[是咁的] 丫屌,我細個響朵條村搬鬼咗

娃娃：屌, 你睇夠未呀！？
講完就用隻腳踢一踢我.

我即刻執起兩本書企返起身, 隨手放咗喺馬桶個水箱上面：見有咪望兩眼啫...
心諗等沖涼嗰陣先慢慢睇..

娃娃：我意思係個地下乾㗎喎..

我：吓？地下乾有咩..咦？係喎, 軍佬唔係沖涼咩？個廁所乾到咁嘅？

娃娃：咪係囉, 又唔沖涼入嚟搞咩？

我指一指嗰兩本書：er...打飛機囉..

娃娃：丫屌. 嗰兩本咸書係我攝入嚟㗎嘛...

我：咁佢之前喺廁所搞咩呀？

娃娃畀咗個冇眼睇嘅表情我, 好似話講咗咁撚耐你先明我講乜咁, 然之後轉身開始刷牙.

我雖然覺得係可以屙吓屎嘅, 不過見有位入都行返出廁所嗌過去：喂！軍佬你個仆街掛住打飛機唔沖涼呀！？

見到軍佬成個人震一震, 隔咗幾秒先擰過嚟：up乜撚嘢呀你又？

我：你頭先唔係沖涼咩？

軍佬：係呀, 使唔使過嚟驗明正身？

我：廁所撻地乾過沙漠喎？

軍佬：er......乾燥呀！

我：屌你老母潮濕定乾燥定熱呀？你揀定一個好喎？

軍佬：廁所乾燥、個廳潮濕、我好熱, 滿意味？

我：er..是撚但啦..

軍佬：關你撚事咩！？

我：你打飛機咪撚霸住個廁所呀！求其行出後院搵個角落打完都冇人知啦！

軍佬：咁下次性起我打落你個睡袋度囉！

剛剛刷完牙嘅娃娃一句ban返出去：咁下次急尿我屙落你個睡袋度囉！

軍佬：er...咁又唔好....

娃娃：屌..
然後擰過嚟細細聲同我講：喂, 你陣間拿拿聲沖完涼就好出嚟...
然後用眼神望一望個廁所.

我聽見佢咁講即刻嚇一跳, 心諗係咪佢已經知道咗我特登留低兩本咸書喺廁所嘅計劃..

隔咗幾秒娃娃再望返出廳：...硬係覺得軍佬怪怪哋咁...

我：哦~好~..
嚇得我ㄚ..

正當我諗住拿拿聲行入廁所, 開行個花灑之後溫習下新知識嗰陣, 娃娃突然打我尖、行返入廁所拎起嗰兩本咸書：爭啲唔記得咗, 一陣被癬妹見到佢又鬼殺咁嘈...
然後望住我笑咗笑, 用嗰兩本書拍一拍我手臂笑住行返出廁所, 仲順手幫我閂埋道門.

我望住個好乾燥嘅廁所, 只能夠眼淚往心裏流...

咁究竟軍佬喺入面搞乜

佢喺入面搞乜我嗰刻唔知住, 不過我可以講另一單我知佢入面搞乜嘅嘢畀你聽先.

成件事嘅起因, 由一個whatapp 開始

話說有晚放工打緊banishers ghosts of new, 雖然第二日係我生日不過都要返工, 所以打咗無耐見攰攰地就趴落床準備瞓覺, 差唔多瞓著嗰下突然無啦啦收到whatsapp, 望一望見係泰妹, 我就開嚟睇.

仆街啦我聽見狗叫呀！

吓？你聽錯咋話？對面屋嗰隻？

唔係呀, 真係聽到把男人聲跟住用狗吠呀！

Oh shit..

做咩呀, 你知咩事？

唔知咩事, 不過我估到邊間房.

咁犀利？邊間呀？

肯定204.

哦,嗰班仆街..

除咗狗吠之外仲有冇啲咩特別嘢？

咁又冇, 都係頭先經過我間房嗰陣我先聽到有狗吠,而家好似冇乜特別事..

咁...唔好理佢㗎..我同佢哋仲有政府機構講到明聽日就同我躝, 反正都最後一晚, 是撚但啦...

哦, 咁又係, 而且你仲聽日生日, 呀, 生日快樂.

哦, 多謝喎..

咁冇乜嘢我瞓覺先, 你都早啲瞓啦.

哦, 早唞.

然後唔知係咪因為剛剛就嚟瞓著嗰吓畀人嘈醒咗,一時間又瞓唔著, 你張床墊下墊下之後, 我決定上樓上搞下嘢, 反正生日嘛, 老婆又唔喺到, 悶悶地搵啲嘢搞下都好丫.

