[是咁的] 丫屌,我細個響朵條村搬鬼咗

軍佬：頂你咩, 而家係我見到你兩個見唔到呀！

我：仲打到有幻覺添, 陰公囉..

娃娃：係囉, 仲要好幻唔幻, 幻細路仔喎, eeee......死變太佬....

軍佬畀我哋兩個串到冇聲出, 唯有自己一個戇鳩鳩望住佢指嗰個方向發老皮.

娃娃：哎呀, 有人嬲嬲豬...

雖然我知軍老皮性唔會真係發癲, 不過嚟緊仲要對住佢幾日冇謂玩到咁盡, 就拍一拍娃娃：算啦..
順便拎支煙出嚟食.

娃娃：吓？難得有位入你竟然放過佢？

我：有乜所謂, 反正來日方長呀....

娃娃：你又啱...
之後都拎咗支卡碧出嚟, 我剛剛幫佢點然之後就用眼神示意叫我畀支煙軍佬：喂軍佬, 食煙呀！要純萬定卡碧？

軍佬繼續背住我哋坐喺地下, 淨係舉起咗靠近我嗰邊嘅左手做咗個拗煙嘅手勢, 然後右手舉起中指對住娃娃.

娃娃：ㄚ你個仆街...剪咗你隻手指入嚟插落你屎眼..

軍佬聽見即刻同返低兩隻手,改為伸去摸坐起佢隔離嗰兩隻傻狗.

我笑住踎底喺軍佬隔離遞支煙同火機畀佢：放過佢啦, 佢屎眼今晚已經嚴重受損, 再搞落去隨時人道毀滅..

講完剛剛企返起身嗰陣, 唔覺意望咗望軍佬望緊嗰個方向：喂仆街仔, 食埋好...走....

丫屌.

今次到我唔知講啲咩好.

原因唔係因為嗰邊一間屋都冇,亦唔係因為欄桿後邊根本就係一個落斜嘅山坡, 而山坡下面完全係森林嚟, 更加唔係嗰到原來係有一盞街燈、重要突然著咗幾秒跟住又熄返.

而係憑住頭先嗰幾秒光, 我好似隱約見到有幾個大約同馬路條欄桿差唔多高差唔多高嘅身影跑過, 同時間本來坐喺軍佬隔離拗緊痕嗰兩隻傻狗突然彈起身向住嗰邊狂, 軍佬即刻拉住嗰兩條狗繩以防萬一.

我keep住個人由踎低準備起身嘅姿態：er.....

軍佬吸咗啖煙先同我講：今次c叔你都見到啦？

一直企喺我哋後面嘅娃娃聽見就問：吓？見到啲乜呀？

軍佬：你問你條仔呀, 斷估佢唔會同你一齊都掛住打飛機啩？係你就檢討下喇...

娃娃：妖！

我見娃娃又準備大腳車落去軍佬到, 為免搞出入命我拿拿聲伸手截住佢：頭先我都見到有幾個細路跑過..

娃娃聽見就有啲疑惑咁望住我, 雖然佢冇出聲, 但係我硬係凝住佢想講：吓！？乜你都打得飛機多咩？

所以我即刻講落去：不過好彩今次係真係跑步咁跑、有曬身體動作, 而唔係頭先個棵波仙人掌咁鳩keep個跑步姿勢飄過..

娃娃：係咪盞燈著一著你兩個眼花呀？

軍佬聽見就打個冷震：嘩你仲講盞燈！嚇撚死我呀頭先！無啦啦又著又熄！

我都諗緊有冇咁橋？就喺盞燈著一著嗰幾秒入面就見到幾個細路跑過, 好似特登show畀我哋睇咁..

娃娃諗咗諗就答：可能盞燈壞啫？

我：可能掛？不過頭先行過嗰陣, 我都唔係好記嗰個位有冇好似冇街燈...

娃娃吸咗啖煙, 呼返出嚟之後講：落去望吓係咪知囉！
一講完就直接向頭先街燈個位行過去, 我拉都拉唔切.

