[是咁的] 丫屌,我細個響朵條村搬鬼咗

聽講過會不斷重複, 但係我哋遇親嗰啲都好撚活潑
當然唔排除我哋主動“嘢”佢所以搞到咁..

唔知食錯啲乜嘢屙到仆街..晏啲出文

詩靚唔靚真係見仁見智, 但作為佢阿哥, 我只能夠講好持平咁講, 詩因為長期參與海上活動嘅關係, 成個人曬到好似黑肉版嘅藤田こずえ.

喺我呢個旁觀者眼中, 好景瘋狂追求詩、詩又貼埋大床咁追文根本係一件勁到戇鳩嘅事, 特別係係文私底下同我講過, 佢本身係追緊另一條大佢三年、同德、輝去唱k嗰識返嚟嘅女情況下..

不過為咗可以繼續唱免費k, 我只能夠一邊繼續慫恿好景唔好放棄、希望在明天, 另一邊又不斷暗示詩, 文哥仔呢啲ready player one佢玩唔起, 不如諗吓好景, 話曬都有錢仔加半個k房譚詠麟.

不過詩每次聽完都係笑下就算,冇答過我任何嘢.

有晚我同詩夜晚喺佢屋企附近嗰個籃球場打完波、喺球場旁邊嗰啲木櫈食緊煙嗰陣, 我又借啲意提起呢件事.

詩飲咗啖檸檬茶之後, 輕描淡寫講咗句：我最撚憎譚詠麟㗎喎.

我：哦..
心諗：Ok, 好景我幫你幫到盡㗎喇,鬼叫你咁多人唔學, 偏偏走去學譚詠麟把聲...

詩：話事話, 記唔記得上次我哋同景嶺條船出camp嗰陣, 入便有個女仔叫娃娃？

我吸咗啖煙之後諗咗一大輪：um....... 唔..記得.

詩：呢...我哋喺係hall開早會嗰陣, 佢坐你斜對面嘅呢？

我：啊啊啊啊啊！...唔記得.

詩：屌, 有冇搞錯呀你, 同你隔兩個位咋喎！？咁都睇唔到？

我：大佬呀, 大sir講唔夠五秒, 我已經瞓著咗喇...

詩：ㄚ又好似係喎..之後你仲畀人屌咗出去跑lap..

我：咪臭閪囉.

詩：um....

我見詩冇出聲就繼續食煙.

隔咗陣, 詩：咁你有冇聽過娃娃嗰朵？

我：吓？乜朵呀？佢又係出嚟行㗎？

詩：行路就有佢份....你估個個都似你咁鍾意行黑嘅咩..

我：er.... 邊個話我鍾意..

詩：唔鍾意又出嚟行？

我：我當興趣班咁㗎咋...

詩：ㄚ屌....any~way...

我：你又想點呀？

詩：冇....

我：你唔係又諗住介紹你d friend畀我呀話？

詩用有啲鬼鼠嘅眼神望住我：你覺得呢？

我：errr...上次你介紹嗰個奶媽, 奶撚曬嘢喎..你咁快又嚟？

詩：吓？奶媽份人好到癲㗎喎？冇可能奶嘢㗎喎？

我：咪就係冇奶好奶囉.

詩：屌...

我：小姐呀, 你同我講佢叫奶媽, 我梗係諗住心口有啲嘢㗎啦！點知我滿懷期待咁出到嚟, 先發現佢平過我呀仆街...

詩猶疑咗幾秒之後, 答我：咁...奶媽都可以平嘅....

我：冇奶都夠膽死做奶嗎！？貪請佢返嚟餓撚死個b呀？

詩：屌...但奶媽份人好到直頭聖母咁樣㗎喎, 我識咗佢幾年都未見過佢嬲一次...

我：咁呢點我認同呀, 佢真係性冇, 見到佢乜嘢性趣都冇曬.......

詩聽見我咁講, 就笑住拍咗我一吓：屌呀...咁講我啲friend？

我：我份人誠實啫....

詩：既然誠實到咁, 又同人拍咗幾個月先散？

我：er... 我畀面你咋....

詩：妖....呢啲時候就話畀面, 平時踩到我一棟都冇..

我：邊有呢...

詩：any~way, 我哋TSM同景嶺班人約咗下個禮拜放船之後去唱k, 你有時間嘅,咪跟埋嚟當畀人參觀下囉？

我：吓？你當我係動物園個籠入面返工呀而家？

詩：咁你的而且確係一隻禽獸喎？

我：屌, 旁邊忽似禽獸？我最多都係認人渣啫...

