[是咁的] 丫屌,我細個響朵條村搬鬼咗

樓主你幾時過加拿大呀

仲等緊呀, 不過過幾日就聖誕再加新年, 鬼佬應該唔會做嘢, 希望過完年有消息

又係，可能等到1月中啲友先番工

上次月頭大把時間都唔撚覆我到底張form填留咗乜嘢, 好似講多句都會突然暴斃咁.

而家鄰近放假, 佢會嘥時間理我？

老婆再次領養貓貓失敗

機構話如果一個人住想領養六個月以下嘅貓b,你份工唔可以離家超過六個鐘, 除非work from home

成班行到個巴士站發現除咗我哋五丁友之外得小貓三四隻, 唔知係咪因為呢個時間坐巴士嘅人唔算太多？因為上咗巴士之後一望,基本上成半架車都係空嘅.

又, 因為我哋呢行人五個入面四個都食煙, 自不然全部自動波衝上上層, 齊齊向車尾個方向移動過去, 準備人人霸過窗口位, 等開車之後食煙方便啲.

首先坐底係袋癬同癬妹, 不過當袋癬剛剛坐底係左邊嗰排、癬妹諗都唔諗就將個背囊掉佢阿哥隔離之後坐右去邊嗰排, 中間隔住條行同個背囊, 睇嚟佢兩兄妹真心friend...

之後到軍佬自己一個坐咗喺袋癬後面, 而為咗唔想食佢兩個嘅二手煙, 我選擇坐咗喺癬妹後面個行, 而娃娃亦都直接坐咗喺我後面.

當架巴士慢慢駛出裕民坊巴士站, 我哋確定咗再冇人會上上面呢層之後, 四個人同時拉開窗點著咗支煙..

食完煙無耐, 見大家坐到距離咁撚遠懶得移動自己個屎忽過去搵佢哋傾計, 窗外面個天又已經黑撚曬, 就諗住攬住自己個背囊恰一陣..

瞓瞓下突然feel到自己個背囊畀人拎起再打直放去我靠窗嗰隻腳上面, 嚇到即刻醒一醒, 心諗唔知係咪軍佬佢哋玩鳩我, 點知剛剛擘大眼, 就見到娃娃個頭瞓咗喺我大髀上面.

我望住成個人躺平咗嘅娃娃：ㄚ屌, 小姐你瞓得好似好爽咁喎..

娃娃連眼都懶得旭一下, 接答我：你都得㗎, 要唔要試下？

我：咁我去邊度搵多隻大髀？

娃娃：你仲有隻右腳㗎嘛, 試下囉..

我：人體奧妙展呀？

娃娃：唔試過又點知？

我：係得嘅我自含都得啦！

娃娃聽見即刻擘大眼望住我：自乜話！？

我畀佢望到有啲尷尬：er... 自...痕..自...己...拗痕...

娃娃：試下再兜遠d丫你不如？

我：冇啦, 炒咗車喇....
講完就好無奈咁拎支煙出嚟點著咗.

娃娃即刻擰歪面合埋眼：d煙灰咪跌落我度呀, 打柒你呀！

我用隻左手好輕力咁放喺佢對眼前上面：瞓你就瞓啦, 咁多嘢講...

娃娃：....到咗嗌我呀....

我：係係....

食完煙之後我望咗陣街又望咗陣娃娃, 到最後連我自己都瞓著埋...

..直到軍佬拍我先識醒.

落車之後發現發現新城市廣場入面啲超市果然冚撚曬, 唯有拿拿聲去7仔求其買定啲公仔麵同零食, 改成第二晚先燒嘢食.

買完嘢之後就去搭van仔上火炭平房區, 落車之後就沿著黃竹洋村徑, 一路吹水一路行上去我間祖屋.

行咗一陣, 因為年紀係我哋成班人入面最細、所以我哋就冇叫佢拎住任何嘢嘅癬妹忍唔住講（不過就算叫佢拎, 到最後應該都係袋癬硬食）：呢度真係黑到飛起喎, 條路啱唔啱㗎？

見全世界都停落嚟望住我, 我：吓？啱㗎喇...

