[是咁的] 丫屌,我細個響朵條村搬鬼咗

袋癬含情脈脈咁望住我講：C叔你要咪出聲囉, 無理由你要我唔畀你、你唔要我夾硬塞畀你先得㗎..

我望住袋癬淨咗幾秒之後：.......軍佬..

軍佬：係？

我：...幫我攞咗袋癬支電筒撻著佢, 之後成支插入佢屎眼, 我要見到d光喺佢喉嚨射返出嚟.

軍佬：Roger!
之後出手搶袋癬支電筒, 嚇到佢即刻鳩叫.

擾揚咗分零鐘之後, 娃娃終於忍唔住、有啲唔耐煩咁喝止佢哋兩個：之前咪叫咗你哋唔好咁嘈囉！呢度鄉村地方靜到似街, 一陣嘈撚到人哋應該放狗咬鳩你兩個..
之後一手搶咗支電筒, 幫我照住個鎖：你又係...好心你...

我見自己無啦啦都畀娃娃鬧埋一份, 唯有拿拿聲望住個鎖扮鵪鶉：err....唔該唔該..

頭先搞一大輪都搞唔掂, 爭啲火都嚟, 而家有大大支電筒照住, 我一嘢就插入到個窿, 仲要成支入曬去, 成個人即刻舒暢曬.

當個鎖解開咗之後再拉開個橫栓、準備推開道鐵門嗰吓,癬妹突然拍一拍我右邊膊頭問：得兩隻？

一時間我load唔到佢噏乜, 淨係諗緊我同佢無仇無怨, 點解佢無啦啦拍鳩我：吓？

癬妹：狗呀, 聽落好似十幾廿隻喺到叫咁嘅？

娃娃豎起耳仔四圍望：um..似係附近d屋傳過嚟...

見既然唔關我事, 正當我準備用力推開道鐵門嗰陣, 軍佬又一拍我左邊膊頭：喂C叔, 班狗係週圍走定係鎖住曬㗎？

我擰過去啤住軍佬：屌！夜媽媽拍夠未呀屌你！？

軍佬冷得戚咁答我：屌！你哋頭先咪又係呀搏命開我全名！？

我：諗住介紹啲朋友畀你識呀嘛陳軍佬！

軍佬：介你老母呀！？你仲嚟！？

娃娃：喂軍佬..
企係軍老旁邊嘅娃娃無啦啦將個電筒遞比軍佬.

軍佬諗都冇諗就接咗：係？

跟住娃娃襯軍佬唔為意, 突然閃去佢背脊舉起手, 同時間拍落軍佬一對膊頭：有冇聽過己所不欲勿施於人呀...

呢吓軍佬嚇到即刻成個彈開, 爭啲電筒都跌撚埋：嘩屌, 又話勿施於人嘅娃娃姐！？

娃娃：must呀, 英文嚟㗎..

軍佬聽見即刻舉手諗住拍返過去：係咪呀！！等我又must下你先...

娃娃唔縮不突止, 仲向前行咗一步：你試下？我即刻大嗌非禮同強姦.

軍佬有啲尷尬咁望住自己舉起咗但又收唔低嗰隻手：er......

見佢哋玩得咁開心, 我拿拿聲推開道鐵門, 不過可能道鐵門生生地鏽嘅關係, 一推就發出勁大嘅支err聲, 嚇咗全部人一跳.

軍佬：嘩屌, 拍鬼片咁喎, 兇宅嚟㗎呢到！？

我求撚期答咗佢一句：係呀, 你住撚完就變兇宅㗎喇仆街.

軍佬：又關我事？

娃娃：係到隊冧你斬件餵狗都冇人知...

軍佬：使唔使咁呀兩個公婆....

娃娃：非...

軍佬：得！冇嘢冇嘢冇嘢...

當我行咗入鐵閘再示意其他人先行上Z形樓梯之後, 我就留後準備閂返道鐵閘同塔返把鎖.

點知當我閂返道鐵閘同塔返把鎖之後一擰轉頭, 全部人企曬我後面望住我：做乜鳩？未見過人閂門？

袋癬：係呀, 見你返門個背影咁撚性感, 咪望多兩眼囉...

我：咁你扯旗未呀？

袋癬：頭先扯緊㗎, 不過你一擰過嚟就鳩縮lu...

我：屌..

軍佬笑得好衰咁望住我講：話曬呢度你熟過我哋, 梗係等你行上去先啦..

癬妹企喺佢呀哥後面：係囉係囉...

袋癬：你係主人家呀嘛, 我哋做客嘅點咁先過你上...

