[是咁的] 丫屌,我細個響朵條村搬鬼咗

貓靈

1001 回覆

54 Like 52 Dislike

貓靈 2023-08-02 11:04:32

靜

笑死蝦蝦 2023-08-02 13:42:38

英雄所見略同

貓靈 2023-08-04 09:55:40

有冇人玩柏德之門3？

地上本無路 2023-08-07 17:22:15

有故睇未？

東昇西降 2023-08-07 17:38:22

永安集團太子郭永淳？

貓靈 2023-08-07 18:44:50

好忙丫

all in緊柏德之門3

貓靈 2023-08-07 18:46:08

唔知呀唔知呀唔知呀

我淨係會直接開仆街律師個名, 其他如有雷同實屬不幸

東昇西降 2023-08-08 12:09:02

律師名呢？黃國桐？

貓靈 2023-08-08 12:13:57

一句說話入便開曬喇, 咁都要問

比特幣戰士 2023-08-09 09:22:11

有故未呀

貓靈 2023-08-09 09:38:18

都話咗好忙, baldur's gate3 ing

而家放咗部notebook係back office, 老細一唔喺附近, 我就縮返入去玩

噴射式傳播 2023-08-09 15:40:41

樓主就好

貓靈 2023-08-10 10:55:50

之前有講過廚房老憑著高超嘅廚藝, 澳洲坐監都坐得輕鬆過人, 所以當佢棄保潛逃去到台灣之後,亦都輕而易舉搵到嘢做.

至於做啲乜, 唔使諗到知一定係做返老本行：廚房佬.

廚房佬由台中嘅大江南北做大廚起, 到自己係台北某捷運站附近同幾個朋友夾伙開咗間港式燒味餐廳觀香園做老闆, 都只係用咗一年多少少嘅時間, 仲喺附近買咗樓.

當然佢嘅本金, 都係來自佢老婆成副身家.

所以廚房佬嗰陣時成日同佢老婆講, 等佢站穩陣腳之後, 就會將我哋成家接過去. 而廚房佬為咗證明畀佢老婆睇佢喺台灣撈得掂, 每逢放長假都會叫我哋過去探佢.

所以話就話我喺台灣住過一年, 但其實唔係一次性, 而係分開n次.

貓靈 2023-08-10 10:56:04

正當大家都以為廚房度終於收心養性, 終於做番個稱職嘅男人嗰陣, 有日廚房佬大搖大擺攬住第二條女喺屋企, 畀佢剛剛買完餸返嚟嘅老婆撞到正.

廚房佬唔道歉都不得止仲即場發癲, 大大聲屌柒為佢撲心撲命、家財散盡嘅老婆：你又冇損失, 嘈乜撚嘢呀！....

果然, 廚房佬永遠唔會令人失望.

係咁嘅情況下, 我哋一家三口又再次返返香港.

呢一次係我哋成家最後一次一齊去台灣, 亦係我哋最後一次見到廚房佬呢個人.

當時剛剛好係我小學畢之後, 本來諗住一齊喺台灣住個半月, 但因為以上嘅原因, 我哋只係住咗一個月唔夠就提早返香港.

貓靈 2023-08-10 10:56:26

一直都講我老母係一個公平、公正、公開又反共, 對兩個仔實行積極不干預政策嘅老母, 但當我哋喺台灣返返嚟香港冇耐,我老母可能受唔住刺激, 有一日我喺屋企附近天悅商場間典邦（我記得係呢個名,但唔記係咪呢個字, 有人記得嘅出句聲）租完漫畫返到屋企、剛剛坐低喺張梳化床諗住開始睇3x3 eyes嗰陣, 喺廚房砌緊菜嘅老母突然之間同我講：仔呀, 反正你喺屋企都冇嘢做不如搵啲嘢報吓囉？

我當時以為佢係講小童群益會嗰啲濕鳩興趣班, 諗都冇諗就答佢：好呀.

老母繼續喺廚房切菜：我都覺得你會贊成, 所以一早幫你報咗.

我一路睇漫畫一路hea答佢：吓？哦, 報咗咩呀？

老母：er..好似係叫..HK..SCC？

我：吓？乜小童群益會有啲咁嘅嘢㗎咩？英文班嚟呀？

老母：唔係小童群揪會...er ...咩...香港海事青年團？

貓靈 2023-08-10 10:56:39

我：吓！？？？青年團？個名咁搞笑嘅？共青團啲friend呀？你諗住賣你個仔入黨呀？

老母：共產黨正仆街嚟..

我：咁咪係囉, 仲搞啲咁嘅嘢？

老母：唔係呀, 嗰日買餸經過見到嗰啲社區板上面有廣告, 話係嗰啲咩紀律團體核下嗰啲唔知乜鬼少年組織喎....

我：吓！？你唔知咩嚟就叫我去？
之前都講過, 我好細個已經超憎警察, 而家一聽見老母係要我參加埋啲咩紀律團體, 即刻耍手擰頭叫曬救命.

老母突然拎住把刀行出廚房對住我：總好過你日日喺屋企睇漫畫丫！你唔想去咪報啲暑期補習班囉, 反正你過埋個暑假都升中一...

我：err......

貓靈 2023-08-10 10:56:51

老母：阿仔你快啲決定啦, HKSCC嗰邊我已經幫你報咗名,今個禮拜日就係第一日,如果你唔去嘅,我拿拿聲同人講聲...

我望下老母揸住個把菜刀, 又望下我老母個樣, 再望下我本漫畫...

老母：聽講話有啲似童軍嗰啲, 不過都幾多海上活動, 你咪當暑假去玩下水囉, 仲好過日日坐喺屋企...

我：吓！？阿媽你唔係成日同我講, 睇相佬話我有水劫, 連我去泳池游水都叫我小心啲㗎咩？家吓仲叫我自己去跳海？你幫我買重咗保險呀？

老母無答我嘅問題, 只係望咗我一眼, 意味深長咁講：做人, 越怕嘅嘢, 就越要去克服...

我再望多眼我老母揸住個把菜刀, 嘆咗口氣...

最後, 比起去補習班, 我選擇HKSCC.

貓靈 2023-08-10 10:57:17

去到星期日, 先發現我老母幫我報咗嘅HKSCC係係慈雲山.

每次都要坐地鐵去到黃大仙、再轉小巴上慈雲山嗰陣, 我都會諗點解我老母要幫我報到老連咁遠, 明明成家都住長沙灣, 落樓下轉個彎係狗公、丫九龍工業學校先啱, 已經有個HKSCC campus...

雖然一開始, 我純粹只係抱住做個孝順仔, 見老母受完廚房佬嘅刺激就順吓佢意, Join完個暑假, 等開學之後就quit.

點鬼之一Join就Join足差唔多2年, 期間仲識到唔少玩得埋嘅朋友, 包括之前提過嘅娃娃, 仲有到而家都保持聯絡嘅契妹等人.

貓靈 2023-08-10 10:57:39

廢人射廢精

貓靈 2023-08-10 10:58:18

錄住咁多先, 繼續返去baldur gate

加百烈 2023-08-10 14:56:15

契妹