[是咁的] 丫屌,我細個響朵條村搬鬼咗

牽涉一樣加拿大好出名嘅嘢

楓葉同講法文嘅魁北克

wrong hole

同Z喺糖水舖hea咗一輪, 期間許留山老闆娘過嚟搭訕, 話題當然理唔開頭先嗰位潮到出水嘅螢光燈阿差, 佢哋聽見到笑到仆街.

到埋完單行出門口, 我點著支煙吸咗啖之後遞畀Z：去邊呀？

Z接咗之後亦都吸一啖：你唔係話過我到瞓咩？

我：咁鬼遠, 返我到算啦~

Btw, 呢單野發生嘅時間係喺Z搬咗去highway 7嗰邊、即係Z遇到扑頭bouquet之後.

Z：都得, 反正聽朝我又冇嘢搞...不如瞓醒過market食埋早餐先車我返去囉？

我：嘩屌, 咁撚多要求嘅你？

Z：再唔係你車我返屋企、聽朝再嚟接我過去食囉？

我：乜..安排得咁週到呀...

Z：咁點ㄚ？
啤咗一眼, 遞返支煙畀我.

我吸咗啖煙之後諗咗諗, 答佢：um...聽朝嗰餐..

Z：AA呀..

我：哦, 咁又唔同講法...

Z：妖...行啦..
大大力踢咗我屎忽一野之後, 向我泊車個方向行過去.

我：ㄚ屌, 下次抽水畀貼士ㄚ唔該...

上咗車之後因為時間嘅關係, 我當然諗都唔諗就行返老屎忽嗰條路, 經First Markham後門出rodick再穿過寫字樓區嘅clegg, 最後出返warden.

剛剛駛入咗clegg 唔夠十秒, Z突然大嗌：喂喂喂！！你睇下嗰邊！！

我：我屌, 你又嚟！？

Z：唔係呀, 望下先啦！

我：今次咩色頭巾呀？

Z：好撚得意呀！

我：吓！？得意？？阿差好得意？？？

Z：你就阿差！快啲望吓啦！！

我見佢Z曬枱咁指住叫我望,0唯有減慢車速再望過去, 睇下發生乜撚嘢事.

ㄚ屌.

Z：係咪得意先？

我：er....... 係...？

Z：咁敷衍嘅你？

我：我唔係好知個得意位喺邊囉....

Z：夜媽媽兩隻嘢拍住拖行街喎！仲唔得意？

我：er.... 咁...佢哋日頭都會戇鳩鳩咁行嚟行去㗎啦, 又唔見你話得意.....

Z：都話重點係夜晚囉！
Z用凌厲嘅眼神啤咗我一眼, 之後再望住個車外面：唔知佢哋係咪啱啱食完宵夜出嚟散步呢？

我：er..... 唔知點解我諗起佢哋餐宵夜, 我突然想嘔...

Z：妖..你條友真係.....

我：仆街呀, 我下次挖啲返嚟請你食...

Z：蛋白質呢家嘢...
Z停咗幾秒、有意無意感啤一啤我褲浪之後再講：你需要多過我..

我：ㄚ屌..

Z：你都冇嚟情調嘅, 佢哋勁sweet囉唔該！

我：吓？你食過？好少聽見係甜㗎喎...

Z ：妖！

雖然我對呢樣嘢興趣不大, 但既然Z開心, 我就將架車越駛越慢、接近停咗咁慢慢流過去畀佢望多兩眼, 順便打開窗點著支煙.

Z：喂喂！佢哋突然企定定唔旭, 好似見到我哋喎？

我：咁乸大盞車頭燈射住佢哋, 你真係當佢盲㗎咩...

Z：又好似...嘩！真係行過嚟啦！！巧得意ㄚ！！！

唔知點解有一瞬間我有種不祥嘅預感, 但係又唔知問題係邊, 只能夠泊定架車、眼光光咁望住嗰兩隻嘢行過嚟.