我好無奈咁望住呢三條仆街：屌..你班撚樣怕就怕啦....
咦？三條友？？？我：娃娃呢？

袋癬：咦？係喎..？你唔係漏咗佢出面吓話？

癬妹：冇可能啦, 頭先仲企係我隔離㗎！

軍佬：條女你嘅, 關我鬼事呀？

正當我諗緊唔會真係咁戇鳩, 鎖咗咗自己條女喺門外面嗰陣, 突然見到一團白色嘅嘢喺樓梯彎位衝出嚟, 從後撲向企得嚟我最遠嘅癬妹..

live咗
等睇下集

忙緊打2077, 過兩日出

因為事發突然、而且全部人都係面向住我講緊嘢, 所以淨係得我一個見到嗰團突然喺樓梯彎位衝出嚟白色嘢, 而癬妹偏偏又企得離我最遠、最近條樓梯, 嗰團白色嘢由出現嗰一刻就諗都唔諗就直接撲向佢企嗰個方向.

見到咁嘅情況, 我第一個反應唔係拉走癬妹, 而係好奇點解奶嘢嘢嗰個會係癬妹唔係軍佬嘅？佢成晚乜都冇做過喎？？...

正當我諗緊呢個問題嘅時候, 癬妹理所當然咁發出一聲慘叫, 接住就係企喺佢隔離嘅袋癬同埋企喺佢袋癬隔離嘅軍佬嘅鳩叫聲.

癬妹：咩嚟㗎！！？？？

袋癬：阿妹！？？？

軍佬：你個妹做乜撚！？？

因為之前比較黑、嗰團白色嘢又旭得好快嘅關係, 我完全睇得唔清楚到底係咩, 但而家去到咁近距離,我終於望清楚嗰團嘢係乜嚟：um.....

跟住到企喺我隔離嘅軍佬望住嗰團嘢：um.....

再到本來企喺癬妹隔離, 但呢刻已經彈開咗成個身位嘅袋癬：um........

然後三個男人企定定, 一齊耷低頭望住癬妹個下體：um............

癬妹繼續面容扭曲咁望住我哋問：哥？？咩嚟㗎！！？？？

袋癬：妹呀..乜冇見幾秒, 你下面多咗啲咁嘅嘢嘅...

軍佬：係囉, 你個妹搞咩嚟呀？

癬妹個樣就嚟嚇到喊咁講：你哋up乜呀！？嘩好似識旭㗎喎！？乜鬼嘢嚟㗎！！？？？

袋癬：....咁..識旭好正常㗎喎...

癬妹：咩呀！？幫我整走佢啦！！

袋癬：....有..啲難度喎...

癬妹：咩嚟㗎！？

軍佬：...冇事嘅, 你自己執低頭望下啦...

癬妹：係咪㗎！？

我：係呀....

可能癬妹見我哋三個男人對於突然出現喺佢下體個樣嘢都冇乜特別大反應, 吸咗啖氣好似下定決心之後耷低頭一望...

癬妹發咗好驚訝嘅聲：咦？？媽呀？？

雖然我唔知癬妹角度見到啲乜, 但係我角度, 我見到佢褲浪下面無啦啦凸咗一個鼻哥同一排牙出嚟...

丫, 仲有條pink脷吊吊揈.

而我都幾肯定呢個鼻哥同呢一排牙仲有嗰條吊吊揈嘅脷, 應該係屬於企係癬妹後面嗰隻白色嘅牧羊犬所有.

癬妹一發現隻牧羊犬,態度即刻大轉變：嘩！！隻狗好靚好得意呀！？
然後當佢想向前行一步避開個狗頭嘅時候, 唔知點解隻牧羊犬亦都同時間向前至行一步, keep住個頭喺佢褲浪扭下扭下.

見到咁嘅情況, 我同軍佬、袋癬兩個人交換咗一下眼神, 雖然我哋冇講出聲, 但....

一切盡在不言中.

好一隻攞正牌嘅死狗公...

喺樓梯位擾攘咗一輪之後, 我哋四個人終於經過條Z型樓梯, 行上咗我祖屋所在嘅平台.

當然係成個過程入面, 我係拉住牧羊犬條頸圈行最後,以防佢再突然發癲非禮癬妹.

一上到平台, 就見到本來鎖住咗嘅紅色狗屋度門已經打開咗, 而踎咗喺地下同一隻狼狗喺度玩緊嘅娃娃見到我哋行上嚟就話：叫到撞鬼咁嘅？搞咩呀你哋？

我：唔關我事呀, 我冇份叫㗎..
唔知係咪認得我把聲, 本來同娃娃玩緊嗰隻狼狗突然豎高耳仔企起身, 之後向我撲過嚟, 爭啲撞到我仆街.

呢隻就係當年我同我阿哥一人一隻喺曾叔叔屋企領養返嚟嘅狼狗之一, 狗女b.

而我哥嗰隻狗公g當年因為食錯野, 好細隻嗰陣就已經死咗.

