[是咁的] 丫屌,我細個響朵條村搬鬼咗

冇啦, 係咁多咋, 個客頭先嚟執嘢嗰陣都全部攞走曬lu, 可以點搞？

係果間房訓返晚
試下隻野有無料到先
話唔定今次有得比你吊真鬼
叮噹2.0

雖然我鍾意黑肉, 但呢兩個黑得滯, 不了.

試下新嘢啦
話唔定會有驚喜

你早講, 我叫佢寄畀你

如果樓主整合晒喺酒店嘅騎呢野
應該可以出多本書

出多個post都未必得, 我錄咗咁撚多嘢一本書都未出過

都係喺度圍内傾開計吹下水啫, 當年最初係高登嗰邊第一個關於加拿大經歷post都係喺人哋個post入面吹下吹下先開始錄出嚟, 個個以為入post嚟睇屌女, 點知係撞鬼故

幾時有文？

過多幾日先開始錄, 前晚屌客屌到喉嚨痛, 聽日又要去睇脊醫拍拍拍


唔知係咪人大咗長, 時間講嘢就會開始沙聲喉嚨痛, 飲幾多水都冇用

新年快樂貓巴
你老人家身體好嗎

咦？蒲頭喇？

新年快樂.

成日腰骨痛、喉嚨痛之外冇乜嘢

想等你下左火先蒲頭

貓嫂世界第一老婆!!!!!

個客check in嗰陣同我講出面街有六架警車一堆差佬問我知唔知發生咩事, 搞到我即刻八卦走咗去裝下,剛剛好見到有兩架警車洗走仲有四架喺度.

btw, 今次竟然唔關我哋酒店事

屌你老母原來都係關我哋事, 有個客冇著褲下半身吊吊揈衝咗出街

開頭都唔知咩事, 仲諗住大安旨意唔關我哋事出去八卦吓食花生.

大約十零分鐘之後無啦啦有個差佬打電話嚟問人名, 問係咪住喺我哋住客, 我答佢係, 跟住我下意識就將兩件事連埋一齊問佢係咪就係外面搞緊個壇嘢.

然後佢仲同我講係, 唔好週圍同人講, 呢個係私底下佢話畀我聽嘅訊息, 話個客又精神病頭先冇著褲嘅情況下衝咗出去.

我問佢冇著褲嘅意思係咪half naked, 佢諗咗一陣之後答我semi naked

聽完我都笑撚咗, 第一次見有人用咁嘅詞語去形容, 我就問佢除咗面褲之外係咪連底褲都冇著, 佢猶豫咗陣之後但我係, 我屌柒佢咁咪half naked囉, 佢再次糾正我呢個叫做semi naked, 唔係half naked.

然後又話有可能會有其他警察嚟落口供攞資料,甚至乎於入去間房做檢查睇下冇吸毒嗰啲情況發生, 之後balbalbal就收咗線

本身只係簡單嘅男女加狗物種混合追逐戰, 冇諗過追追吓又混咗班細路仔, 跟住又混咗棵仙人掌, 無啦啦搞咗成粒鐘先收到科..

當我同軍佬、娃娃仲有袋癬成班喺個樹窿行返出嚟, 由嗰個支企咗五個人加兩隻狗都唔識再著、傳說中有sensor嘅街燈行返上祖屋呢段時間, 大家都冇乜點出過聲, 只係一路頭耷耷向住我做屋個方向進發.

期間我同娃娃刻意留後, 一直偷偷地觀察住軍佬, 不過佢除咗有啲面青青, 同埋唔知係咪燈光問題, 望落去佢嘴唇有少少發紫之外, 好似冇咩特別, 但係平時一直最鍾意講廢話嘅佢全程路都靜到仆街.

到齊齊返入屋之後, 正當我諗住攞衫去沖涼嗰陣, 軍佬粒聲唔出截我糊, 第一個攞住啲衫褲同毛巾行咗入廁所, 而袋癬兄妹同娃娃就捐入睡袋食住零食睇電視, 睇嚟佢哋三個都係準備瞓覺.

我見既然沖唔到涼, 就決定行去後院執啲磚頭返嚟砌聽日燒烤個爐. 而嗰兩隻傻狗可能亦都有啲攰, 就攤咗喺間屋個花園嗰度望住我砌爐.

砌砌下嗰陣, 娃娃拉住將膠櫈放喺我隔離之後坐低, 跟手遞咗支煙畀我.

我點著支煙吸咗啖問佢：你唔係瞓咩？

娃娃：見無聊咪出嚟陪下你囉..

我：我呢邊都好無聊㗎喎...

娃娃：抖下啦, 搞咗成晚你唔攰咩？

我：反正被軍佬霸住咗個廁所沖唔到涼又冇嘢做, 咪砌埋佢囉.

娃娃：條友去咗成半粒鐘都未出返嚟, 希望佢冇咩事就好..

我：吓？沖個涼啫, 佢可以有咩事？

娃娃：冇呀, 頭先我出嚟之前有啲急尿, 咪諗住過去敲下廁所門, 睇下佢沖完涼未囉..

我：and?

娃娃：and敲門又冇反應, 聽真啲入面乜嘢水聲都冇..

我：你咪搞鳩佢啦, 條仆街可能係入面打緊飛機呢？

娃娃：頭先你同我都睇住佢淨係拎咗啲衫就入咗沖涼房, 靠幻想呀？

我：你估佢流㗎？

娃娃：咁...你又有啲道理嘅....不過頭先我問佢又唔答我喎...

我：吓！？你問佢咩呀？

娃娃：係咪打飛機囉.

我：ㄚ屌..

娃娃：唔係呀,我仲好心到去佢個袋攞咗兩本咸書攝入條門罅..