詩：咁呢點我認同呀...

我：咁咪係囉, 仲話介紹人畀我識？你同佢好大仇口呀？

詩：咁人哋叫到, 咪幫口問句囉, 鬼知阿哥你條仆街會吊高嚟買咩

我：er......睇下點啦, 有時間就過嚟,冇嘅我都冇計㗎..

詩：咁..咁到時先算啦..反正問我就問咗喇, 之後嘅嘢唔關我事lu...

我：係囉, 既然都唔關你事, 到時先算啦..

到最後, 我都係冇同佢哋一齊出去, 因為個仆街大佬豬叫咗我哋成班去佢office陪坐, 聽佢同佢老婆吹水...

又過咗幾個禮拜, 喺慈雲山放船嗰陣, 同我一齊等緊小巴落返黃大仙嘅詩突然講：喂哥, 你下個禮拜係去斬竹灣學canoe㗎嘛？

我：吓？妹你失憶呀？之前係你大大聲話好玩, 迫我報名㗎喎！

詩：ㄚ..係喎...

我：你...唔係又陰鳩我呀話？

詩：冇.. 冇....firm 多次啫...我都冇鳩,又點陰你呢？

我：咁你有陰..ㄚ屌...

畀詩大大力揼咗一野之後, 決定吞返個道字落肚.

如是者, 星期五一放學, 趕返屋企沖涼換衫執齊嘢之後, 就坐地鐵去油麻地同詩會合, 再上返慈雲山TSM HQ, 同其他報咗名去學canoe嘅隊員, 齊齊坐TSM包嗰架小巴落去斬竹灣.

一到埗就見到大sir坐喺度同兩個阿伯傾緊計, 見到我哋就指住佢身後一棟兩層高嘅建築物：哪, 呢棟嘢呢...就係我哋HKSCC斬竹灣分堂....

我哋成班望住嗰棟雖然算唔上係靚、但望落都算叫乾乾淨淨, 灰色嘅建築物, 一路聽住大sir介紹呢幢嘢嘅歷史, 一路心諗今次出船終於叫有瓦遮頭、唔使再搭帳幕瞓嗰陣..

大sir補多句：大家冇咩就唔好行入去喇.

吓！？

當成班人仲戇鳩鳩企喺度、未理解到大sir嗰句冇咩就唔好行入去嘅意思係乜嘢嗰陣, 大sir遙指遠方兩個白色貨櫃：男嘅左邊、女嘅右邊, 講完.

屌！？~~~

望住嗰兩個白色鐵皮貨櫃, 大家終於忍唔住集體爆粗.

大sir見我哋群情洶湧, 好難為咁講咗句：唉...而家啲細路真係嬌生慣養.....咪話大sir唔錫你哋, 女嘅要沖涼呢就入去呢棟沖, 瞓覺嘅就返嗰邊貨櫃啦！

唔知邊個男隊員大叫：吓！？咁男嘅呢！？？？

大sir在指一指棟嘢隔離：嗰邊有條水喉, 男人老狗自己搞掂啦...

然後唔知邊個男隊員又鳩叫：搞撚錯呀！？露天㗎喎！！咁撚唔公平㗎！？

大sir：吓？你剛剛出世呀？呢個世界係咁唔公平, 女人不嬲大曬㗎啦！

某男隊員：你既然明知咁係唔公平, 就應該要改變佢啦！！你大sir嚟㗎喎！！！

大sir：咁不如你哋同我講下咩先叫公平呀！？

成班男隊員諗都冇諗就大叫：男女都係露天用水喉沖涼就公平啦！！....

到最後, 無論我哋成班男隊員點樣公平公正咁去爭取一個男女平等嘅機會, 結果當然都係維持原判.

正當我哋成班男隊員死死地氣接受呢個咁唔公平嘅世界嗰陣,現實再次用佢嘅鐵拳重擊我哋弱小嘅心靈.

當我哋剛剛行入去由貨櫃改建嘅宿舍放低個背囊, 距離十步唔夠嘅女生宿舍突然集體鬼叫.

當我哋都仲未嚟得切反應, 就透過貨櫃入面嗰兩隻大窗, 見到班女隊員向住大樓嗰邊飛奔過去, 一路跑一路大叫, 嚇到大sir都即刻係大樓衝出嚟：咩事咩事！？

嘩！！！
救命呀！！
有蛇呀！！！！
好大條蛇呀！！！！
大sir！！！！！
勁驚呀！！！！
生勾勾㗎！！！！

我哋透過隻窗望住大sir畀班女圍住we嘩鬼叫, 嗰下心情都唔知係羨慕定係有啲幸災落禍...