話說呢隻狗女b又係神奇嘅存在, 平時屋企無論有冇人喺度都好, 我阿爺佢哋都會放啲狗週圍走, 只會喺夜晚或者天氣好差嘅情況下先會鎖返入狗屋.

但好多次佢哋發現明明鎖咗狗女b入狗屋, 轉頭就會喺狗屋以外嘅範圍出現, 有時仲黐線到入咗間祖屋, 趴喺個廳到大覺瞓, 但明明唔單止狗屋道門、連祖屋道門都係鎖住咗嘅...

開頭我阿爺佢哋都好緊張以為唔知邊度穿咗個窿,但係搵咗一大輪都冇結果, 就決定放棄唔理, 反正狗女b又冇破壞啲乜嘢, 由得佢鍾意去邊就去邊.

Anyway, 喺同兩隻狗玩咗一輪之後, 我哋終於捨得開門入屋.

我入屋放低咗個袋之後就話：喂你班友仔記得呀, 樓上可以參觀, 但係唔好亂搞啲嘢呀！

其他人聽見就好敷衍咁答咗我一句：得啦..
跟住就放低個袋、開始四圍探索嗰我間祖屋.

點解我咁講？因為係我阿媽叫我嘅, 佢話“人哋”畀間屋你住啫, 冇話過畀你瞓“佢哋”張床呀, 無謂畀位“人哋”入啦...

當然我唔知我阿媽係唔係過份解讀“人哋”嘅說話, 不過點都好為咗唔好令我阿媽難做, 我當然順佢老人家意, 一開始約人嗰陣已經講到明大家要瞓睡袋.

不過當我行返出屋外面, 準備去開煤氣制嗰陣就諗, 如果定要執到咁正嚟講, “人哋”夠冇話畀我哋煮飯食同沖涼啦.....屌.

Btw, 點解要去開？因為間屋平時都冇人住, 所以除咗少部份嘅電同水掣（for 狗屋）之外, 乜都掣都閂鬼曬, 而家唔拿拿聲開返曬, 因間唔好話煮嘢食, 連洗手水都冇..

當然係我行去開掣嗰陣, 我兩隻狗又過嚟捉住我搞搞震, 搞到搞到要陪佢哋玩咗一輪之後先肯放我入屋.

入到去就發現軍佬佢哋已經將個廳執好咗, 仲將啲睡袋鋪好曬喺地下.

我去check完confirm個煤氣爐同埋熱水爐都用到之後, 癬妹同娃娃就輪住去沖涼, 而袋癬就入咗廚房搜刮架撐, 準備煮5人份量嘅公仔麵, 軍佬就坐係個廳set緊部電視.

Btw2, 點解要去set？因為平時都冇人住, 呢部又係舊式嗰啲老牛龜電視, 斷電斷得太耐就乜差台都冇曬要再set過.

題外話, 唔知有幾多人仲記得嗰啲舊式電視, 個螢光幕係有少少弧度, 唔單止冇遙控器, 你要轉台就只能靠電視機螢幕右手邊嘅上半部通常會有十幾粒掣, 一粒掣代表一個台, 全人手拍拍拍拍.

而search台係靠一條跟機嘅膠條, 畀你插落去個螢幕右手邊、下半部份嘅選台區嗰粒的到慢慢扭, 每粒的對應返上半部嗰十幾粒掣, 而機頂仲有幾條可以伸縮嘅天線, 可能係山區嘅關係, 我阿爺屋企嗰兩條天線簡直突破天際, 隊都上天花板咁濟..

Anyway~2, 見佢哋各有各忙, 我就決定擔住支煙行返樓梯落去鐵閘, 想確定多次我有好好上到個鎖, 雖然算唔上係荒山野嶺, 我爺喺度住咗咁耐都冇咩事發生過, 但都係穩陣啲好.

當然我兩隻狗又跟住我騰嚟騰去, 行到去鐵閘嗰陣見佢哋好似好踴躍咁圍住個鐵閘轉, 我就問：點呀？係咪想出去兜個圈呀？

得到嘅答覆係：汪汪汪汪汪汪汪....x2.

我：um..... 食埋個麵先得唔得？

再次得到答覆：汪汪汪汪汪汪汪....x2.

我：係係....咁你哋執執自己個樣, 換定衫著定鞋, 我食埋個麵先同你哋出去兜個圈...

上返平台之後因為見支煙未食曬, 就決定圍住個平台行個圈, 睇下住喺呢間屋嘅最後一隻生物喺唔喺到.

不過望嚟望去都唔多覺, 而且對上一次見佢嗰陣我仲讀緊小學三年班, 而且嗰隻嘢又鍾意通山跑, 所以其實隔咗咁耐我都唔知佢死咗未....純熟八卦兜個圈望下.