上到去一敲門.

wow wow wow wow wow wow wow...
同事仲有一男一女唔知喺度講緊啲乜撚嘢, 畀隻狗吠聲蓋過曬.

然後又把聲問：邊個呀？

開門呀204, 即刻執嘢同我躝啦屌.

條女一打開道門, 背景繼續wow wow wow wow wow wow wow~~~~嚇到佢即刻閂返埋度門.

好撚嘢喎小姐你, 你明明聽日就走, 你臨尾一晚都可以fuck it up嘅?

唔係呀唔係呀, 嗰個係我老豆..

隻狗係你老豆？

唔係呀唔係呀, 嗰隻狗係我老豆隻狗, 我老豆嚟探我.

你知你點解畀人趕走㗎可？

我知...

咪就係囉, 政府機構嗰邊寫都明淨係得你一個人可以喺呢間房入面, 住嘅期間唔可以有朋友過夜, 你day one就帶埋條仔一齊入嚟住我哋都冇出個聲啦.

我知...

你老母而家晚晚六七條喺度開party, 我都忍撚咗你成個星期先趕你走啦.

我知...

知你仲陰鳩我？最後一晚好嚟好去唔撚得嘅！？

對唔住..

對唔住有用嘅, 屌你老母我而家就唔會企喺度啦！

你要明白..

我唔需要明白囉, 爛啦仆街.

Err...... 希望你要明白..

我唔撚需要希望明白囉, 爛啦仆街.

咁可以有幾多時間畀我執嘢？

咁你有幾多嘢要執？

我知聽日就要走都執得7788㗎喇...

咁咪好囉, 畀五分鐘你囉.

吓？

嫌多呀？

Er.....我而家即刻去執嘢...

去囉, 我就企喺門口等你執.

你唔好企喺度呀你返落去先啦..我隻老豆隻狗好惡仲會咬人㗎...

嘩！惡之外仲會咬人咁得人驚？

係呀你返落..

咁我報定警同call定救護車先.

Er....

執啦仲望, 過嗰成分鐘啦八婆.

哦...

未完待續..

其實係唔係因為左膠原因所以先遇到咁多白卡人士

C叔好勇猛, 半夜三更同白卡玩

幾年前日光日白趕客畀佢拎把刀隊住都係咁, 白卡冇分日頭夜晚

一街都係百卡, 只不過我哋而家酒店係白卡黑洞, 一早反曬皮老江湖

咁多白卡入到黎
你都鎮得住
到而家都無穿無爛
原因只有一個
C叔係資深白卡會員
白到發金果隻
普通白卡見到即刻跪低

嗰個阿伯真係經典之一, 入到去佢間房四埲牆佢寫滿曬字屌柒我哋

把刀仲要插撚咗喺個雪櫃度門到.

狗叫果個阿伯？
寫人字定係狗字？
你可以一齊玩飛刀

幾年前嘅事喇, 有個阿伯將個收音機開到超大聲成間酒店啲人都聽到咁濟, 勁多人投訴咪上去睇下發生咩事囉.

上到去敲門叫佢細聲啲, 佢話佢撞籠聽唔撚到所以開到咁大聲, 你老母將個收音機擺撚咗係條走廊度, 自己閂埋門匿埋喺房梗係聽唔撚到啦

屌柒佢嗰陣無啦啦返入屋拎把刀出嚟隊撚住我, 話咩冇地方住bili bala叫我咪撚煩住佢, 我屌柒佢你把刀吉落嚟我包你呢世都有地方住唔使出返嚟.

跟住揈咗兩揈戇鳩鳩行返入房, 我即刻狗衝落office鎖埋自己入面先報警, 順便同啲同事交代下發生咩事.

正當我哋成班匿埋係office等警察嗰陣, 有個唔知頭唔知路嘅同事喺對面街買完壽司返嚟, 話見到個有個阿伯喺隔離街畀人拉撚咗, 望落有啲事我哋個客.

我咪拿拿聲咗去睇下發生咩事, 原來佢之外一定會報警所以執曬包袱諗住走佬, 但可能見太多行李,就走咗入隔離屋個花園收埋自己啲行李, 跟住比隔離屋報警拉鳩佢

ok, 204下集

雖然口裏說不但身體很誠實, 當等到條女入一返入間房之後, 我極速閃咗去距離兩間房之外再加隻轉角擋一擋嘅地方, 食住電子煙玩電話, 扮到wfc咁.

間房擾攘咗輪之後, 嗰位老豆同隻狗終於捨得行出門口, 我拿拿聲開cam留定個證據.

