[是咁的] 丫屌,我細個響朵條村搬鬼咗

然後隔咗陣, 詩用好似隨口噏咁嘅語氣, 講咗句：喂哥, 文有冇女朋友㗎？

我：um？文？唔知喎....

詩：搞錯呀,你哋唔係friend嚟㗎咩？

我：我同佢識咗幾個月咋喎....冇問過呀....

詩：er....

我：做咩呀？

詩：冇...口痕問下啫...

我：哦...我淨係知佢喺學校冇女朋友囉...

詩：吓？你而家唔係男校嚟㗎咩？

我：係呀, 所以斷估佢唔會係gay啩...

詩：妖.

我等咗陣見詩冇再問落去, 我又開始繼續食, 但剛剛食唔夠兩啖, 詩又開口：喂.

我：點丫？

詩：你....有時間嘅....幫我chok下佢丫？

我：時間我實有㗎...但係...

詩：但乜嘢呀？

我：...我平時都係chok開自己, 好少幫人chok,我唔知chok得佢舒唔舒服㗎喎...
一路講一路做咗個打飛機嘅手勢...

詩：屌.

我：你屌佢丫, 屌我托咩...

詩：....

我見佢唔出聲, 就問佢：做咩呀？想溝佢呀？

詩：.....

我：點呀？

詩：又唔好話溝溝聲...有啲興趣深入了解咁囉...

我：屌, 即係溝啦...

詩：如果你要咁定義嘅...我都唔反對嘅...

我：屌...

然後我哋兩個又揼低頭, 繼續食油渣麵.

但當我食唔夠兩啖, 詩又開口：喂哥, 認真喎..幫手丫？

我含住成口麵, 諗緊點答佢嗰陣：um ...

詩突然捉住我揸住筷子嗰隻手, 好緊張㗎喎：唔該你呀哥, 幫幫個妹手啦！

望住詩個樣, 我心諗其實我真係唔知文有咩吸引力, 因為文絕對稱唔上靚仔,只係一個白白淨淨、打籃球幾勁、平時又識得打扮嘅四眼仔.

嚴格嚟講, 當文除咗眼鏡之後, 真係一個你行過都想打柒佢嘅木咀嚟..

講靚仔嘅, 陽盛陰衰嘅T.S. Mountbatten除時一對手都數唔曬....

不過見到詩好似好緊張咁, 而且佢同文兩邊都係我嘅friend, 諗落又覺得冇乜所謂ㄚ, 都係搭口問句啫, 就咪決定幫下佢..

吞咗口入面嗰啖麵之後就答佢：係啦..盡力而為啦....

詩個樣好似鬆咗口氣然後同我講：唔該曬唔該曬....今餐我嘅...

我：丫屌...早知叫多碟豬腸粉同燒賣...

詩：你有咁肚餓咩？

我：冇呀, 見佢人講, 嗌返嚟望下都好...

詩聽見就笑住講：得得得, 阿哥想食, 做妹嘅即刻幫你加單..
然後就行咗出去收銀阿姐嗰到加單.

望住詩笑起上嚟嗰兩個酒窩, 嗰刻我以為自己只係順手做件好事, 幫個無啦啦多咗嘅妹, 去追我一個朋友.

點會估到呢一個無心嘅舉動, 結果會害咗詩浪費咗佢人生入便成年時間...

然後仲上演咗一齣佢鍾意佢、佢唔鍾意佢但鍾意佢、而佢又唔鍾意佢、但係佢又好鍾意佢...貴圈真亂嘅N角戀情節...

唉...

點解會搞成咁？

因為成世人流流長,總會遇到幾個仆街.

定律嚟㗎嘛...

而我都相信喺我四十年嘅人生入面, 應該都有唔少人遇上我之後,被迫解鎖呢個成就.

對於呢班人..我只能夠講句..

唉...

我真係恭喜你呀！

儲文儲左一個月

咁睇得開唔開心？

射撚埋啦吊

間通達仲o係度

咁撚癲？

有冇住喺長沙灣嘅人可以答我,到底天悦嗰間租書舖嘢係咪叫做典邦？？

睇咗啲咩令到你可以射？

有文睇未？想睇返主線，大C哥點樣做良好市民反cup大佬豬

你覺得我得閒？

求解釋一下發生咩事
小弟睇唔明

有間房個客走咗佬, housekeep入去清房嗰陣執到一盒散彈槍子彈（有未過嘅亦都有空彈殼）+奇奇怪怪嘅針筒.

而家報咗警, 差佬查緊發生咩事

咁得意...
咁我睇唔明都正常啦

彩記師弟留名

嗰陣時唔好話手提電話, 連call機呢樣嘢對學生嚟講都係未普及嘅年代, 每次識人之後都係依靠抄低對方屋企電話號碼去聯絡對方, 有啲抄落記事簿, 有啲抄落細細本嘅磁石電話簿到.

如果係日日都撞口撞面嘅人例如同學, 本簿唔見到都冇所謂, 最多咪樣衰衰問多次.

但如果係新識嘅朋友, 而對方又唔係你平常生活圈子人便出現嘅人, Touch wood本簿唔撚見咗嘅話, 真係隨時天人永隔, 唔係講笑.

所以我哋平時去打波,如果唔係一早喺約好曬先出發嘅話, 就只能夠拎住個波落街睇彩數, 去到球場撞到班friend就一齊打, 撞唔到就自己一個人射吓籃或者join街場.

不過街場有時都幾危險, 一個唔小心, 隨時變街霸場.

我親眼見過有條友畀人撳喺籃球架, 然後另一條友係咁嗰個籃球掉柒佢...

講開我哋呢個打籃球群組, 其實每次都有唔同人出現, 包括之前出現過嘅輝、泥鴨、豪、東、德等人間唔中得閒嗰陣都會參加下之外, 仲有一大班住喺學校附近嘅同學.