望多兩望突然有個男隊員講咗句：仆街！快啲除撚曬啲衫之後上床！

頭嗰兩秒大家都未理解佢咩意思, 但見佢已經急急忙忙除到得返條底褲, 而且仲想再除落去嗰隻, 唯有跟住做.

一時間, 六條戇鳩鳩fing fing.

但當我哋全部人連底褲都除埋、瞓曬上床之後,聽見大sir嚟拍我哋門嗰陣, 我哋終於明點解佢要咁做..

大sir象徵式拍咗兩下門, 就直接打開, 一見到我哋六條光豬勇士瞓曬喺張床上面, 就嚇一跳：嘩！？搞咩呀你哋！？天體營呀！？

帶頭叫我哋除衫嗰個男隊員：冇呀, 舟車勞頓入到嚟攰奶奶, 咪諗住上床恰一恰囉,但見天口慶, 呢個貨櫃又冇冷氣, 唯有除曬衫咁瞓囉...

大sir：err ....

我：係呀你估我哋想鳩fing fing咩...熱到咁我哋都冇計㗎....

大sir：就嚟12月喇喎而家...

我：溫室效應呀！

大sir：ㄚ你班仆街...仲諗住叫你哋同班女仔換房添..

某男隊員：吓？換房冇所謂呀, 但我哋個個剛剛都同張床褥有肌膚之親, 我驚班女仔唔願意瞓喎..

大sir ：er..... 咁....

某男隊員：唉..費事大sir你難做, 一係咁...你問吓班女介唔介意瞓我哋冇著衫瞓過嗰張床囉, 佢哋唔介意我哋就換啦...

大sir：er....

正當我哋個個都心裏面偷笑緊、等緊大sir拆彈嗰陣, 突然有把女仔把聲喺大sir背後傳出嚟：簡單啦,既然佢哋冇所謂, 大sir你叫佢哋抬埋張床褥過去咪得囉！

我聽見把聲咗心諗邊個仆街咁多爹！？而且呢把聲我未聽過㗎喎, 應該唔係我哋TSM啲人,會唔會喺呢到啲員工？

諗諗吓就想用眼尾睄過去睇下係邊個, 但大sir 龐大嘅身型剛剛好遮住曬個門口, 而且女仔把聲應該係貨櫃外面傳過嚟, 所以除咗大sir個背脊之外, 我乜春都見唔到.

大sir：咦？好主意喎...啊？你哋到喇？

女仔：係呀,剛剛落車.

大sir：你哋嗰邊條船嚟得三個咋呵？

女仔：係丫, 全女班.

大sir：咁唔好放低嘢住, 我叫返男仔轉完房之後你哋先搬入嚟啦.

女仔：好ㄚ.

呢個時候終於有男隊忍唔住屌出去：娃娃姐！使唔使玩到咁大呀！？

Oh, 原來門外個女仔就係契妹口中嘅娃娃...

娃娃笑住講：吓？又係你哋自己話唔介意嘅？既然你哋都唔介意, 我哋當然都唔介意啦！

ㄚ...雖然娃娃講嘢好似有啲仆街, 但笑得幾好聽...

娃娃又再笑住補多句：你哋嫌麻煩乜都唔著行出嚟都ok㗎, 反正我哋剛剛先見識完咩係大蛇, 你哋而家出嚟屙篤尿對比下囉, 冇嘢㗎！

ㄚ屌, 娃娃講嘢真係好撚仆街, 但又真係笑得幾撚好聽...

到最後, 我哋六條光豬勇士當然唔夠膽光嘟嘟咁樣行出去, 求其著返條褲就抬住自己張床褥, 好似監躉咁樣係成班女面前, 捧住行去另一個貨櫃...

不過唯一好彩嘅就係, 我哋過到去先發現, 原來喺我哋同大sir僵持期間, 分堂啲人已經將條蛇捉走咗..

但既然都捉走咗, 點解仲要我哋搬房呢！？

屌佢老母..

留明

男女都係露天用水喉沖涼就公平啦！！

魚蛋論

咩魚蛋論！？明明就係好公平

ㄚ屌, 死放game個隻ssd

專心寫文可以

屌嬲.
starfield 就爆機

寧死不屈, 返工偷雞出嚟買

點知係死老母板Socket

整返啦, 正當我諗住偷雞打返鋪嗰陣, 就發現
google扣咗我一部電話嘅錢, 打去屌柒佢仲要串到爆咁同我講佢哋會refund, 但慢慢等啦