[是咁的] 丫屌,我細個響朵條村搬鬼咗

屌宜家先見到

唔急㗎, 我得閒無聊先會更新

原來過左嚟

都一段時間

到輝收線之後, 我吸埋淨低嗰幾啖煙之後, 就將煙頭掉落地下, 踩熄完又行返入電話亭, 諗起冇耐之前之前, 成班friend喺九龍灣嘉和園條巷仔間機舖出邊戇鳩鳩等叫名.

我拍一拍,矮我成個頭、但極度靚仔嘅阿豪：喂, 乜而家跟大佬搞到暑期工interview咁嘅？

阿豪點著支煙望一望我：識乜撚嘢呀你, 而家畀你跟就跟呀？呢啲先係專業黑社會大佬呀！有冇聽過屙...

我：屙？

阿豪個樣有啲猶豫咁講：屙...緊..屙....

我：屙緊？屙乜撚嘢你又？

阿豪：係囉.... 一時間都唔記得咗屙乜撚嘢添...

我心諗阿豪屙乜撚嘢都好, 反正佢親生大佬都係跟呢到, 斷估唔會推自己個細路去死啩..：話時話, 點解又係機舖呢？

本來企喺我隔離同德仔吹緊水嘅阿輝聽見我咁講就搭口：係囉, 上次條仆街豬仔又係機鋪, 今次呢班友又係機鋪, 到底我哋係跟大佬定跟機舖呀而家？

阿豪：屌, 無聊有個場大家打吓躉姐..係咪唔撚得呀..

我望一望間機舖：冇話唔得, 不過打躉都搵間大啲丫呀陰公...呢間有啲...

阿豪：屌！點呀C哥, 咁撚多....

正當全家都係行黑嘅阿豪諗住教化我哋嗰陣,佢親生大佬出嚟夾咗個入機鋪見工, 淨低我哋幾個戇鳩喺出面無無聊聊吹水食煙.

當入完一個又一個, 到我開始懷疑呢間機舖係個無底洞定黑店, 點解個個friend入完去見工都唔出返嚟嗰陣, 有個望落去40零歲白白淨淨個樣有啲慈祥嘅中年男人係幾步行出嚟望咗我一眼.

成班決定過面之前, 阿豪同我哋吹水嗰陣, 介紹呢一個環頭嗰陣, 講過牛頭角下邨老新有三條line, 收陀地保護費嘅一哥、賣老翻嘅包哥同負責打打殺殺嘅alex姐.

而我眼前呢個中年人男, 人就係賣老翻嘅包哥.

包哥望左我一眼之後, 就用眼神示意我跟住佢一齊行去街尾嗰條巷仔入面.

作為職場新人嘅我, 當然第一時間死跟.

入到巷仔包哥就遞咗支煙畀我, 之後自己點著咗一支煙：𡃁仔, 呀....C吓話？你個姓都幾特別喎, 我成四十歲人聽都未聽過...邊到嚟呀？

我戇鳩鳩接咗支煙, 之後諗住攞打火機出嚟嗰陣, 包哥竟然幫我點埋支煙, 嚇到我心都離一離, 因為根據過往見暑期工經驗, 你見工嗰陣上司無啦啦對你咁好, 一定唔方有好嘢..：係呀....包哥...個姓係我老豆嗰到嚟...

包哥聽見我咁講呆一呆、好似唔知畀個咩反應出嚟好咁, 靜咗幾秒之後先吸啖煙：丫屌...um...聽豪仔講...你幫豬仔賣老翻搵唔少, 一向行得好密吓㗎喎..

我：吓？.....
心諗阿豪你個仆街仔, 無啦啦陰鳩我做乜...

包哥望咗我一眼：行得咁密, 做咩要過面呀？

我：errrrr....

包哥：雖然過完面都係幫同一個阿公做野, 個但都麻撚煩丫...跟豬仔搵食唔好咩？

我大大力吸咗啖煙之後嘆咗口氣：唉...好佢老母咩, 我幫條仆街賣老翻, 日日賺五六幾千, 分返一千幾百畀我砸吓袋都好丫, 你老母..收工得個老麥當人工咋呀陰公...

包哥聽完呆一呆, 望住我：套餐呀？

我：屌！套佢老母, 豬柳強呀！屌！食完口渴仲要自己戇撚鳩鳩去counter攞水飲！

包哥眼神充滿同情：丫屌...咁呀...真係有啲陰公...
仲伸隻手過嚟拍一拍我膊頭.

我：冚家剷..仲有上次同條女喺裕民坊嗰邊行街, 無啦啦撞到佢, 佢老人家突然間話要請我哋兩個食飯, 結果捉咗我哋去對住成枱叔府陪笑, 食完嗰陣仲同我講叫我畀條女佢屌吓, 條撚樣都痴鳩撚線！

包哥：er.....但你之前唔係同....呀嗰條撚樣叫咩..泥咩話？

我：泥鴨？

包哥：丫係, 豪仔話豬仔之前叫過你哋上佢屋企唔知做乜鬼嘢..

我：屌, 係呀, 嗰日放學泥鴨叫我上去嘅, 話有乜撚嘢搞喎,結果上去睇嗰兩公婆吸毒丫嘛, 豬仔條撚樣high大咗仲叫我搵埋條女上去畀佢執一劑, 泥鴨條仆街又喺隔離姨姨哦哦話咩跟大佬搵食畀條女大佬執一劑都唔過份, 屌！成班都戇撚鳩鳩...

包哥：屌丫, 好兄弟喎..唔怪得知你哋成班都唔妥泥鴨, 過面都唔叫埋佢一份..

我：咁條友真心戇鳩仔嚟嘛...

