多, 所以當我哋著住呢件藍色嘅制服, 由上車嗰一刻開始, 簡直猶如漆黑中嘅螢火蟲一樣咁耀眼, 好難睇我哋唔到.

又, 正如前面講過我份人懶到仆街嘅關係, 當我由長沙灣出發去黃大仙嗰陣, 我必定會坐到油麻地先轉車.

所以我成日都會撞到同樣係油麻地上車嘅詩.

開頭都係各有各企, 係咁易打個招呼就算, 反正又唔熟, 都唔知有咩好講.

但當個個禮拜日, 我同佢都係一齊由油麻地坐到黃大仙、再坐小巴上慈雲山, 係HQ由朝操到晏、跟住又再次從慈雲山坐小巴落黃大仙、齊齊搭地鐵返屋企呢個 pattern loop足幾個月嗰陣, 每次撞到就好自然會坐埋一齊搵啲嘢吹下水.

咁啱嗰年四驅車熱潮剛剛過咗冇耐, 亞視就開播slam dunk. 當時好多小學雞都受到slam dunk嘅影響,走去打籃球, 就算唔識打嘅, 都會拎個籃球傍下身, 有時無聊喺條街度拍兩拍就覺得自己好撚型.

對於由細到大都屬於群體運動白痴嘅我嚟講, 當然係屬於後者.

仲記得細個畀老母帶去學踢波, 由落場嗰刻到畀阿sir調走為止, 我全程其喺到唔旭, 後尾個阿sir問我做乜嘢人人都追住個波踢, 點解得我一個企喺到, 我理直氣壯咁答佢, 都話咗係踢波ㄚ, 咁個波唔過嚟我踢條毛咩..

當阿sir將呢番說話傳達咗畀我老母聽之後, 佢老人家聽完又覺得我講得好似好有道理, 所以就變成安排咗我去參加小童群揪會嘅南拳同跆拳道班.

Anyway, 詩同我呢啲跟風嘅戇鳩仔相反, 佢本身就係學校嘅籃球隊隊員.

咁啱有次我中學班朋友約咗星期日去打籃球, 我又冇嘢做、唔想咁快返屋企就決定佢睇佢哋打波, 而詩聽見就話想跟埋嚟.

我當然無冇所謂, 咪帶埋佢去學校對面個打卡勝地join班friend. 去到我班friend當然冇詐型, 雖然詩唔係啲咩靚女, 但都叫做順眼, 同性格爽朗.

不過, 重點係....

對於我哋成班和尚仔寺嘅學生嚟講..

只要唔係豬得太緊要...

有女...總好過冇女.

所以由嗰日起, 詩耐唔耐星期日完咗HKSCC之後, 都會同我哋一齊去打波, 而我哋亦都無任歡迎.

直到有日打完波, 我同阿詩搭地鐵返屋企嗰陣, 佢叫咗我去咗油麻地地鐵站出面嗰間通達食油渣麵, 我見冇嘢做、自己又冇食過, 所以就應承佢.

食食吓嗰陣, 隱約聽到詩無啦啦講咗句：哥.

當時我以為佢唔係同我講緊嘢, 所以就冇理佢,繼續專心食我個油渣麵, 點知隔咗陣, 詩用手踭撞一撞我, 再講多次：喂, 哥.

我：吓？你叫我呀？

詩：唔叫你叫邊個？

我：我點知呀, 你淨係講咗個哥字, 附近又咁多男人, 鬼知你叫邊個..

詩：...嗰啲點睇都係阿叔嚟啦下話？

我：其實我都係阿叔嚟...

詩：C叔ㄚ嘛...

我：係囉...你知就好...

詩：不過我想叫你做阿哥, 得唔得？

我：冇話唔得嘅,不過點解呢？

詩：你大我嗰呵？

我：um...睇下你指邊個部位囉..

詩：妖..年齡呀.

我：幾個月咁囉, 有咩幫到你？

詩：咁咪係囉...

我諗咗諗,覺得好似冇咩蝕底ㄚ, 而且我本身都幾鍾意詩嘅性格, 就答佢：是但啦,你話事囉...

詩：咁我以後真係叫你做阿哥㗎喇喎？

我：都話你話事囉...

詩：okie~