當佢哋越靠越近, 開始連Z覺得有啲唔對路, 細細聲問我：喂...乜隻鴨咁大隻嘅？？

我：你就鴨, 嗰隻鵝嚟㗎你老母..

Z：我點做鴨呀, 係都你做啦...

我：仆街ㄚ..咁你記得到時嚟幫襯...

Z：有冇 coupon？

我：啤..

Z：不過平時咁大隻嗰啲唔係白色嘅咩？？

我：你話佢哋食完宵夜ㄚ嘛, 食得多咪肥囉...

Z：又好似好有道理咁喎...

然後我繼續戇鳩鳩食住煙, 聽住Z係隔離不斷喺度話好得意呀好得意呀咁..

但當其中一隻鵝行到去我車前面突然舉起對翼鳩叫、仲開始啄鳩我車頭, 而另一隻企係後面好似陰陰嘴笑嗰陣, 我終於醒起唔對路嘅地方係邊.

因為..
嗰兩隻唔係一般嘅鵝..

而係...
出撚咗名亂鳩咁嚟嘅..
Canada goose.

一般人認知嘅Canada goose



加拿大人認知嘅Canada goose

鵝d攻擊性好強，玩過Untitled Goose Game就知

屌你老母等咗三個星期終於收到immigration封email, 單入面淨係得一句：
Please complete the form(s) to the best of your ability.

填漏咗啲咩你咪同我講囉, 講多個字係咪會突然暴斃死撚咗呀

我同老婆睇完一大輪都搵唔到嘅咩地方係填漏, 張form(s)半數嘅地方都係灰色唔畀填, 淨低可以填而我又冇填嘅, 好似嗰啲咩fax number/加拿大僱主etc, 我都冇, 點撚樣填！？

填 “N/A”

佢冇呢個choice

要用返佢個pdf file嚟填, 但電話（ios/android）/tablet /chrome 都開唔到, 一定要用電腦+adobe

我老死cbc黎，佢講起啲鵝惡過狗，我問點解唔反擊，佢話受保護

雖然我架車唔係啲咩靚車, 但畀隻鵝咁啄發都唔係辦法, 為有拿拿聲入後波向後褪.

點知嗰隻冚家剷鵝可能覺得自己贏撚咗, 繼續耀武揚威咁拍曬翼追鳩住我架車, 而佢條女（？）見到條仔（？）咁撚英連架車都嚇到走埋, 竟然開始一齊追撚住我架車.

Z見到我褪車仲笑住講：喂佢追鳩你喎？

我：好明顯啦！！你當我盲㗎咩！！！

始終係夜晚嘅關係、而我全部focus又係曬車頭嗰兩隻鵝, 所以我都唔敢褪得咁快, 只能入後波慢慢向後褪, 希望嗰兩隻畜生見好就收.

可惜可能機會難逢, 嗰兩隻嘢真係追撚咗我半條街, 期間仲不斷發出啲好似二姑二姑咁嘅聲.

Z：嘩好搞笑呀佢把聲！！勁似細個玩嗰啲充氣喇叭！

我聽見Z咁講先醒起：喂, 不如試下響horn, 睇下嚇唔行得佢哋走囉？

Z：吓？無啦啦做乜嚇鳩佢哋？

我：吓？？佢啄鳩我架車喎！？

Z：車咋嘛, 好心你身外物嘅嘢唔好睇得咁緊啦..
講完仲拍拍我隻手.

雖然我完全明白佢意思係要我遞支煙畀佢, 但我完全冇睬佢, Z見拍咗幾下都冇反應, 就擰過嚟問：喂？

我：做咩呀又？

Z：煙呀~你冇理由get唔到㗎?

我：我get到ㄚ.

Z：作死你呀？get到都唔畀？小..

喺Z成功講完個三個字之前我拿拿聲打斷佢：又係你話身外物ㄚ嘛？咁緊張做乜？

Z好得戚咁答我：吸咗入肺就變咗身內物㗎啦！

我諗咗諗覺得又好似真係有啲道理,唯有死死地氣講句：ㄚ屌...
之後遞支煙畀佢.

Z：老細, 火呀...