軍佬：嘩, 乜你條女幾時變到咁勇㗎？

娃娃行咗幾步就擰過嚟望住我哋：點呀？

我同軍佬都有啲猶疑唔敢出聲, 娃娃：吓？你兩個唔係驚呀話？

軍佬好唔忿氣咁呀：喂！你都見盞燈無啦啦自己又著又熄喎！驚下都得啩？？

娃娃：話唔定嗰陣街燈有sensor呢？

軍佬：荒山野嶺有冇咁先進呀！？

我食住煙聽住佢兩個鬥嘴, 其實我都有諗過會唔會盞燈真係咁先進, 但如果真係咁先進, 咁頭先盞燈sen到啲乜先得㗎？真係夜貓貓無啦啦有嗰班細路仔喺度玩？？有乜撚嘢好玩呀？摸黑捉金絲貓呀！？

娃娃：C叔！
嗌完就執一執個頭、遞起隻手示意我拖住佢一齊行.

聽見畀人點名, 我唯有戇鳩鳩咁拖住娃娃一齊行落斜路：係係....

當我哋行近嗰陣街燈嗰陣, 頂佢個肺丫, 盞燈真係識著㗎喎！娃娃見到就好得戚嘅望住我, 之後再啤住軍佬.

軍佬見娃娃啤住佢, 只能夠好無奈咁企起身, 向我哋個方向行過嚟：做人唔使咁嘅...

正當我望住娃娃啤住軍佬行落嚟嗰陣, 先見到原來盞燈呢個位係一條分岔路, 右手邊就係向上行去我祖屋嗰條路, 然後頭先我哋喺斜路望落嚟剛剛好畀隻角遮住咗睇唔到, 其實呢個彎係係有一另間好似我阿爺間屋咁依山而建嘅屋起喺度.

我：咦？原來呢到有間屋㗎喎..

娃娃：係囉, 可能頭先你哋見到幾個細路仔係呢間屋嘅呢？

我諗咗諗覺得都合理, 成件事即刻冇咁驚：都有可能..

所以當我望向左手邊、係一條比較平坦嘅路中間就有個好似山窿咁嘅物體嗰陣, 我只係用好奇嘅語氣咁講咗句：無啦啦有個窿嘅？

呢個時候軍佬終於慢吞吞拖住兩隻狗行到過嚟, 聽見我咁講就話：窿？你條女個窿？乜之前冇㗎咩？

娃娃：再嘈一對鞋塞落你屎忽窿封咗佢..

軍佬：乜C叔你條女突然對我屎忽咁有興趣嘅喂？

我：冇所謂啦, 反正你都唔用㗎啦？你靠把口屙屎㗎嘛, 開親口都臭到嘔...

軍佬畀我同娃娃一人打一嘢, 唯有即刻改話題：你頭先講乜窿話？你知我咁大個人最鍾意就係捐窿窿...

我：嗰個呀.....
我用支煙指一指娃娃身後嗰個方向, 娃娃同軍佬見到就同一時間擰過去望下.

軍佬：撞鬼囉！乜無啦啦喺條路中間有咁大個窿呀？？

娃娃：知你鍾意吖嘛...仲唔拿拿聲去捐窿窿？
講完仲特登拍一拍軍佬膊頭.

軍佬：我頂你又拍？

我聽見就伸手拍埋佢另一邊膊頭：快啲去捐窿窿啦, 我哋喺度等你..

軍佬你唔過嚟望住我：阿C叔, 你又拍乜撚嘢呢？

我陰陰嘴笑望住佢：拍得左邊唔爭在拍埋右邊啦..齊齊整整吖嘛...

軍佬一野捉住我怕完佢膊頭微縮得切嗰隻手：我都鍾意齊齊整整呀！兄弟一場有窿梗係一齊捐啦！

我當然即刻反抗：咁污糟嘅你！？

可惜軍佬真係大我成個馬, 無論我點掙扎, 佢輕輕鬆鬆就將兩條狗帶勾實咗喺條燈柱之後扯撚住我一齊行, 而拖住我另一隻手嘅娃娃亦都冇放手.

