[是咁的] 丫屌,我細個響朵條村搬鬼咗

入到老麥望咗兩眼都見唔到兩條粉腸, 心諗明明軍佬同袋癬一個住樂富、一個住黃大仙, 都仲可以遲過個住長沙灣嘅, 真係屌佢老母..

見班仆街未到, 唯有搵個位坐低食支煙, 聽下附近啲阿伯一路飲酒食雞腳一路講馬經, 聽聽下開始有啲口痕.

雖然諗起之後要請兩條僕街食飯就頭痛, 但慳慳埋埋幾個星期, 連晏晝都唔敢同班friend過秘道食lunch, 淨係一支公喺學校拍福字麵, 諗咗就決定過去叫個雞慰勞下自己.

排咗陣終於到我：一個麥香雞包唔該.

收銀姐姐：淨包定要餐？

我聽見收緊姐姐咁問就心諗, 其實我都唔算太肚餓, 反正今晚入到去都會燒嘢食, 只係呢刻口痕想搵啲嘢咬下, 平平地買個包得啦：淨..

突然有把聲喺我背後同我講：要餐、加大、可樂少冰.

因為背後把聲好熟, 我諗都冇諗就下意識將聽到嘅嘢同收銀嗰姐姐講, 然後嗰把聲又喺我背後同我講：加多個魚柳包走芝士.

我：哦...

背後把聲：你哦我冇用㗎, 叫啦.

我：加多個魚柳包走芝士...

背後把聲又再講：三包茄汁兩包糖.

我：er.. 三...包茄汁兩包糖... 唔該.

當收銀姐姐啤咗我一眼, 之後好唔耐煩複述完我個order同收完錢之後, 我先擰轉面望住喺我背後趁機搭單條友.

ㄚ, 係條女先啱..

我：咦？乜咁啱呀你又？喺度搞咩呀？

娃娃懶洋洋咁答我：有人約去camp吖嘛~

我：吓？？咁搞笑？同邊個去呀？

娃娃畀咗個冇眼睇嘅表情我, 之後就行咗去等攞餐.

我望住孭住個背囊嘅娃娃, 第一個反應竟然係諗緊：ㄚ屌！？同人哋去都唔同我去？？邊個仆街截我糊？

再過咗幾秒先意識到嗰條仆街應該係指我自己..

然後, 我第二個反應唔係諗：好嘢！娃娃陪我入camp！
而係：....好嘢！唔使請食飯！..

唉...窮人真折墮...

等緊攞餐嗰陣我就問娃娃：淨係嗌魚柳包, 你夠食㗎啦？

娃娃：你咪嗌咗加大薯條囉.

我：哦...

當攞完餐返埋位, 娃娃已經極速將三包茄汁唧曬落去個盤度, 然之後再倒兩包糖, 再揀咗條硬淨嘅薯條喺度搞下搞下搞.

我：肥死你呀仆街...

娃娃：信我啦, 咁樣溝埋先好食ㄚ嘛...

我：係咪㗎？

娃娃：靜靜地同你講, 薯條插sundae仲好食呀！

我：吓屌！？..... 聽落有啲嘔心咁喎...

娃娃望住嗰pat嘢好滿意咁, 都話咗你都唔識㗎啦....
然後將頭先用嚟搞嘢嗰條薯條對嚟我面前：試下啦.

我：哦..
有女餵到埋口, 作為男人我梗係食㗎.

娃娃望住我好得戚咁話：點呀？係咪冇呃鳩你呀？

我：丫屌, 咁溝埋又真係幾好食, 咬落去酸酸甜甜仲有啲格格聲...

娃娃：係咪正先？

正當我諗住答佢嗰陣, 後面傳嚟袋癬把聲：有乜正嘢唔預我？

我諗都冇諗就答條撚樣：有正嘢唔預你先係正常喎？

袋癬：ㄚ屌..
放低個背囊喺我隔離個空位, 之後再講：呢呢個仆街就係C叔, 對面嗰位靚女叫娃娃.