始終去得屋村球場打波嘅, 嚟嚟去去都係嗰班人, 有啲定時定候就會蒲頭, 有啲直頭住得太近,望出窗見到你班仆街喺度打緊波, 就自動波落嚟打埋一份.

而其中有一位住喺樂富私樓、叫做好景嘅人兄, 本身真係間歇性先會同我哋一齊打籃球, 而且次撚次打唔夠半個鐘就撩我哋去唱k, 唔講仲以為佢係k房打工, 仲要有佣分嗰隻.

不過自從詩參加咗我哋呢個星期日籃球群組之後, 好景就經常性自動自覺蒲頭, 有時直頭晨咁早出現幫我哋霸定個場.

當然, 喺打波嗰陣仍然係不斷撩我哋去唱k.

雖然的而且確有班friend打完波之後會同佢出去唱k,但我一向冇理佢.

始終自己知自己事, 窮撚就唔好亂嘥錢, 佢哋唱幾個鐘k嘅錢, 已經夠我租一大堆漫畫返屋企睇幾日.

但因為文每次都會join好景去唱k, 而詩為咗文又會想去埋一份, 但偏偏佢唔夠膽自己一個人去...

結果..身為詩窮到仆街嘅阿哥, 亦即係我, 被迫要去唱人生第一次嘅k.

然後,我終於明白點解好景經常叫人去唱k.

本身好景係我眼中只係一個黑黑實實短頭髮、塊面有暗瘡又戴住副眼鏡、平時講嘢斯斯文文慢吞吞嘅....生物？

但當由佢拎起支咪嗰一瞬間起, 簡直驚為天人.

除咗好景一開口唱歌直頭譚詠麟再世之外..

佢仲係一個咪霸.

即係大家都畀咁多錢唱五個鐘, 但四個半鐘入便都拎住支咪唔肯放手嘅仆街冚家剷.

不過對比起終於見識到好景既真面目, 我反而更加驚訝自己聽咗自己十幾年嗰把聲, 竟然同現實世界爭咁遠.

正如前面提過, 我係第一次去唱k, 唔好話本人唱歌好唔好聽, 其實我平時冇乜特別聽歌, 最多都係有時老母聽收音機或者cctvb勁歌推介嗰陣會聽下之外, 我從來都唔會去買cd同錄音帶.

所以好多歌唔係未聽過, 就根本就唔識唱, 只能夠長期戇鳩鳩咁坐喺到睇佢哋爭咪.

坐咗成個鐘之後, 我開始覺得咁樣唔係辦法, 大家都係俾一樣嘅錢, 點解佢哋個個都有得唱、而我淨係可以坐喺度睇佢哋唱？

最慘嘅係連前面嗰個零食盤因為望落去有蠶豆嘅關係我都唔敢食, 然後再望“哎”我陪佢嚟嘅妹, 由入房開始不斷向文獻殷勤、完全當我透明...

唉...

呢單嘢真係蝕到仆街.

諗諗下, 我決定去做番啲嘢回本.

攞起放喺書包嗰包煙同本漫畫攝起件褸入面, 然後我同其他人打聲招呼就行咗出房門口, 跟住...

行咗入廁所.

入到去求其打開咗一架厠格、閂番度門之後除褲、坐低、一路食煙一路睇漫畫一路屙屎.

呢啲平時無可能係屋企發生嘅事, 而家可以瘋狂咁做, somehow都叫回到少少本啦...

當我睇咗十零頁之後, 突然聽見有人打開咗廁所道門, 嚇到我下意識想即刻企起身將支煙揼落屎坑, 但諗咗諗, 驚乜春？呢到又冇話過唔畀喺廁所食煙..

當我慢慢坐返落個廁所板上面, 剛剛想吸啖煙嗰陣, 突然有人敲我廁隔道門.

嚇到我真係跌咗支煙落地下.

望住地下嗰半支煙, 我只能夠屌一聲...

錢呀....

定當我猶豫緊好唔好執返支煙上嚟食嗰陣, 敲我廁所門嗰條撚樣, 完全冇理過我嘅感受, 繼續瘋狂敲我道門.

終於, 我忍唔住執返起地下支煙, 之後係廁所門下面條縫, 向住門外個影掉出去：邊撚個呀？

門外面嗰條友突然大叫：喂喂喂！使唔使掉煙呀！？

我：頂...你唔係扮緊譚詠麟㗎咩！？無啦啦入嚟廁所做乜撚嘢呀？

好景：咁譚詠麟都會急尿㗎！

我：急尿你咪去屙囉, 敲我道門做乜春啫！？我唔慣同人share個屎坑㗎喎！

好景：冇.....睇下你喺唔喺度啫....

我：喺度呀！滿意啦！？屙尿啦仆街！

好景：...哦..

正當我聽住好景屙尿嘅聲, 心諗呢條撚樣咁撚無聊嗰陣, 佢突然又開口：喂, C.....

我：乜撚嘢呀又！？

好景：er.....

我：er乜撚呀？

好景：冇...

我：冇就cut線啦.

好景：um.....

見條撚樣扭扭擰擰, 我決定唔再理佢, 點著第二支煙, 繼續睇我嘅小說同埋屙屎.

隔咗一陣, 我聽見開水洗手嘅聲, 閂水之後又隔咗幾秒, 好景又開口：冇呀...想問..

我開始覺得呢條友煩惱仆街, 未等佢講完我就打斷佢：毛？你下面冇毛咩？係嘅去問你老豆借幾條畀你啦！

好景：屌...唔係呀...我想問...

我：唔識、唔知、唔答.

好景：屌！你俾我講完先得唔得呀！？