屌你老母丫...

真係好撚大隻狗...

好彩閃得快...

個阿爸一見到就發癲做乜撚嘢丫你, 我係佢老豆！

So?

我都話我係佢老豆囉！！

So what?

你憑乜嘢趕我走！？

有咩你問你個女啦.

我都話我係佢老豆！

咁關我咩事呢？

Er.... 我係佢老豆！

係囉, 你係佢老豆嘛, 又唔係我老豆, 關我撚事呀？

Er...

走啦..

聽見我哋無厘頭嘅對話, 個女都衝出嚟阿爸快啲走唔好搞大件事.

你憑咩趕我走呀！

憑我呢度係私人地方, 你冇我哋批準行入嚟就係非法闖入, 信唔信我報警拉鳩你？

Er....

走啦阿爸, 走啦走啦...

咁你做咩趕我個女走呀！？

呢個問返你自己啦.

我問你做咩講我個女走喎！！

係囉, 問返你自己囉.

吓？

你唔喺到, 佢咪唔使走囉.

Er....你做乜影我！？你做咩影我！？

我喺我地方, 鍾意影咩咪影囉.

你憑乜嘢影我！！

我冇影你㗎, 我影住自己間酒店, 你自己戇鳩衝入鏡咋嘛.

我要你卡片, 我要報警拉鳩你！！！

咁你要我卡片, 定報警拉鳩我？

兩樣都要！！！

咁既然你都報警拉鳩我, 我做咩畀卡片你？等差佬嚟咪知我係邊個囉？

Er..... 唔準影我！唔準影我！！！

走喇阿爸走啦...

佢影住我喎！！

你唔好影啦唔好影啦...

我都話影自己間酒店咋嘛, 你唔喺非法闖入, 我又點會影到你呢？

Er....

而且我間酒店有四隻閉路電視對住你, 你不如叫嗰個閉路電視唔好影你？

阿爸求下你快啲走啦....

我要你卡片！！！

你報警先啦..

我阿爸廢㗎, 唔好理佢講咩呀..

喂老豆, 你個女話你廢㗎喎？

Er... 屌你老母仆街亞洲人, 屌你老母...

阿伯你唔係想玩歧視呀嘛？係嘅今次到我報警㗎喇喎？

你咪報囉！你咪報囉！！我驚你呀！？

哦, 咁我報囉...

然後當我報緊警嗰陣, 阿伯拖住隻狗突然好快咁行去樓梯位.

喂~人哋好廢嗰個老豆~你去邊呀？咪撚走呀喂~~~

我唔係走, 我同你拉遠啲佢嚟啫！
阿伯一路屌一路衝咗落樓梯落下一層.

咁你使唔使拉到落樓下嗰層呀！？

我落樓下等你！！
然後直接落到地面中間或停車場屌返上嚟.

你係至好呀, 報曬警你又唔喺到要警察叔叔白行一轉唔係咁好㗎！

我過對面街等你！

喂阿伯唔好行咁遠！陣間班差佬嚟到搵你唔到呀？

我叫埋班朋友過嚟等你！！
一路屌一路走咗出停車場範圍.

喂你阿爸去撚咗邊呀！？

我都同你講我阿爸廢嗰囉, 叫你唔好理佢...

唔係喎, 而家報撚曬警, 點算呀？

Er....

無謂要返差佬白行一趟丫, 一係拉你一係拉佢, 你是旦揀一個啦？

吓？做咩要拉我呀？？

話咗畀五分鐘你, 屌你十幾分鐘都嚟緊你都仲唔走, 唔拉你拉邊個？

Er.... 我即刻走我即刻走....

然後我就夾撚咗條女離開酒店, 睇住佢走咗之後順便兜多個圈睇下佢老豆同隻狗係咪到, 一路行仲一路嗌人哋好廢個老豆~你死撚咗去邊~~？

結果毛都冇條, 見冇嘢玩唯有打返畀差館消案, 然後返屋企上床瞓覺.

完

有時覺得d白卡人都幾慘，令到身邊咁多人咁麻煩

條女堅搞笑, 之前班友開party畀人投訴到飛起, 第二日我見到佢路過就順口就屌佢兩句,點知佢話唔關佢事, 仲大條道理要我唔好鬧佢, 因為佢根本唔喺到, 上面嗰班友佢唔識嘅佢只係借咗間房畀嗰班人

結果我即時發信過去政府機構趕佢走

記唔記得前排嗰幅黑人bb公仔相？咪就係呢間房囉...

咁可能係d黑人bb嘈，唔係佢地d fd嘈