我：唔撚係呀你！？

娃娃：我急尿呀嘛, 諗住佢有嘢望住可以打快啲, 點知都係冇反應..

我：如果佢真係打緊飛機, 你覺得佢可以畀啲咩反應你呀！？

娃娃：係咁咦叫兩聲嚟聽下都得啩？

我：頂..

娃娃：頂咩啫, 我急尿呀嘛...

我：咁使唔使我幫你去爆門睇下條仆街係咪打飛機打到精盡人忙死撚咗喺入面？

娃娃：唔使啦...

我：你唔係急咩？

娃娃：而家唔急啦..

我：吓？

娃娃好似若無其事咁用支煙指一指我間屋：頭先去屋後面條坑渠屙咗...

不愧為明明selling point 係海上活動, 但結果喺山上面嘅時間仲多過係海嘅HKSCC兒女...

我：....舒暢嘛？

娃娃：ok呀, 你要唔要去試下？

我：ㄚ...我暫時唔急...

娃娃吸咗幾啖煙之後問我：不過...你覺得..今晚發生咩事？

我：吓？今晚？

娃娃冇答我,淨係做咗個跑步嘅姿勢.

我：哦, 你講嗰隻仙人掌..

娃娃：係呀.

我：我鬼知咩, 你有咩問軍佬啦, 點睇佢兩個都熟過我...

娃娃：丫屌...咁班細路呢？

我：嗰班細路？你唔係話對面屋㗎咩？

娃娃好驚訝咁望住我：你唔係信呀話..

我：冇話信唔信嘅, 求其有個解釋咪算囉....呢度荒山野嶺, 邊理得咁多...

娃娃：咁又係..不過你覺得係咪真係奶嘢？

我：我又冇份搞佢哋, 有奶都唔關我事啦, 係都係軍佬衰多口啫...

娃娃：咁個棵仙人掌呢？

我：呢個真係唔知喎, 我細個都喺度住過一排,唔好話頭先嗰隻, 呢到連真嗰啲仙人掌我都冇見過..

娃娃：咁又係, 邊有人喺呢啲村屋地方種仙人掌...

我：唔好話仙人掌, 連細路都冇個...

娃娃：吓？

我：係呀, 細個嚟咗咁多次, 我真係連細路仔都冇見過, 不過可能次次都係我阿爸或者我阿爺車喺火車站車我哋上嚟, 平時最多都係畀我同阿哥行過對面個山坡足金絲貓, 我淨係知隔離屋住咗個養雞嘅阿伯咋....

娃娃：咁係你冇見過啫, 唔代表冇細路仔喎..

我：我咪話我冇見過囉, 我冇話冇細路仔呀..

娃娃：你肯定係你頭先係咁講？

我：um....大致上啦..

娃娃：屌.

我：....屌.

娃娃望一望錶：喂, 成三點幾呀, 食埋支煙返入去, 有咩聽朝先砌啦.

我：砌完好耐啦..

娃娃：你唔早講？

我：你冇問吖嘛..

到我同娃娃掉咗支落地下踩熄咗之後, 入返屋嗰陣見到嗰兩兄妹已經瞓著覺, 得返軍佬一個戇鳩鳩坐喺個聽到望住個電視機.

正當我準備行過去攞返啲衫去沖涼嗰陣, 見到軍佬個背脊就忍唔住問佢：喂, 搞乜呀你, 成個背脊濕曬嘅？好心你抹乾先出嚟啦...

軍佬：冇..潮濕呀...

我：屌你呀潮濕？

軍佬：係呀係山上面特別潮濕㗎..

娃娃：咸濕定潮濕呀你..嘩乜成頭汗嘅！？

軍佬：熱呀...

我：聖誕都嚟緊呀大佬, 熱條毛呀？

軍佬：屌, 你兩個沖涼就沖啦..

娃娃：唔沖啦, 去刷個牙咋嘛..

軍佬：我理得你哋去插牙定刷牙..丫屌！？
講完唔夠一秒鐘, 我就見到軍佬畀娃娃用牙刷插緊個背脊...

娃娃：插丫哪、插丫哪...

軍佬：屌！？c叔你條女呀！？

我見軍佬件衫都就嚟畀人插穿咁滯, 就拿拿聲問：娃娃你係咪插ㄚ..刷牙....刷完我就去沖涼..

娃娃：係呀, 拿拿聲刷完畀你啦, 都夜喇..

軍佬：係呀, 夜㗎啦, 拿拿聲去廁所插完就好瞓呀..

娃娃一個反手又繼續：插丫哪、插丫哪...

我：唉...你兩個....
望住痛到趴咗喺地下嘅軍佬, 我越嚟越覺得軍佬根本就係一個越大鑊越快樂嘅M...而呢刻我亦只能夠希望娃娃唔係一個S, 唔係我就大撚鑊...

當我企咗喺廁所附近, 諗住等娃娃刷完牙出嚟嗰陣, 剛剛冇閂門就行咗入廁所嘅娃娃, 突然好奇怪咁叫我：喂, 你過嚟望下？

我：吓？望你刷牙？

娃娃：冇話唔望得嘅..

我聽見就行入去廁所：有咩睇呀？

娃娃用支牙刷指一指個地下.

我：吓？地下有曱甴呀？定蜈蚣呀？
講完望一望個地下：咦？乜無啦啦地下有兩本鹹書咁好嘅？..
之後踎低揭咗幾頁：嘩, 一本架妹一本鬼妹喎...

娃娃：咪我頭先攝入嚟嗰兩本囉..

我一路揭一路答佢：做咩呀？叫我嚟睇下咸書呀？

娃娃：本嘢乾㗎喎..

我繼續揭：吓？有咩問題呀？

娃娃：你覺得冇問題？

我頭也不回咁答佢：冇呀, 咁咸濕書唔係又咸又濕㗎嘛..