結果本來由軍佬企前面、我同娃娃平排企佢後面嘅嘅三角形陣, 變成軍路行頭、我喺中間、娃娃最尾嘅人形蜈蚣陣咁捐入個窿...

丫屌, 係行去個窿先啱.

行到過去個窿前面, 軍佬就笑住講：嘩屌, 個窿係咪人為㗎？咁撚整齊嘅？

佢講完我亦都有相同嘅諗法.

因為雖然遠睇嗰陣好奇怪, 無啦啦有個窿喺條路中間, 但其實行近就發現個窿唔係無中生有,雖然我唔知係呢度啲樹天生麗質, 定長得太高然之後重得滯彎落嚟定係點, 總之成個窿望落去, 就係由大量嘅嘅樹木組成, 而剛剛好又有個好似拱門咁嘅窿對正條馬路做入口, 而拱門入口嘅闊度大約係兩個正常人平排企嘅身位.

我雖然覺得奇怪, 但可能因為先入為主頭先嗰班西細路係對面間屋嘅人, 所以都好輕鬆咁笑住答佢：頭先班細路係咪捐咗入去呀？

軍佬：咁等我搵個鐘仔撳下先！

娃娃：無啦啦撳咩鐘呀你又？

軍佬：你條仔話班細路係入邊吖嘛, 無謂突然行入去嚇親人啦, 搵個鐘仔撳下好啲...

我：頂！行你就行啦！

軍佬雖然口講：你叫㗎咋, 一陣嚇親人唔關我事呀！
但其實我未出聲之前佢已經準備行入去.

一入到去我第一個反應就係：嘩屌！黑到咁嘅喂！？

軍佬：係喎, 黑到乜春都見唔到喎..

娃娃：你支電筒呢懵炳？

軍佬：ㄚ, 都係娃娃姐冰雪聰明, 你唔講我都醒唔起...明明佢一直喺到吊吊揈...

娃娃：拎出嚟啦仲講！定想我幫你成支插入屎忽度呀！？

軍佬擰過嚟細細聲同我講（？）：喂, C叔我懷疑你條女妒忌我個屎忽, 屌那媽成晚講唔停嘅？

點解會有個（？）？係因為我都唔敢肯定軍佬係咪真係擰咗過嚟, 只係咁覺得係.

因為呢個窿真係黑到連企我前面嘅軍老我都睇得唔係好清楚.

可能因為頭先剛剛適應咗街燈啲光, 而家一入到呢個樹窿真係即刻眼前一黑,而之前嗰盞好先進嘅街燈可能因為我哋行得比較遠嘅關係, 已經自動熄返, 所以連僅餘嘅光都冇埋, 所以我只能靠感覺去估附近發生緊咩事.

我：頂, 你攞就攞啦...

軍佬：攞緊囉...吹乜鬼嘢啫...

娃娃：攞你就企定定攞啦, 行乜鬼嘢啫？

軍佬聽見就好愕然咁答：我邊有行啫！？

我：唔係喎, 你真係行緊喎..

軍佬：玩鳩我呀？我行緊我會唔知？

我：頂你咩！你拖住我哋兩個係咁向前行, 你覺得我哋兩個會唔知！？

娃娃：咪係囉！

軍佬：我真係冇行喎！！

我：ㄚ是撚旦呀, 支電筒呢？

娃娃：快ㄚ, 呢到好似有啲唔係好對路..

軍佬：拆緊個扣囉！唔對路掉頭走啦！等我個電筒托咩！

我同娃娃聽見軍佬咁講, 基本上同時間屌過去.
我：我唔想呀！？
娃娃：黑到見唔撚到個出口呀！！

軍佬可能都feel到唔對路,即刻加快動作：吓？咁大鑊？得得得得得.....得咗！
聽見軍佬拍一聲解開咗個扣嘅聲音, 之後正前方突然出現好大個光圈, 同一時間一部成間房咁闊、由樹同樹葉組成嘅樹牆出現喺我哋面前...

