[是咁的] 丫屌,我細個響朵條村搬鬼咗

of course! 主角壓軸登場

追擊の達人

唔使, 冇故

留名等睇
取得始祖之力
大蛇化
晚晚發動地鳴

取得始祖之力
大蛇化
晚晚發動地鳴

完.

酒店日常

酒店日常2

老婆架車凍到著唔到, 今晚仲要去公司annual dinner

大把人都出唔到車 唔驚

問題係唔知係咪架車舊電有問題要買嗰粒新, 因為佢用portable車充隊唔著, 同事用過jumper都唔得, 最後只能夠放低架車係公司,睇下聽日晏晝天氣回暖少少嗰陣過去拍下,睇下拍唔拍得著.

road assistance要等禮拜日先得閒理佢.

因為軍佬一直扭扭擰擰, 臨出門口之前突然又鬼鬼鼠鼠話要去埋個廁所先肯行, 所以話就話五個人加兩隻狗浩浩蕩蕩咁出發, 但其實只係四個人加兩隻狗戇鳩鳩企喺條鐵閘出面等條仆街.

既然係三男兩女加兩狗嘅組合, 兩隻狗理所當然分別由癬妹同娃娃各拖一隻.

白色牧羊對比返頭先初見癬妹嘅瘋狂狀態,唔知係咪已經吸夠咗癬妹下面陣除, 而家已經好安靜咁坐係癬妹隔離鳩吓鳩吓冇乜特別太大動作, 反而係一開始同娃娃好似好friend嘅狗女b, 好似好不安咁四圍望同扭嚟扭去, 娃娃見到咁只能夠踎低喺狗女b隔離不斷安撫佢.

而我挨住樓梯一路食煙, 一路望住袋癬用佢個軍用電筒喺到亂咁照馬路另一面個草叢嗰陣, 就諗起細個成日同阿哥喺嗰到捉金絲貓、養喺個用啲比較長同硬身嘅草摺成嘅屋仔拎返學校賣, 當時明明覺得啲金絲貓好鬼靚, 都唔明點解人大咗反而咁撚驚蜘蛛？明明都係嗰啲嘢嚟...

分別只不過係大同細啫...

假如有兩條女企喺你面前, 一條平胸另一條成對導彈咁朗朗吓, 你最多只會依據個人性趣去選擇邊一個先係你心目中嘅靚, 而唔會覺得大嗰個就係好恐怖㗎！？...

做人真係奇撚怪怪...

anyway...成班戇鳩鳩等咗成十分鐘之後先見到軍佬優哉悠哉咁行落樓梯.

袋癬一野插過去：咁撚耐, 卡咗係個廁所窿到呀！？

軍佬：屙尿嗰陣卡咗係你個屎忽窿呀！

袋癬：屌！屙咁耐？

軍佬：犯法呀！？

袋癬：一陣用曬啲厠紙我打撚死你呀...

軍佬：屌..用曬咪聽日買囉, 最多我捧返上嚟啦...

我望咗軍佬個樣一眼之後彈咗支煙落地下：放心喎,睇佢個死樣一張廁紙都冇用過..

癬妹：吓？屎都唔抆咁變態？

軍佬：我份人環保啫...

我：屌..你條撚樣紅光滿面, 擺到明就係去放生啦...

軍佬：屌, c叔講啲咁嘅嘢呀你...

我：屌乜鳩？剛剛放生完扯得起先算啦你！年輕人..

娃娃同袋癬聽見就笑出聲, 癬妹就好好奇咁望住我：吓？放生？咩放生呀？

我頭先一時口快算鳩軍佬, 醒唔起癬妹嘅存在：er... 冇...冇...放生即係umm......

癬妹：吓？即係咩呀？

正多諗緊點樣兜嘅時候, 袋癬無啦啦又爆多句：總之阿妹你一陣去廁所小心地滑呀..

癬妹：吓？！

娃娃可能見我哋兩個越描越黑, 就那那聲轉話題：唉你兩個...人齊啦... 行啦...
之後拉一拉狗女b條狗帶.

