[是咁的] 丫屌,我細個響朵條村搬鬼咗

收線之後咁啱我老母沖完涼行出嚟, 但我都唔理得咁多拿拿聲打畀詩補飛, 但係唔知點解詩嗰邊一直唔聽電話, 平時真係隨便打都打得通㗎喎, 今晚搞乜撚嘢？詩同人講緊電話？定佢屋企人用緊電話？

雖然我都知詩屋企嗰邊可能唔得閒, 可惜呢刻真係冇得選擇, 因為一諗到而家唔係有冇女陪我去camp嘅問題, 而係牽涉到要身為窮撚嘅我請男人食飯、仲係一次請兩個咁撚厭惡性嘅問題....

我只能夠一隻手拎住個聽筒、另一隻手不斷機械式咁瘋狂撳收線同redial個掣 ,希望迫到嗰邊有人聽為止, even好大機會對家一拎起個電話就會講粗口.

我老母用啲好奇怪既眼神望咗我一眼之後, 就坐喺廚房門口攞起個風筒吹頭.

至於點解要喺廚房門口吹頭....係因為個廁所細得滯, 入邊除咗熱水爐、屎塔、廁所燈同花灑之外, 乜撚都冇, 包括任何電器甚至插座, 因為隨時一沖涼就電撚死, 平時金家刷牙洗手都要用廚房個鋅（剛剛google先知原來係咁寫）盤, 不過既然佢吹緊頭,斷估聽唔到我講咩嘅.

Redail咗差唔多廿幾次, 嗰邊終於有人聽個電話.

我：喂喂？唔好意思呀煩住你哋, 唔該我想搵..

我都未講完, 電話嗰邊已經傳嚟詩有啲驚訝嘅聲：哥？

我：咦？妹？

詩：搞咩呀你？做咩瘋狂炸我電話？

我：err..... 冇....

詩：冇你又炸？貪過癮呀？

我：唔係, 我打嚟係想問你...

詩：你想聖誕嗰陣約我呀？

我：咦？你又知嘅？

詩：err...我估下嘅啫...

我聽完佢咁講梗係覺得怪怪地, 不過都諗太多, 問佢正經事先緊要：咁你有冇時間？

詩：你遲咗lu~~

我：吓？

詩：本來冇㗎, 但啱啱有fd打嚟約咗出街.

我：ㄚ屌. 邊個friend咁仆街截我糊？

詩：你咪理丫！不過你想搵我搞咩呀？

我：冇呀, 想約你去camp咋...

詩：你唔問娃娃？

我：問咗啦, 佢好似唔得呀....

詩：原來我後備嚟㗎咋...心淡lu~~

我：ㄚ屌...

詩：咁你本身同邊個去呀？

我：so far得軍佬同袋癬咋..

詩：嘩！三支公咁慘呀？

我：係呀, 軍佬條仆街仲話每個人都嗌一個女仔去, 邊個叫唔到就要請食飯喎...

詩：妖！咁唔洗驚啦！

我：吓？

詩：我睇死你地三個到時互請當無數..

我：丫屌..

詩：屌呢家嘢唔係用口講㗎, 做先有用㗎嘛！

我：咁都有個窿先得㗎！

詩：我都幾肯定軍佬同袋癬上下都有一個.

我：咁嗰兩個窿我自己都有....

詩：哥！

我：咩呀？

詩：你不如試下問多次娃娃啦？

我：吓？頭先佢好似冇乜興趣咁喎......

詩：信我啦, 問多幾次實冇死嘅.

我：係咪㗎？我驚再問佢嫌我煩喎...

詩：你唔明㗎啦,女仔有時心入便明明係ok, 但表面就扮曬嘢吊高嚟賣㗎！

我：屌丫, 呢句嘢出自你把口特別有說服力...

詩：唔好再提突眼文條仆街啦, 簡直係黑歷史..