然後...

乜又係你呀陳生...

我又見到頭先喺山頂個位人兄, keep住佢好輕佻嗰個牌招牌動作, 喺我哋正前方由軍佬手上面嗰支軍用電筒照出嚟、差唔多有成5米闊嘅光圈入面, 由右至左好平面咁樣係嗰埲樹牆上飄過、然後由左邊飄去右邊、跟住右邊飄去左邊、再由左邊飄返去右邊...

不斷飄呀飄呀飄呀飄~~~~~

軍佬：......

我：.......

娃娃：......

雖然頭先山上面已經見過佢一次, 但呢刻唔知係太驚定係有其他原因, 我雖然想擰轉身九秒九拖住娃娃衝出呢個樹窿, 但無奈成個人都好似旭唔到咁, 只能夠企定定望住前面嗰位人兄係個大光圈出出入入、入入出出...

雖然我唔知另外嗰兩個人係咪同我一樣旭唔到, 不過既然佢哋兩個人都冇走到, 我哋三個都仲維持住手拖手嘅狀態, 我諗我哋三個嘅情況都差唔多..

正當我哋三個戇鳩鳩走又走唔到、嗰位人兄又淨係識出飄出飄入, 開始睇到有啲悶, 但又唔知點先走得到嗰陣, 後面突然傳嚟癬妹把聲：喂哥！喺度呀佢哋！

之後就到佢阿哥袋癬把聲：喂！搞咩呀你哋三個？

聽見佢兩個把聲, 我個心都有啲定落嚟, 開始諗緊點樣解釋畀佢兩兄妹聽, 我哋三個被迫企喺到睇緊一場好撚悶嘅飄呀飄呀飄呀飄~表演嗰陣, 突然feel到有人踢咗我一腳, 跟住個人好似回一回神咁, 又發現自己突然旭得返, 就擰轉面望一望邊鬼個踢我.

一擰過去就發現個樹窿根本就唔係我哋之前入嚟嗰陣咁黑, 因為我好清楚咁見到我拖住嘅娃娃, 同埋袋癬企喺我後面戇鳩鳩咁望住我, 而佢身後不遠處就係樹窿個出口, 而癬妹就企咗喺嗰到拖住兩隻狗對住我哋揮手.

雖然我都想知頭先發生咩事, 但直覺覺得盡快離開呢個樹窿緊要啲, 所以即刻拖住娃娃向癬妹個方向狂奔過去, 衝到過去嗰陣好彩癬妹自動波向旁邊彈開, 唔係隨時三個人炒埋一碟.

衝出樹窿之後我都冇停低, 一直拖住娃娃跑到街燈下面我先開始停落嚟, 同娃娃一齊喘緊氣嗰陣軍佬、袋癬兄妹都行到過嚟, 袋癬忍唔住問：搞咩呀你哋三個？

當我擰過去剛剛想答佢嗰陣, 見到軍佬係咁打眼色, 我就改口hea佢：咩搞咩呀？

袋癬：屌你仲好意思咩我？你哋三條友一跑就跑去成個鐘, 留低我同個妹戇鳩鳩企喺到餵蚊！

我：吓？咩成個鐘呀？

袋癬：咩冇成個鐘呀！？打野戰呀？？
一路講一路對佢隻錶畀我睇, ㄚ屌..

雖然我唔係好記得我哋幾點出門口, 但而家望住袋癬隻錶指住凌晨兩點幾, 再加上企喺佢隔離嘅癬妹個樣好似就嚟瞓著咁, 我除咗開始有少少信佢講嘅嘢, 更加開始後悔點解頭先唔畀定條鎖匙佢哋, 始終我哋本身幾個HKSCC成日通山跑都叫捱得下, 但癬妹真係好無辜.

正當我後悔緊嗰陣, 軍佬突然開口：頭先上嚟嗰陣好似係van仔站附近見到有間士多, 咪諗住行落去買包煙囉, 點知搵嚟搵去都搵唔到, 都唔知係咪閂鬼咗...咪唯有戇鳩鳩行返上嚟囉, 點知行行又蕩失路喎..