正當我奇怪點解佢無啦啦要做介紹嗰陣,坐我對面嘅娃娃望住我背後笑咗一笑：你好呀, 點稱呼？

我見到咁擺到明後面仲有多個唔識嘅人,就擰住面望下, 有個帶住眼鏡嘅女仔企咗喺袋癬隔離.

袋癬：你哋話要女呀嘛！我咪帶條女嚟囉！

我：吓？你女友？收得咁埋？

娃娃：點稱呼呀？

帶住眼鏡個女仔剛剛擺低個背囊, 突然露出極度厭惡嘅表情望住袋癬：咪聽佢亂講呀, 我係佢個妹嚟咋！

袋癬：妹唔係女呀？！你變性㗎！

癬妹：仆街ㄚ？你求我嗰陣就喊曬口跪曬地, 而家到咗就扮曬嘢！？信唔信我即走ㄚ啦？！
講完就拎返起個背囊.

袋癬：er..... 咁又唔好...

癬妹：你孭呀！
順手將成個背囊隊咗埋去袋癬到.

袋癬：哦...

望住袋癬成隻鵪鶉咁攬住佢個妹個背囊, 我同娃娃都忍唔住偷笑.

不過笑還笑,, 我望一望錶：喂屌, 又話約七點？而家都差唔多七點半, 軍佬個仆街嚟未㗎！

袋癬：係喎, 一間入到去超市閂鬼曬, 今晚冇嘢燒就大鑊...

娃娃：咁...不如而家買定先？

癬妹：過少少有間惠康, 不過又廢又貴. 要平就行返過去玉蓮臺嗰間好啲.

娃娃：吓？乜咁嘅咩？

癬妹：係呀, 我讀基智㗎嘛, 呢到我地頭.

袋癬：人哋就讀基智, 你讀嗰間叫弱智呀...

癬妹：屌.
揼咗袋癬幾下之後：不過又唔係遠嘅, 行十零分鐘啫..

娃娃：咁都okㄚ, 如果等多陣軍佬條仆街再唔蒲..

娃娃句嘢都未講完, 著住白色t卹嘅軍佬突然喺唔知邊度彈出嚟：咩唔蒲頭呀！？娃娃姐開到口我即到！

娃娃同我望咗一眼軍佬, 之後同時開口, 不過講嘅嘢唔同.

娃娃：我一直食緊薯條把口都冇收過, 又唔見你早啲出現？

我：肯出現喇咩？成村人等你喎？

軍佬先望一望我：你成條村得四丁友, 等下無壞嘅..
然後再轉向娃娃：咁你冇叫我個名呀嘛, 我一直坐喺到等你叫名㗎..

娃娃再次同我同時開口, 不過今次講嘅嘢一樣：屌ㄚ...

袋癬：軍佬你唔好講咁多嘢住, 女呢！？又話人人帶條女嘅？？

軍佬：er...女...呢家嘢...呢...
講完就懶係得戚咁望一望一位坐喺我哋附近張枱嘅女仔.

當我哋成班下意識一齊擰過去望住個女仔諗住等軍佬介紹嗰陣, 軍佬有啲唔係幾好意思咁講咗句：梗係喺個背囊到啦, 有齊德國意大利同日本妹添！有冇興趣齊齊入廁所除褲同軸心國班囡囡打返鋪？

四位村民聽見忍唔住講一齊講咗句：屌！~~

癬妹再次露出極度厭惡嘅表情望住軍佬：阿哥, 乜你啲朋友咁樣嘅？冇咩事我都係返屋企先....

袋癬第一時間拉住個妹：阿妹你唔好走住...
之後伸隻手去拍軍嗰個右邊心口：我連個妹都拖埋落水, 你唔撚係縮吓話？？

軍佬扮曬嘢咁攞隻手去格擋：ha! ha!咁我冇妹呀嘛..