我：咁撚樣嘅你？幾個月前仲發曬花癲追住人週圍走, 而家就叫人凸眼文....

詩：唔好講我嗰筆啦, 總之....畀啲信心！我睇好你哋食自己呀！

我：屌...

詩：都話要做先有用囉！

我：唉, 去仆街死ㄚ你.

收咗線之後諗嚟諗去,除咗詩同娃娃佢兩個之外我好似真係冇咩女性仔朋友熟到可以入camp...

Um... 又唔係話冇嘅, 都有個識咗十幾年嘅女性、但唔算係朋友咁囉...不過如果要我帶呢個女性一齊去camp, 我寧願請食飯算撚數.

正當諗緊要請嗰兩條仆街食乜嘢冇咁肉痛嗰陣,嗰位識咗十幾年嘅女性擰過嚟望住我：仔.

我：咩呀？

老母：到時你上到去玩還玩呀, 唔好整污糟人哋啲地方, 費事有位畀嗰家人入啦.

我：哦.

老母：記得唔好整、污、糟、人哋啲地方呀.

我：哦....？

老母：最好就帶個睡袋瞓喺個廳到啦,冇乜嘢唔好上去瞓人哋張床啦....

我：哦.........？

老母：早唞啦, 記住你老母講咩呀.

我：哦.......

望住老母打完個喊路之後, 慢慢爬條鐵梯上樓上個閣樓, 我又再次思考個妹講嘅嘢, 會唔會真係好似妹咁講, 其實娃娃都想去, 純熟只係吊高嚟賣呢？

反正嚟緊呢幾星期我都仲有機會見到娃娃, 到時再逗下佢先...

始終...要我無啦啦請兩個麻甩佬食飯..真係有啲谷鳩氣...

可惜係之後幾個星期我同娃娃行街嗰陣, 都有義無意咁透露曬所有集合時間地點畀佢聽, 但佢一直保持住懶洋洋嘅態度, 冇乜特別表態, 反而軍佬同袋癬一直胸有成竹咁, 問佢哋叫咗邊個又唔答, 淨係陰陰嘴笑..望住佢兩個死人樣, 我直覺覺得呢餐飯我請撚硬, 心諗好彩呢幾個禮拜我啲零用錢都慳住用以防萬一, 唔係呢鋪賣屎忽都唔撚掂..

即喺收線個陣娃打咗比詩?

只能夠講, 啲女人好古惑

你比K個冧把我就話你知
貓巴唔該幫幫手

樓主啲文好正

有時得個大字冇撚用㗎

如果講波我覺得深田結梨嗰種最正, 揸落有手感之餘屌嗰陣仲識“發下發下”

Whatsapp block完delete埋, 唔記number lu

正唔正我唔知, 慢就肯定

我唔理大唔大先，我毒撚嚟㗎有得屌就得。

仲有K唔止身材，同你啲對話都好正

如果唔係點會純文字都J都幾十次

唔緊要，慢慢出

未出文我就返去睇多次K故
睇極都唔厭

對唔住大C，我知我好煩，成日講K

我太毒

見你講起我又去k post兜咗個圈, 發現原來嗰陣時我已經講過我喺沙田嗰邊有間祖屋

替外話, calgary有冇邊間裝車機好？老婆賣嗰部舊款車個中控台好撚煩, 想趁住black Friday換個有得 apple car play/android auto嘅

本來想問你去左Calgary 未，原來到左了。
祝一切順利啊

我仲未去呀, 得我老婆喺嗰度咋

屌你老母optus個網絡全澳洲死撚曬

靠自己部電話hotspot俾全公司, 而家部電話熱到煎蛋

claim公司再買多部電話打機

重點唔係個電話, 係張電話卡

成公司得我一個用vodaphone, 其他人個個都係optus, 黐孖筋

而家睇好撚痴線, 唔好話eftpos機, 連火車都要停駛, 有事000都打唔到, 全部斷撚曬網.