行到屋後面個羽毛球場嗰陣, 見到連接住山嗰邊、大約半個人高嘅花槽生滿雜草, 就隨手執咗嚿石仔掉過去睇下會唔會有啲咩走出嚟, 因為當年試過同阿哥打緊羽毛球嗰陣, 唔覺意打咗個羽毛球入草叢, 之後有條蛇無啦啦喺個草叢入面突個頭出嚟say hi, 嚇到我哋仆住街咁衝入屋叫救命.

我阿媽聽見就話call漁農處, 但我阿爺到就話咁小事唔使call人嚟幫拖, 話曬佢當年做過幾年鋸架兵, 一條蛇仔邊會嚇到佢, 之後就拎把刀話出去劈佢老母臭化.

結果我哋三個係間屋入面望住我阿爺好勇咁敢拎住把刀衝過去, 然後唔夠幾秒連刀都唔要、狗衝返入屋但大叫call漁農處...

不過..我哋又唔會笑柒佢嘅, 淆底好正常.

因為我爺爺衝到過去正準備手起刀落嗰下, 條蛇可能覺得嚇親人唔好意思, 突然成條棟起身準備露出胸部道歉, 但佢露出嘅部分已經差唔多有3米長, 而喺草仲入面仲唔知有幾多未露出嚟...

行完一圈乜都見唔到, 就隨便拉咗張膠櫈坐咗喺屋企門口, 諗住食埋支煙先入去, 而我兩隻狗自然喺我隔離趴低咗.

我望住佢哋兩個就話：你兩隻嘢又跟埋過嚟做乜鬼？唔係叫你哋去換定衫準備出門口㗎咩？

呢個時候我後面轉嚟唧一聲, 跟住聽見娃娃把聲：剛剛先行到上嚟又出去？換衫去邊呀？

我指一指兩隻見到娃娃行出嚟就即刻彈起身嘅狗：冇呀, 諗住同我哋出去行個圈咋..

娃娃踎低攬住兩隻狗, 一路摸一路講：天口凍呀, 使唔使加多層毛呀？

當然, 娃娃得到答覆同我頭先得到嘅差唔多：汪汪汪汪汪汪汪....x2...

...返到入屋齊齊坐低食麵嗰陣娃娃就話：C叔話一間出去放狗喎, 你哋有冇興趣呀？

軍佬第一個答：放鳩入廁所放啦, 出去放托..
可惜被娃娃厲啤咗眼, 之後冇再講落去

癬妹：好呀, 我去！哥？

見畀個妹點名, 唯有死死氣答：哦....好....

既然四個都話去, 我就望一望戇鳩鳩食嘅麵嘅軍佬, 軍佬望咗我一眼, 之後趁冇人為意嗰陣眼尾哨一哨佢自己個背囊.

識咗佢咁耐當然我知佢想暗示暗示啲乜就冇出聲, 點知坐喺我哋兩個中間嘅娃娃食咗啖麵之後突然同軍佬講：諗住我哋出曬去, 你自己一個喺到放鳩呀？

軍佬聽見打個突, 見計劃畀人識破咗, 唯有好無奈咁話：冇冇冇....娃娃姐叫到, 乜鳩都唔放, 一齊去一齊去...

為咗怕惹蟻, 一食完嘢即刻洗好曬啲碗、求其換件衫之後, 五條友就浩浩蕩蕩咁出發去放狗...

屌你老母前晚收工同太妹出咗去Coles, 買買吓嘢無啦啦聽到有個女人好大聲爆粗跟住鳩叫.

擰過去望一望, 見到有個女仔畀五個coles員工同兩個secure夾撚住喺中間, 仲推住架手推車撞嚟撞去.

條女係發曬爛渣喺到屌點解佢哋要捉佢,然後個員工喺度話佢有拍片, 我心諗睇個勢都應該係偷嘢畀人捉到, 諗住八掛望多兩眼就走人, 點知發現條女啤住我, 我又啤返佢跟住先醒起原來佢係我酒店之前啲客, 嗰陣時發癲畀我趕走咗

後尾畀完錢路過counter嗰陣, 先知原來頭先睇得唔清楚, 條女唔係偷嘢, 根本係搶嘢.

佢係成架手推車放滿曬嘢, 無一樣有畀錢,諗住直接推出門口走人.

失蹤人口終於浮返出黎

失蹤人口你講泰妹？

btw, 唔記得咗人冇提過, 911嗰朝我想打電話返香港搵個friend吹吓水, 但畀b捉咗去睇電視, 嗰個friend就係娃娃.

當年佢結婚嗰陣我同降頭C都有去觀禮, 夜晚擺酒嗰陣佢戴住親家送畀佢嗰啲金器出場, 直頭黃金聖鬥士上身咁, 佢結完婚之後我哋出去飲嘢嗰陣, 佢show畀我睇一對手臂全部瘀撚曬

真心想睇降頭c外傳

你班仆街, 平時哩哩埋埋, 一有泰妹就出現