正當我想試多次：火乜啫, 身外..

Z今次no BS咁直接收我皮：小C子！

我再次柒多次之後, 戇鳩鳩咁遞個打火機畀佢：哦...

Z：乖.

不過我又點會咁容易放棄, 趁住Z準備點火吸第一口煙個一下,我拿拿聲大大力撳落去個horn到, 隨住連續兩下超長同大聲嘅砵砵聲響起, 嗰兩隻鵝果然停底仲呆咗喺度望住我.

Z即刻畀支煙濁親, 咳住咁講：嚇死人咩！？

正當我以為姦計得逞、用一副你識條春咩嘅眼神望住Z嗰陣, 嗰兩隻鵝突然癲撚咗咁鳩叫, 之後齊齊擘大對翼衝過嚟.

Z一路咳一路笑住講：係咪呢？姐姐一早提咗你㗎啦, 奶嘢喇而家..

我：ㄚ屌
見唔對路唯有繼續向後褪..

但好死唔死有個垃圾桶竟然放咗喺路邊, 雖然平時冇乜所謂扭一扭避得開, 但呢刻我冇時間扭軚, 唯有即dup停架車.

Z望咗我一眼：搞咩呀你又？
再用支煙指一指對鵝：追到上嚟喇喎？

我：我想㗎咩, 你望下後面？

Z聽見我咁講就擰轉面望一望：ㄚ...恭喜你今次....

我：多謝喎...

我望住嗰兩隻鵝一路鳩叫一路越行越近, 最後其中囡囡（應該係啩？見佢望落細隻啲）企定定咗喺我車頭面前唔旭, 而隻公鵝（原理同上, 呢隻大隻啲呀嘛）開始沿住車頭向我呢邊洗行過嚟.

一開始見到佢哋兩個已經覺得好大隻, 而家見個行近先發現佢個頭直頭高過我架車side mirror個高度.

Z好興奮咁話：嘩！真係好乸大隻喎, 唔知食咩大嘅呢？

雖然我都有相同嘅疑問, 但畀起諗答案, 呢刻更加重要嘅一件事要做, 即刻伸隻手去我個位嘅左下角.

Z見我突然成個人瞓低, 忍唔住問：搞咩叫你？眼瞓呀？

我冇出聲, 淨係用手指指一指架車出面.

Z吸咗啖煙之後用有啲恥笑嘅語氣望住我講：使唔使驚到咁呀？

但Z笑咗唔夠幾秒, 連佢都呆撚咗：er... 小...

喺Z角度見到啲乜我唔知, 但係我角度我淨係見到隻鵝嘴已經伸咗入我架車.

我細細聲答佢：靜....

Z：我都想㗎, 但佢啤住我喎....

我：咁佢有冇嘢想講？有冇話要啲乜？

Z：唔多覺有...

我：你要唔要問下佢？

Z猶疑咗幾秒之後：...鴨？

我：屌你老母鵝嚟㗎喇都話！

Z：呀呀sor....um.......鵝？
等咗幾秒都冇反應就擰過嚟望住我：佢唔答我喎？

我：屌....你畀啲誠意再問下？可能佢怕醜呢？

Z：um...鵝鵝？

又等咗幾秒, 我淨係見到個嘴喺我個車窗旭下旭下, Z：都係唔睬我喎？

我：er....

呢個時候突然隻鵝又開始鳩叫, 跟住Z突然轉身掉咗支煙出車外、之後拉低張凳瞓低咗, 見到咁我唔使佢講我都估到發生咩事.

果然唔夠十幾秒, 我見到另一隻鵝嘴係Z嗰邊隻車窗到出現：屌....

我同Z兩個戇鳩鳩咁一人望住一隻鵝嘴喺我隻窗邊度卡下卡下, 完全唔知有啲咩可以做.

Z伸隻手過嚟篤一篤我：不如...

我：今晚喺度瞓？

Z：唔係呀, 你咪拍咗去p波嘅？

我：係ㄚ.