包哥：um....聽落你同佢哋咁大仇口, 諗個方法搞搞佢好喎..雖然過面之後大家都係幫阿公搵食, 但話曬隔離區, 費事日後見到面阻阻...

我：唉, 有撚計咩...

包哥：我有.

我：吓？包哥咁撚突然嘅你？

包哥：你之前咪過去巧明街嗰邊攞貨嘅？

我：老翻？係呀.

包哥：仲記唔記得個地址？

我：佢淨係叫我喺嗰邊間ok到等, 唔知實際地址喎...

包哥：um...除咗你之外仲有邊個知？

我：應該得豬仔條靚阿強...

包哥：泥鴨呢？

我：唔知佢知唔知呀...

包哥：um..你有冇計查到個地址出嚟？

我：um....唔知㗎, 不過可以試下咁囉...

包哥：um.......

我：不過知又點呢？

包哥突然鬼鬼鼠鼠挨埋嚟, 細細聲咁講：知嘅話,咪.咁咁咁咁咁...嗱....我教你...咁咁咁咁咁...

我聽完打個突, 講嘢都爭啲走音：嘩包哥, 呢壇嘢你陰鳩我啫...

包哥：屌, 你唔講我唔講邊個知？

我：err....

包哥：信我啦, 與其過咗面之後面咗咗, 不如一次收鳩佢皮, 好過夜長夢多呀！我哋行黑呢行好窄㗎咋..

我：咁....不如包哥你自己打去問吓佢丫？

包哥：屌！嗰日我要幫你班仆街出嚟拆丫嘛, 當住阿公面點打呀！

我：唔係報警呀, 我講個地址呀...

包哥：丫仆街仔....屌閪射精一件事嚟㗎嘛,唔通你屌完我行過嚟射呀？

我當時入世未深, 仲未知呢個世界上原來有種工作叫做汁男, 所以我覺得佢講嘢好make sense：err....一係咁呀, 地址我搵返嚟, 但包哥你有冇啲相熟嘅警察呀臥底呀...可以私底下彈畀佢哋？

包哥：屌, 睇戲睇壞腦呀你..而且我哋呢啲社區活動組織咁撚細, 邊有人理丫...

我：丫屌....

包哥：總之等你一搵到個地址, 我哋就叫條戇鳩仔出去傾偈, 呢啲時勢佢肯定叫埋條𡃁、你同你個friend泥鴨充撐場面, 到時你諗辦法拖得就拖唔好咁快蒲頭, 襯嗰個時間報警冚鳩佢當嘢, 一次過收佢哋皮..

我：唉....會唔會奶嘢㗎, 話曬啲錢最後都係畀阿公..

包哥：屌, 佢畀唔到佢嗰份關我哋鬼事呀！

我：er......

包哥：C哥仔, 人賣老翻你賣老翻, 賣到推冧曬個市價, 由100蚊3隻推到100蚊10隻我哋都未同你計啦...

我：丫屌...我喺德福你喺先達, 冇人叫你隔咁遠都跟價㗎老細..而且包哥你賣鹹片、我賣CD㗎喎...

包哥：咪一鳩樣,唔係老翻呀？

我：我賣開24k白金許冠傑喎..斷估你唔會攞嚟打飛機啩...

包哥：屌...既然你賣開老翻, 第時過面之後你跟我搵食啦..唔會待薄你嘅....唔好話日日食個老麥套餐, 加大再加四仔任你嚟睇又點話丫...

我：包哥我仲有24k鄧麗君精選, 話曬都係女丫, 會唔會啱屌啲？

包哥意味深長咁望住我：仆街仔..我開始有啲後悔畀你跟我..

我：er.....
當我行返出巷仔嘅時候, 就決定行入呢間機鋪睇下個friend到底去曬邊.

一入到去就見到阿豪坐喺度睇緊風雲, 其他人圍住部kof排緊隊（唔係人多要排隊,係三個角色一人揀一個, 輪住打）....唔怪得冇人出返嚟..屌你班仆街仔...

見到咁嘅情況, 我唯有行過去阿豪隔離坐低諗住排隊等睇漫畫, 呢個時候阿豪無啦啦同我咗講：我記得屙咩啦...

我：吓？咁屙咩呀你？

阿豪好似好咁話：屙緊啦家um and 叉呀.

我：吓！？咁撚特別嘅你屙啲嘢？琴晚食印度嘢呀？

阿豪個樣有啲唔耐煩咁話：屌, 英文嚟㗎, 你識撚咩..

我心諗英文的確我係唔識, 唯有好敷衍咁hea佢：哦...

...總之...

既然由一條賊船跳咗去另一條賊船, 為求100%整沉之前嗰條船, 我只能夠一直潛伏喺豬仔呢條含家產嘅身邊, 一直等到我千辛萬苦、歷盡艱辛咁係豬仔條冚家剷口中問到（其實只係趁佢兩公婆有次high大咗,我口痕問佢嗰陣佢自己爆響口...）佢個老翻工場嘅地址喺邊之後...

成班friend 即時約定好係同一日一齊突發性反枱過面, 而我就趁兵荒馬亂嗰陣再做好市民舉報豬仔個老翻工場, 殺條冚家剷一個措手不及..

等佢成日好似鬼上身咁口噏噏, 話要執我條女一劑丫嗱...

屌丫....

我連自己條女對波都未揸過呀仆街...

到底咩係
屙緊啦家um and 叉

冇獎問答遊戲開始

Organized Crime & Triad

似係

lm先

樓主以前食咁多女

慢慢搵啦, 你係咪唔喺香港？

係咪豪仔啲英文真係咁好？點解當時我聽唔明, 你哋而家個個都知