軍佬：屌..成班人得你一個識路, 唔啱你都話啱㗎啦仆街！

我：屌你咩...

癬妹：要行幾耐呀？

我：um.....原住條馬路一直行, 過多陣會見到有個彎位間條溪間, 再之後會見到幾條分叉路, 每次都係keep住右邊嗰條....

袋癬：咁即係仲要行幾耐呀？

我：um....... 快嘅...八個字到囉....

成班人聽見, 除咗娃娃之外集體爆粗：嘩屌！你唔早講！？早知坐的士...

至於點解娃娃冇爆粗？唔係佢脾氣好, 只係因為佢一個人喺成隊最後面慢慢行同食緊煙..

又再行咗十零分鐘, 終於見到個彎位同埋嗰條溪間, 軍佬就話：長命路長命行, 抖陣先啦喂？
講完就自己一個人急跑咗過去馬路邊, 放低啲零食同個袋就坐咗上石壆, 順手點著咗支煙.

我見到除咗軍佬之外, 袋癬兩兄妹都齊齊衝過去準準備跳上石壆, 就即刻嗌過去：小心呀你哋！跌撚咗落去仆街死㗎！

軍佬聽見我咁講就呆一呆, 望下佢前面嘅地下, 用把懶係驚訝嘅聲答我：有啲咁嘅事！？睇嚟我骨質疏鬆...

我：屌, 你後面呀我講...

呢個時候剛剛好過到去嘅袋癬越過石壆耷低頭：嘩屌！
之後即刻拎過去同佢阿妹講：阿妹你唔好坐上嚟呀,攰就坐地下啦...

癬妹剛剛準備擒上石壆, 聽見就停低望住佢阿哥：吓？

袋癬：離遠黑媽媽睇唔到, 坐到上嚟先知呢呢個位離地成層樓咁高...

我行到過去放低個袋、拎咗支煙出嚟挨住個石壆：係呀, 小心坐呀你..

癬妹趷高個人望落去石壆嘅另一邊：但條路唔係沿住個山起嘅咩？點解無啦啦會有個咁嘅窿？

我：聽我阿爺講舊時呢度好似係個瀑布仔嚟嘅, 仲有個水池喺到, 後尾封咗上遊嗰邊咪變成而家咁嘅溪間囉...

癬妹：咁冇關係㗎, 照填佢咪係囉？

我：你哋望真啲？

呢個時候娃娃終於行到過嚟,聽見我咁講就同另外幾個人一齊望過去：有咩望呀？

我用眼尾睄一睄軍佬：望嗰閪仔呀...

娃娃：呢個閪仔？

軍佬：你就閪仔呀！

我：溪底呀屌...你兩個隻耳...

軍佬：佢有問題咋, 我攞牌㗎..

我：一定係啦 ..

癬妹第一次參加我哋嘅活動有啲唔明就問佢阿哥：點解佢攞牌？

袋癬：條仆街姓陳.

癬妹：er ....好似...唔係幾好笑咁....

軍佬：冇人叫你笑呀？

癬妹聽見就伸隻手去搖軍佬, 即刻嚇到佢鳩叫, 然後可能叫得大聲得滯附近開始傳嚟啲狗叫聲.

娃娃：收嗲啦軍佬, 夜媽媽嘈到班狗出嚟咬柒你就仆街....

軍佬：我想㗎咩！？佢.....咦？見到喇！！

癬妹可能以為軍佬見到班狗, 即刻停手閃去佢阿哥隔離, 袋癬亦都第一時間護住個妹四圍望.

我見到袋癬咁樣即刻感觸良多, 雖然平時條友縮骨又口臭, 但係個妹面前都叫似個阿哥, 心諗如果我哥喺到, 佢應該第一時間踢我出去餵狗然後自己走..