袋癬：咁帶你老母囉！

軍佬：做咩提老母！？

突然一條hi滿茄汁嘅薯條喺我面前飛過, 喺毫無預警之下突破咗軍佬嘅防禦網, 直接飛向佢左邊心口.

霎時間全世界淨咗落嚟, 齊齊望住可能因為條薯條有茄汁嘅關係、somehow冇反彈跌落地不特止, 仲反地心吸力、生勾勾咁黐住軍佬左邊心口吊吊揈.

隔咗幾秒軍佬反應過嚟：嘩屌冇見幾個禮拜, C叔你條女變到咁撚污糟嘅？？

聽見軍佬咁講, 我同娃娃同時呆一呆, 我個心仲即刻有少少囉囉攣, 如果娃娃大大聲唔認係我條女我咪柒爆！？尤其係當我見到連娃娃都呆一呆嗰陣..

正當我諗緊點兜嗰陣, 又一條有茄汁嘅薯條喺我面前飛過.

軍佬望住有兩條薯條黐咗喺佢左邊心口吊吊揈：喂娃娃你仲嚟！？

娃娃回復返佢懶洋洋嘅聲線：請~你食㗎~多謝我啦~

軍佬好無奈咁係心口拎咗一條薯條出嚟擺落口：乜咁多謝呀....咦？個茄汁又幾好味喎...

娃娃：夠唔夠？我仲有呀？
拎住條薯條hi咗一大pat茄汁、對住軍佬fing咗fing.

軍佬即刻耍手兼擰頭：夠夠夠...飽曬..娃娃姐有心..

娃娃：你咁大隻, 得兩條薯條邊飽呀？

當我望住第三條薯條喺我面前飛過、又黐咗喺軍佬左邊心口之後, 我即刻開口叫停娃娃：冷靜啲冷靜啲、停停先...

娃娃拎住條薯條啤咗我一眼：做咩呀？你又肚餓呀？

我：er....唔係呀, 我想話小姐你可唔可以掉歪少少, 你下下都掉咁準, 我驚今晚啲蟻擔走佢粒lin聽朝起身要幫佢搵...

娃娃：我想㗎？係佢粒lin想食薯條咋嘛..鬼叫佢自己平時唔畀飽飯粒lin食？再嘈我掉埋佢右邊嗰粒添呀！一次過唔見曬兩粒咪唔覺囉！
講完仲若無其事咁放咗條薯條入口、之後攞起我杯汽水飲.

淨返我、袋癬同癬妹齊齊望住軍佬左邊心口件tee因為黐滿曬茄汁嘅關係, 粒lin若隱若現, 只能一路忍笑一路深表同情...

大師識d女都好有性格好玩得

最有性格同時亦最玩得(佢玩鳩你就得)嗰個應該係降頭C

無聊望咗眼部steam deck oled個價錢, 澳洲買512版足夠係香港買部1Tb版再用DHL 2日特快寄到過嚟澳洲屋企, 都仲有千零蚊港紙淨

咁最尾買咗香港版定澳洲版？

K

K最正
想俾k強姦
J篇文都唔知j咗幾多次
成日幻想k同我講「咁你快啲射晒出嚟咪得囉！（咁你下次喺佢醒之前射出嚟咪得囉！）」

想問問點解佢要叫做降頭’C’？

我知點解佢叫降頭，但點解係C？

你唔記得咗我啲人名嘅標準係咩嚟嘅？

兩邊都冇保養, 所以兩邊都唔買

不如介紹泰妹畀你識？

ARC嗰封? 交咗lu

前傳無用英文字母就知道果陣樓主年少無知好純情
大個知道身材好緊要就即刻全部係英文字
所以一定係跟cup 數

你諗多咗.

我而家不知幾懷念用英文單字做名嘅加拿大篇, 寫少勁多隻字

我鍾情於K