我同袋癬即刻答：好呀好呀！軍佬你話去邊？

剛剛畀我哋笑到佢面黃嘅軍佬聽見我哋掉返個波畀佢, 窒一窒先答：屌, 一條大斜路唔係上就下㗎啦..

我：咁上定下呀？

軍佬：er....我鍾意女上男下...

娃娃一腳伸向軍佬：咁你自己碌落山下飽佢...

軍佬閃開咗娃娃嗰一腳之後問我：咁又唔好...C叔上面有啲咩㗎？

我：我上面？頭空腹？

軍佬：屌！上面呀！
用手指指一指上山嗰條路.

我：屌, 你問得衰啫..好似....大約行多十零廿分鐘有條村, 舊時聽阿爺講耐唔耐佢就會上去同班友聚賭同賽狗..

軍佬：吓？賽狗咁過癮！？條村好撚大㗎？

我：丫屌, 唔係鬥快跑嗰種賽狗, 係狗咬狗種賽狗..

軍佬：嗰種叫鬥狗呀老細！

我：屌..是撚旦啦明咪得囉..

娃娃：吓？今時今日再啲咁嘅嘢㗎咩？？

我：呢啲村係咁㗎啦....不嬲冇王管.

癬妹：咁嗰頭啲狗會唔會好惡㗎..

我：村狗舊不嬲都惡㗎啦..

娃娃：er...好似唔係幾好咁喎？

袋癬：咁夜..乜鳩都瞓曬覺啦！

娃娃：咁呀...

袋癬：啱啱先喺山下面行上嚟,我打死都唔行返落去㗎喇！

軍佬：我哋夠有五條鳩啦, 冇事嘅, 行啦...
講完就自己一個人開始向山上進發.

我雖然都覺得應該安全, 不過都多口講句：屌, 我嗰條仲有用㗎, 唔似得你嗰條拎嚟餵狗..

軍佬頭也不會咁答咗我一句：餵狗都唔益你呀！

我：er...多撚謝喎...

然後...果然會出錯嘅永遠都出錯.

當我哋五人兩狗有講有笑咁沿住條山路向上行咗大約十零分鐘之後, 我哋差唔多仲有十零步就行到呢條路為數不多嘅盞街燈前面齊齊企定定、唔敢再行.

因為無啦啦唔知喺邊度突然衝咗幾隻唐狗出嚟, 攔住上山條路.

一開始我仲講笑咁話：軍佬！你唔係話拎嚟餵狗㗎咩？做嘢啦！

軍佬：得得得, 等等我呀..
之後扮曬嘢伸隻手入褲浪, 引到娃娃同癬妹都笑出聲.

而當出現第三第四隻嗰陣袋癬仲笑住咁話：班友聽見有宵嘢食, 吹雞喎！

軍佬：使乜講！我呢條好嘢嚟㗎！

但當第五隻、六隻、七隻....到前前後後差唔多有十幾隻兇神惡煞嘅唐狗對住我哋喺到wooooo ...嗰陣, 大家都靜咗落嚟, 淨係得娃娃同癬女博老命咁一路安慰一路拉住我嗰哋兩隻吠到傻咗嘅狗.

我：軍...佬？...

袋癬：拿拿林拎出嚟交保護費啦...

軍佬：唔夠分呀屌..

雖然我聽見軍佬咁講好想笑, 但現實情況又笑唔出, 只能夠行前一步打斜咁檔係娃娃前面, 亦順勢用手拉住狗女b條頸圈以防佢真係衝向前.

而袋癬亦都拎住佢支軍用電筒企咗喺個妹隔離：妹呀...拉實條狗帶慢慢向後褪, 千祈唔好突然放手或者轉身呀..

癬妹口震震咁答佢：哦...哥, 不如你幫我拉？我好似唔夠力..

袋癬諗都冇諗就一手接咗條狗帶：okok...
再示意軍佬接手佢個電筒.