正當娃娃都諗住轉身嗰陣我伸手拉一拉佢：放心啦,冇嘢嘅..

娃娃用眼神問咗句：你肯定？

我：呢個位附近啲狗全部鎖住曬喺閘入面出唔到嚟, 但....再上啲就難講.
不過為咗費事嚇親佢哋, 我最尾嗰句講得特別細聲.

一聽見我話冇狗, 癬妹即刻準備再次去攻擊頭先嚇親佢嘅軍佬. 軍佬見到咁亦都即刻跳返落地下, 避開咗癬妹嘅攻擊.

娃娃：咁軍佬你頭先見到啲咩呀？

軍佬笑得好仆街咁講：我見到個閪仔碌鳩一柱..

我雖然知佢講乜, 但聽到軍佬咁樣形容總係覺得有啲過份, 即刻喝住佢：喂！軍佬收嗲啦！

軍佬好似唔識死, 仲繼續笑住咁講：咁佢真係一柱擎天ㄚ嘛！

我見阻止唔到佢, 唯有嘆咗口氣：唉...一陣有咩事搵陳軍佬好啦, 唔好搵錯隔離...

軍佬聽見我咁講即刻屌過嚟：夜媽媽使唔使響全名呀C叔？！

娃娃突然舉起手指指住溪間個底：咦？好似有舊長方柱體嘅嘢喺度...？..

其他人見到咁亦都擰過去望吓, 冇人再理軍佬.

娃娃拍一拍我：無啦啦有舊咁嘅嘢喺度嘅？咩嚟㗎嗰舊？

我：um....冇記錯好似叫石敢當？

娃娃聽見就好愕然咁望咗軍路一眼, 癬妹就問：吓？乜嚟㗎？

我：..類似....用嚟擋煞闢邪嗰啲嘢囉...

軍佬聽見我咁講就話：咪呃鳩我喎靚仔, 石敢當通常都係地面㗎喎, 未見過喺個閪仔..

娃娃聽就即刻打斷佢：收吓把口啦陳軍佬..

軍佬：喂屌, 使唔使又再響多次全名呀娃娃姐！？信唔信我爆你響口喇！

娃娃即刻用好古惑嘅眼神望住佢：你知我全名咩陳軍佬？

軍佬聽見即時呆撚咗喺度：er......

可能癬妹聽見我哋成日喺度提起全名,就問佢阿哥：乜你哋唔講得全名嘅咩？

袋癬：冇呀, 我哋平時成日出camp去啲荒山野嶺嘅地方, 唔好話夜晚, 連日頭我哋慣咗唔講全名費事奶嘢..

癬妹：哦~好似話阿媽話咩農曆七月早啲返屋企嗰啲咁嘅嘢呀？

袋癬：咪嗰啲嘢囉...

軍佬：喂, C叔你未答我點解無啦啦喺個溪底有個咁嘅嘢喺度喎？

我剛剛準備點著支煙, 聽見軍佬咁講, 就點著支煙吸咗啖之後指一指個溪澗話：舊時成日浸死人㗎呢到...

軍佬：吓？？淺到洗腳水咁喎？咁都浸得死？舊時啲細路好矮㗎？

正當我想開口屌柒佢嗰陣, 娃娃已經代我發聲：屌..收嗲啦你....

我見係咁就吸多啖煙, 先再答：um...頭先咪話咗舊時啲都係個瀑布嚟㗎嘛, 嗰陣時好多住附近啲細路會落去玩水, 後尾試過幾次落大雨嗰陣都山洪暴發浸死細路, 有啲唔好彩嘅直頭唔知沖咗去邊搵唔返, 所以咪封鬼咗上游, 得返而家呢條溪澗囉..

大家聽完我解釋都靜咗唔出聲, 淨係齊齊望住軍佬.

連軍佬自己都唔敢講嘢, 靜咗幾秒之後急急腳行過嚟拎返起個袋：行啦, 唔係今晚喺度紮營瞓.
然後自己一個帶頭繼續上山.