袋癬聽見就嬲嬲哋答佢：頭先上嚟都唔蕩失,而家無啦啦蕩失！？

軍佬：問c叔囉！屌, 我跟佢行㗎咋！

我估唔到軍佬突然拋過波畀我, 一時間諗唔到點答佢：eeer....

一直拖住我嘅娃娃忽然開口：冇, 頭先行下嗰陣軍佬話見到個窿想捐呀嘛,我哋咪陪佢捐囉, 結果搞到蕩失路..麻撚煩過人..

我諗軍佬冇諗過明明係直線傳球畀我, 竟然係娃娃截咗個波, 又再大腳傳返畀佢, 結果今次到佢企咗喺度依依哦哦..

袋癬聽見：吓？呢個窿？
之後一手搶咗軍佬個電筒自己行咗入去.

正當我同娃娃都諗住喝停袋癬嗰陣, 佢已經好大聲係個窿嗌出嚟：玩鳩我呀？懸崖嚟㗎喎！？點蕩失路呀！？

聽現袋癬咁講, 我哋三個入過去嘅人都即刻嚇一跳：吓！？

袋癬把聲又喺個樹窿入面傳出嚟：吓乜撚嘢？你哋自己入嚟睇下！？

Er .... 我哋三個互望咗一眼, 猶豫咗幾秒之後決定齊齊行入去望多次.

今次入到去一來有袋癬嗰支軍用電筒照住, 二來頭先我哋入嚟嗰陣明明係一個黑到仆街嘅樹窿, 而家個頂變成通窿, 斜路上面嗰盞街燈嘅光完全照到入嚟, 更加過份嘅係頭先我哋見到個位人兄開show嘅地方明明係一度樹牆, 而家直頭成埲牆冇撚咗, 變到勁空曠, 而袋癬就係企喺嗰個位指住下面.

我拖住娃娃慢慢行到過去袋癬隔離耷低頭一望, 仆街丫, 雖然冇袋癬講到咁誇張係一個懸崖嚟, 但真係一個差唔多兩層樓高嘅斷層, 再加上諗起頭先軍佬無啦啦係咁拖住我哋向前行, 我突然成身都起曬雞皮,成個背脊都係咁標冷汗..

諗諗下我忍唔住偷偷地望一望娃娃, 見到佢個樣都乸口乸面, 但同時間亦都皺曬眉頭咁望住軍佬, 我估佢諗緊嘅嘢同我諗緊嘅嘢都係一樣.

睇嚟...今晚玩大咗..

其實由軍佬對住塊石碑亂咁講嘢開始、到我哋開佢全名又瘋狂拍佢膊頭, 都估到佢會奶嘢, 係冇諗到連自己都中招咁解啫..

我再望一望嗰個so call懸崖同成塊面青曬嘅軍佬,心諗果然所有野到最尾, 總會係一個意想不到嘅情況下返嚟玩鳩你..

終於出撚完第二個撞鬼經歷, 因為呢集好撚長, 本來諗住出住一半先,不過諗諗下都係決定放曬出嚟算撚數, 希望冇寫錯啲乜嘢.

姐係三大無分別
其他國家嘅匯率姐係點？

無事執返身彩

都仲咳緊未好返, 隻手指傷口應該膠布敏感, 一個長方形咁起曬水泡, 搽類固醇同埋食緊抗生素

即係佢顯示個價錢係美金數目字, 但佢令你誤以為係澳幣, 所以個數目會細好多但其實計返匯率隨時fake你double.

好好笑

2月份暫時只係過咗7日
2024年暫時只係過咗一個月
呢D都係全球性問題 lol
點解你唔咁答
可能下次你有問題條友就會話全宇宙性問題

收線之後我都唔知笑好定喊好

笑條友戇鳩, 定係喊呢條戇鳩係我哋酒店agoda嗰邊嘅manager