軍佬雖然好唔情願咁答佢：咁益我呀...
但都接咗個電筒之後踏前一步, 企喺我哋全部人正中間, 而我同娃娃再加狗女b、袋癬同佢個妹仲有白牧羊犬分別企嘅係軍佬兩邊, 五人兩狗形成一個三角形嘅陣勢, 面對住好似陸續有嚟嘅唐狗大軍.

軍佬扭一扭個電筒頂部, 將啲光聚焦咗喺唐狗大軍後面：有冇咁多狗呀屌你...

我順住軍佬電筒所照之處望過去, 都有一堆狗頭e起棚牙流曬口水對住我哋, 個心都有啲淆：喂..咪fing嚟fing去啦...

軍佬：拉實你兩隻狗啦咁多嘢講...

我望一望一味得個吠字、又冇乜實際行動嘅狗女b：呢兩隻裝飾嚟㗎咋！

軍佬： 咁裝飾都好過冇丫...到時除返開都咬少幾啖...

正當兩邊啲狗廢到亂七八糟, 而班唐狗大軍正準備用狗數優勢包圍我哋嘅時候..

突然間...

在場嘅所有狗都突然淨曬落嚟, 我哋五個人都同時：咦？一聲.

隔咗幾秒之後, 我忍唔住開口：喂..你哋..

癬妹：er...

袋癬：係囉...

娃娃：係咪...盞街燈倒影...呀？

軍佬：冇..可能囉.....盞燈喺前面㗎喎....

袋癬：會唔會...係我支電筒呀？

軍佬聽見就好激動咁擰過嚟攞啲電筒照住袋癬：屌！？你照一次畀我睇ㄚ？？

袋癬即刻我隻手遮住對眼：盲啦屌你！唔使咁激動嘅！？

軍佬：喺正我前面呀屌你！！

正當我諗住嗌佢兩個收口以防刺激到班狗嘅時候,娃娃已經先我一步做咗個安靜嘅手勢, 然後用好奇怪嘅眼神望住嗰班唐狗大軍.

去到呢刻我先發現現場嘅唐狗軍團唔單止冇再兇我哋之外, 仲有幾隻一直發出一啲好奇怪嘅悲鳴聲.

聽見呢種叫聲, 我相信在場除咗癬妹好奇咁問咗佢：咦？乜叫得咁奇怪嘅？？之外, 每個人心入面應該都係諗緊同一句說話.

仆街喇今次...

始終我哋四個join咗HKSCC咁耐, HKSCC話就話有個sea字, 但其實我哋成日通山跑打wargame嘅時間畀落海多, 所以呢種狗叫聲夜晚出camp嗰陣真係成日聽到.

每次有人想過去八卦下嗰陣, 阿sir都會單聲叫我哋聽到還聽到、但千祈唔好行過去, 話呢啲叫吹狗螺, 係啲狗撞鬼嗰陣嚇到鳩叫發出嚟嘅聲.

雖然我哋冇特別深究到底真定假, 只係當身處荒山野嶺嗰陣, 選擇寧可信其有嘅態度, 阿sir話乜就乜.

但呢一刻我都幾肯定頭先冇眼花, 尤其係我從其他人嘅對話中, 肯定佢哋都睇到我睇到嘅嘢.

你問我睇到啲乜？

咪無啦啦夜媽媽, 荒山野嶺有個識跑嘅Exit sign囉！！！！！

丫屌..唔係exit sign...

應該係話...

..exit sign上面個人仔先啱..

頭先我真係好清楚咁見到有個保持住exit sign姿勢嘅人影, 好快咁由我右手邊山坡上面衝落嚟, 再經過馬路穿過我哋同唐狗大軍嘅中間, 然後向左手邊嘅斜坡衝咗落去.

而且全程呢個影都係平面嘅, 即係貼住個地面咁水平移動.

先唔理有冇人可以喺咁樣嘅姿勢下移動得咁撚快, 我哋五個人入面唯一揸住電筒嘅軍佬亦都係企喺最前方同照住前面, 而軍佬同exit sign只係相差唔夠半步嘅距離,即係話呢個影冇可能係由我哋呢五個人造成.