見係咁大家唯有各自拎返起行裝齊齊出發, 不過今次唔同剛剛落車嗰陣, 大家都靜咗好多, 沿途淨係得我哋嘅腳步聲同埋膠袋嗰啲si si聲, 同間唔中唔知邊到傳嚟嘅狗叫聲.

又行咗陣, 娃娃開始放慢腳步向我靠過嚟, 細細聲問咗句：頭先你咪話啲狗鎖曬喺閘入面嘅？

我：係丫.

娃娃：點解你咁肯定嘅？

我冇出聲, 淨係用眼尾望咗望個頭先溪間嗰個方向.

娃娃：乜唔係好耐之前嘅事嚟㗎咩？

我：係呀, 不過我阿爺移民之前聽佢講過, 嗰到咁多年嚟耐唔耐就會有啲貓貓狗狗或者小動物無啦啦浸死喺嗰到...

娃娃：er.... 咁嗰塊咩石當...

我諗咗諗先答佢：可能...塊野淨係對人有用啩？

娃娃：咁都好啲...

我：做咩呀？

娃娃雖然答我：冇...
但佢同時望一望行喺最頭嘅軍佬.

我：um.. 冇事嘅冇事嘅...

然後我哋兩個一人點著一支煙, 望住畀我哋響咗幾次全名嘅軍佬默哀咗幾秒, 之後繼續行上山.

三個人入面得你一個有女重要喺人地面前係咁放閃

有咩？好似全部都係背住其他人發生

happy new year!
希望新一年人人都遇到自己嘅Z















or K...

To 小c子&各位
Happy new year

千辛萬苦行咗差唔多30分鐘、停咗無數次嘅食煙break之後, 我哋終於行到咗我間祖屋.

因為間屋本身嘅位置應該係一個山坡嚟, 當年起屋嗰陣佢哋剷平咗一大忽用嚟起屋同花園, 可能結構關係, 間屋所在嘅平台距離馬路差唔多有12米高.

所以要先喺馬路旁行幾條U字形嘅石級上到大門鐵閘, 解鎖之後又再行多次另一條Z字形石級先叫真正上到去間屋所在嘅平台.

本身成條山路距離勁遠先有一陣街燈已經夠黑, 而家加埋本身附近啲樹嘅陰影, 上到去鐵閘嗰到真係黑到伸手不見五指咁濟, 淨係隱約見到把鎖嘅位置.

記得細過嚟玩嗰陣, 鐵閘上面係有盞長著嘅平安燈, 不過可能太耐冇人住嘅關係, 所以盞燈壞撚咗都冇人理.

當我係一片黑媽媽嘅情況下同嗰種舊式大鎖頭搏鬥, 好似處男第一次下海插極都插唔入個窿嗰陣, 上面突然傳嚟一大班狗吠聲.

癬妹聽到就問：er......好似...好多狗吠咁嘅？

娃娃：癬妹你怕狗？

癬妹：咁又唔係, 不過有定個心理準備咁啫...

袋癬：上面養咗幾多隻呀？

我諗咗諗：um..聽講得兩隻咋...

軍佬突然打斷我：C叔你嚟爆格定點呀？係咪呢間屋㗎？咁耐都開唔到嘅！？

我：屌...好黑呀個窿..

袋癬：邊個窿好黑呀！？

軍佬：你個窿好黑關我鬼事呀？

我：呢個窿呀屌！
我指一指道門個鎖.

袋癬望咗一眼：屌你早講丫, 我有電筒呀..
講完就喺背囊掹咗個平時我哋HKSCC出trip嗰陣會用到嘅軍用電筒出嚟.

我望住袋癬：頂ㄚ, 仆街仔你唔早啲拎出嚟？

袋癬：你唔撚早啲同我講？

我：er....

袋癬：做咩呀？

我：咩做咩呀？

袋癬： 你望住我做咩呀？

我：吓！？

袋癬：你要呀？

我：......