[是咁的] 丫屌,我細個響朵條村搬鬼咗

咁幽默得唔得㗎

想知細c嗰單野最後有冇同z講過，包括你od屎尿標曬出黎

使乜搞咁多
睇K啲故，幻想自己同K喺一齊日日比佢強姦咪得，得咗

茂利眼尾都冇哨過冇call機, 因為就算唔睇佢都知邊個震鳩佢, 但當部call機震完又震、震完繼續震嗰陣, 隔離阿伯終於忍唔住出聲.

阿伯：靚仔, 你部嘢..都好震得下喎....

我繼續專心屈鳩阿伯, 咬住支煙隨口答咗句：唔夠你隻手..

阿伯：唔係呀, 佢震到你啲銀仔就嚟跌落地喇..

我聽見阿伯咁講, 即刻嚇一跳：丫屌..
然後望一望我放喺手掣上方嗰幾蚊, 真係畀部call機推到就嚟跌落地下, 即刻伸手撳住佢.

阿伯見機不可失, 即係用ken一個下輕腳升龍+街龜波扣咗我三分一血.

我一路將啲銀仔攝返落褲袋, 一路掉柒佢：屌丫, 阿伯你講下武德好喎！

阿伯：阿伯一把年紀, 又唔見你讓下我？

我吸淡菸之後指一指佢檯面：讓條毛呀, 不如你放過我好過啦！成間機舖咁撚多部機, 你係要追撚住我嚟打！？

阿伯望一望佢枱面、用個透明膠袋袋住嗰幾百一蚊, 再飲咗啖生力.

我見阿伯唔出聲、畫面顯示倒數時間唔夠10秒,就決定出口術拖落去, 俾自己對手抖下：阿伯, 我成副身家連埋車錢數埋得嗰幾廿蚊, 見約咗人未夠鐘先諗住落嚟消磨下時間打鋪機啫！

阿伯耷低頭, 望住支生力.

我：頭先唔覺意贏你幾鋪kof啫, 你老人家就唱成舊水追撚住我嚟打, 我都怕撚咗你自己過嚟打街霸啦, 你又跟埋過嚟做乜春喎...你返去嗰邊打kof啦, 嗰頭近你呀..

正當我一輪嘴依依哦哦嗰陣, 部機終於傳嚟You Win！嘅聲音, 我同阿伯望都唔使望就知我又贏咗, 正當我諗緊點樣勸阿伯離開嗰陣, 阿伯放低支生力, 猶豫咗幾秒之後,又放咗三個一蚊落部機到.

我：我屌你咩...阿伯你係咪暗戀我呀..

一直冇乜反應嘅阿伯突然好激動咁講咗句：啋、啋、啋..

我見阿伯終於應機, 決定入佢中、丫唔係, 係後路至啱：阿伯, 我有女朋友嘅, 不過如果你唔介意畀我屌屎眼嘅話呢, 我都可以間唔中搵時間屌下你嘅..

阿伯大大力咁拍落個製、揀咗ken：屌你咩！

我望住阿伯好淫賤咁笑咗一笑, 再用右手輕輕力摸一摸阿伯大髀：互屌丫不如？

阿伯見到我個死樣虎軀一震, 口震震咁問我：靚仔, 你唔係真係好呢味呀？

我喺選人畫面揀返我成隻街霸3唯一一個識用嘅人：你睇我打乜機都揀女人就知啦！

阿伯大大啖飲咗啖生力之後, 講咗句：該妹囉....
就起身雞咁腳走咗去.

我望住阿伯走到去機鋪另一個角落、坐底準備玩鹹濕麻雀, 諗緊好唔好過去繼續嚇鳩佢嗰陣, 部call機又再震過.

我望住部call機由自震震到圍住碌波棍公震, 諗咗諗就決定撳熄支煙, 起身行出機舖, 行入去機鋪附近一個電話亭、打返畀call我嗰條撚樣.

我：大佬豬, 做咩事呀？

大佬豬：屌你老母丫！call極唔撚覆！？喺邊撚到呀！

我：屌..頭先喺機舖打緊機,聽唔到呀.

大佬豬：屌你丫！問你喺邊呀！

我：慈雲山呀, 搵我做咩呀？

大佬豬：屌, 你冇啦啦去咗慈雲山做乜撚嘢呀！？

我：同屋企人約食飯呀..

大佬豬：屌！又話打機, 而家又食飯？開邊範呀你！？

我：約咗幾多人食飯, 但屋企人未到, 打陣機得唔得？

大佬豬：屌！你大佬有事呀仆街！仲同屋企人食飯？冇撚嘢呀你！？

我心諗我梗係知你有事啦仆街...：吓！？搞乜嘢呀大佬？

大佬豬：你有冇聽過豪仔佢哋嗰條撚樣過面呀？

我：吓？阿豪？過咩面呀？乜嚟㗎？

大佬豬：屌！你唔知定扮嘢呀！？

我：真係唔知喎, 聽都未聽過...

大佬豬：屌你老母, 上次叫你畀條女我屌你又耍鳩我、而家風又唔識收, 收著你呢啲仆街真係冇撚用..

我：......errr ......
心諗, 你唔係真係當我弱智呀話, 跟到你呢啲冇撚用嘅大佬我就真係仆街啦....不過貫徹我呢刻嘅人設, 我只能夠繼續詐傻扮懵, 戇鳩鳩咁問佢：大佬呀...咩...叫過面呀...