Z：你不如試下拍去n波慢慢流過去嚇走佢哋？

我：嘩！好聰明呀你！

Z聽得出我寸夠佢, 勁大力咁一嘢篤落去我到.

我：咁大力睇住斷呀你隻手指！

Z：超..
講完改成搣鳩我.

我：喂屌！我揼得就揼咗啦, 使搞到咁嘅田地...

Z：吓？點解呀？

我：你記唔記得嗰兩隻咩嚟㗎？

Z：你話咩.... Canada.. goose ㄚ嘛？

我：咪係囉, 你有冇牌呀？

Z：咩牌呀？車牌？有呀.

我：屌, 狩獵牌呀！

Z：吓？？要嚟托呀？

我：嗰兩隻嘢唔殺得㗎, 撞傷都唔得, 犯法㗎！

Z：有冇咁嚴重呀？

我：冇嘅我一早撞撚死佢啦！

Z：oh....

又等咗陣我突然醒起一樣嘢, 之後偷偷地伸隻手過去車門扶手位, 撳閂窗個掣.

果然隨住隻窗慢慢升起, 隻鵝嘴亦都慢慢畀隻窗頂返出去, 直到成隻窗閂曬為隻傻鵝不斷喺度二姑二姑.

Z：咦？ok喎！等我都...！？喂？點解我隻窗閂唔到嘅？

我好休閒咁坐返起身、順便拉返直將凳：係ㄚ, 我lock鳩咗你嗰隻.

Z：屌呀！？

我：你話得意呀嘛！？畀你親近下囉！

Z：我頂...

我：嘩, 成班friend去曬你嗰邊喎, 開唔開心？

Z望住佢嗰邊窗凸咗兩隻鵝嘴入嚟, 一路用隻手打我一路講：實開㗎、實開㗎..

我一路避一路講：試下逗下佢下巴？

Z突然一巴升上我個頭到, 但角度問題佢只係拍中我膊頭：我逗你下巴呀！

我：膊頭嚟㗎嗰個？你係咪唔識分呀？

Z無理我串鳩佢、仲直接搶咗我隻右手：我手都咬斷你...

我：得得得..冷靜冷靜...

Z：我就係冷靜先諗住咬斷你隻手.

我：屌...

Z：快啲閂窗啦！

我：唔係呀, 我特登㗎...

Z：估唔到養到我隻小獅子咁大隻竟然英年早逝...

我：噏乜呀你有！？

Z：睇嚟出年今日就係我隻小c子嘅忌日...
講完就擘大個口準備咬落我隻手度.

我：屌！而家過曬你到我咪拿拿聲開車走囉！

Z：但佢個嘴喺架車入面喎？

我：吓？咁又點呀？

Z：你頭先唔係話唔撞得㗎咩？

我：屌..hi花個嘴啫, 聽日個藥房買啲藥唇膏畀佢啦..

Z：啤...

我：你而家細細力開一開到門, 之後即得閂返, 我就揼油走.

Z：吓？閂窗咪得囉做咩要開門？

我：我驚碌鳩到佢隻腳....

Z：啤........

我：咪啤住先啦, ready呀, 因間我數1、2..

Z：3！
Z未等我講解完突然勁大力咁推開咗道門, 之後嘭嘭兩聲見到兩隻鵝直頭畀佢撞到彈走咗, 仲發出啲怪叫聲.

Z見我呆撚咗, 擰過嚟望住我大叫：仲望！？走啦！

我見到咁講咗句：我屌..
之後拿拿聲揼油走, 同時架車不斷發出咇咇咇嘅叫聲.

Z：喂你道門未閂實呀！

我：仆街！又係你叫我走嘅！

Z：點諗到你突然咁聽我話嘅啫！！

我：丫屌...不過是撚旦啦, 你有攬安全帶㗎嘛！

Z：係啫, 你畀我閂埋到門先好喎？

我：追緊上嚟喇仆街！！

Z：吓！？
即刻擰轉頭望一望：嘩屌！？原來曉飛㗎！？

我：唔係對翼攞嚟做咩呀！肚餓嗰陣bbq呀！？