大佬豬：屌！你成班friend要跟第二個大佬呀！而家仲串撚到約我出嚟講數添呀！

我即刻扮到懶係驚呀咁話：吓！？咁大鑊？？

大佬豬：屌你老母...冇撚用㗎！你而家即刻同我過嚟旺角XX酒樓！屌你老母...一陣幫你班friend收屍啦！

我望住對面街角間XX酒樓, 繼續戇鳩鳩咁答佢：吓？XX酒樓？...um...未聽過喎, 我一陣到旺角之後問下人喺邊呀...

大佬豬：屌真係冇撚用..你老死泥鴨都係到, 我而家叫佢落地鐵站接你！

我心諗乜泥鴨原來係我老死咩？點解我自己都唔撚知嘅？

大佬豬可能見我唔出聲, 繼續發爛渣：屌你老母！你幾時過到嚟呀？

我望住對面間XX酒樓, 心諗快嘅五分鐘慢嘅可以好撚慢㗎...不過呢單嘢擺明就為你哋而設, 唔會埋門一腳三缺一咁戇鳩呀？就問佢：得泥鴨？大佬你條靚強哥呢？

大佬豬：屌你老母, 個撚個都喺到, 係爭你個仆街仔啫！

好囉好囉...既然人齊, 希望你班戇鳩仔乖乖地留喺上面唔好走嚟走去啦...：er....咁唔使叫泥鴨喇, 我實搵到嘅...大佬你多個人傍身好啲...我而家即刻坐巴士過嚟呀....

大佬豬：係咪痴撚線㗎！同你講大佬有事仲坐巴士？坐的士啦！

我：吓？冇錢喎大佬..

大佬豬：屌你老母...問你老母借啦！

我：哦....
既然大佬豬有事吹雞, 身為你條靚嘅我都冇得claim吓的士錢...咁大佬豬你都真係好撚有事..

大佬豬：屌你老味真係火都嚟, 搞掂呢壇嘢之後, 我唔理你落藥又好灌酒又好, 搞撚掂你條女帶佢上嚟畀我執番劑出個靚火！

我：一定一定...
心諗一定係啦戇鳩仔, 今晚你仲扯得起先算啦..

大佬豬：話時話, 你條女真係...咩名話？娃乜野..

我聽見佢提起我條女娃娃, 即刻轉話題：唔夠阿嫂...
心諗阿嫂襯你多啲, 你兩條中年道友攬住一齊死啦仆街..

大佬豬：屌, 條八婆我屌到厭曬啦！打飛機都唔撚益佢...記得今晚帶條女上嚟呀, 唔係打你老母臭化..

我：係係...
心諗叫我問老母借錢過嚟救你條仆街, 都仲要打我老母臭化..大佬豬份人真係呢...

大佬豬：屌你老母唔撚講呀, 你拿拿聲過嚟呀！遲撚到你就仆街！

我：得喇得喇...大佬你哋自己小心啲呀..
心諗小心啲保住條命仔呀, 一陣仲有排你受....

到大佬豬收線之後, 我行出電話亭、點著支煙之後喺另一邊褲袋掹咗隻蕉仔出嚟, 拉低個蓋打畀大佬豬口中嗰班仆街仔.

我：喂, 豬閪三條友上緊嚟呀.

輝：得啦, 呢到齊撚曬人等佢呀！

我：咁我報..丫...買份報紙十零分鐘之後浦頭..

輝：無啦啦買乜嘢報紙？

我：冇..突然想睇風月版..

輝：屌！Man哥廁所大撚把咸書啦！仲圖文並茂、印刷精美添...

我：e......個個上過佢屋企嘅都睇過曬, 好撚污糟囉唔該...

輝：屌...有得睇你咪又係睇..

我：屌....咁彩色印刷係冇咁傷眼嘅...

輝：屌.

我：唉..總知你班仆街等撚埋我先好開波呀...

輝：好難講喎呢啲嘢, 一陣佢哋自己傾到興起提早開波, 我哋都控制唔到㗎喎...

我：屌你班仆街...辛苦嘅我做曬,你班撚屌齋睇戲...

輝聽見我咁講, 就好奇咁問：吓？有幾辛苦呀你又？

我：er...冇冇..

輝：屌...總之我哋幫你傾好曬㗎啦, 你過面之後同我、德生一齊跟包哥..

我雖然一早知呢單嘢, 但因為某啲原因係又唔可以爆響口, 只能夠扮曬嘢咁答佢：吓？包哥仔？咁益我？阿豪同阿東呢？

輝：係呀, 我哋又唔係真係諗住出嚟行古惑過世,求其有個朵旁吓身姐, 阿豪嗰啲諗住黑社會係佢終生職業嚟㗎嘛, 硬係同佢阿哥一樣跟阿一哥囉..至於阿東...

我：係囉？阿東哥又會同阿豪一樣跟一哥咁搞笑嘅？

輝：um ....你當買魚搭條蔥啦...

我：er.......即刻我哋冇人跟alex姐？

輝：alex姐嗰條行動組嚟㗎, 關我哋鬼事咩！我哋呢啲擺到明part time黑社會嚟啦, 跟返包哥仔好正常丫..

我：丫屌..講起老翻..唔講住啦, 我趕住打電話做個好市民...

輝：吓！？無啦啦做乜嘢好市民？拿拿聲上嚟睇戲啦！

我：丫屌, 你咪理我呀, 一陣間見啦...

輝：快呀, 我見到嗰三條戇鳩出𨋢啦...嘩你睇佢哋個死人樣串撚到呢...

我：是撚但啦....

冇

你送埋個販毒、吸毒、仲有梅毒嘅畀佢,佢都唔要㗎啦

一開場就係過面、講數咁刺激

諗起乜講乜

留個名先

留名再睇

感謝樓主 希望長po長有 我發現我已經唔可以冇咗你
貓巴世一

gay test?

我愛我老婆, 有心、不了