[是咁的] 丫屌,我細個響朵條村搬鬼咗

貓女全程嬲爆爆屌鳩我, 我係咁同佢解釋呢鑊嘢唔撚關我事, 係佢老母逼我

中間嗰part特別厚嘅中厚大叔一名

終於live左, 追晒貓巴啲經歷, 真係好青春, 最後睇完Z故覺得雖然有遺憾, 睇到好心噏, 但真係好現實

btw 覺得樓上個巴打根本唔係想j K, 佢似係睇中貓巴你

c叔消失咗

畀泰妹傳染, 喉嚨痛ing.

深喉嚨搏鬥

竟然而家仲有人睇之前啲post

真係辛苦曬

佢睇中邊個我唔想知

其實係舊年已經有追鬼故, 完左之後, 隔左十個月先再返入黎睇, 發現已經一堆故擺係度可以狂追

睇嚟你又可以等多十個月先再返入嚟

好似有故聽？

等緊你出外傳

突破盲腸

我同娃娃兩個平排坐喺張膠櫈, 望住個黑媽媽嘅海食緊條腸嗰陣, 我一直偷望佢, 發現佢真係冇呃鳩我, somehow娃娃可以全程支煙都只會放返係同一個位, 明明望都冇望, 點解可以準到咁嘅呢？勁神奇.

正當我扮曬冇嘢但不斷偷望娃娃嗰陣, 佢突然開口問我：話時話, 點解你而家先食嘢嘅？

我：吓！？er.....
偷偷地𥄫女嗰陣突然好似畀人發現咗, 嚇咗我一跳, 唯有先用個問題頂住佢個問題：咁...你夠係囉, 點解你而家先出嚟ㄚ？

娃娃吸咗啖煙、輕描淡寫、甚至有啲老鳳咁嘅語氣答我：瞓過龍囉.

我：oh..

娃娃：你呢？

我：瞓過龍囉.

娃娃聽見我咁講笑出聲：同類喎？

唔知點解我聽見佢話同類兩個字名係覺得怪怪哋, 但又覺得好似有位入, 就試探性咁答佢：朋友啫...

娃娃笑住咁答我：又得ㄚ.

本來想同娃娃在吹多陣水, 但始終入camp第一晚, 第二日大家都要晨早起身下海, 所以等娃娃食埋支煙, 就齊齊向貨倉個方向行過去, 準備瞓覺.

娃娃臨入貨倉前, 我口痕問佢：你聽晚會唔會又瞓過龍？

娃娃唔知點解用好有信心嘅語氣答我：一定！

我：ㄚ屌...

娃娃：你呢？

我：er...唔知㗎...

娃娃：咁有緣再見囉~bye!

雖然呢句又係怪怪哋, 但我冇諗太多：係係...

第二朝瞓醒、剛剛係分堂嗰邊洗完面剛剛行出嚟, 就見到娃娃行過, 自然同佢打聲招呼：喂早晨呀！

娃娃：咦？早晨喎, 乜咁有緣呀！
然後笑住行咗去.

我：ㄚ屌.

食第日除咗食lunch, 基本上都喺海上面飄嚟飄去, 到夜晚撻落床嗰陣覺得個人好似仲喺海上面咁“朗嚟朗去“, 週身唔聚財.

雖然個人攰到仆街, 但感覺上每次都係瞓唔夠十分鐘就搖醒咗. 斷斷續續喺張床度典咗過零鐘, 到真係碌嚟碌去點都瞓唔著, 就諗住出去分堂嗰邊坐下吹吓海風順便食支煙.

差唔多行到過去分堂先知原來唔止我一個人瞓唔著, 詩同埋幾個男女隊員已經坐咗喺到傾緊計.

分堂外面本身有條斜路係直落海, 方便拖返啲船上嚟, 而詩佢哋成班人就正正係坐曬喺斜路嗰邊,仲set咗嗰camp fire圍爐取暖.

詩見我行過去就打聲招呼：哥？搞咩呀？

我：冇呀,瞓唔撚著,出嚟食支煙...

我見佢哋本身分開咗男女兩邊咁坐, 但已經冇曬凳, 正諗緊點做好嗰陣, 詩指一指分堂嗰邊：嗰邊有櫈呀, 自己攞.

我：哦...
行到過去見到有一堆白色嘅膠櫈搭埋一齊, 諗住求其攞一張就過去坐低, 點知最頂嗰兩張卡鳩住咗, 一拎就拎咗兩張出嚟, 用力拉咗拉又分唔開, 唯有戇鳩鳩捧住兩張黐埋嘅櫈過去, 坐係袋癬隔離.

雖然之前一直hea用隊員a、隊員b c d e嚟形容其他人, 但今次真係要開其中二個男隊員嘅名, 因為呢兩條友同之後嘅其他經歷有關.

當時坐喺分堂外面嘅除咗我、詩同埋幾個女仔之外仲有三個男嘅, 分別係軍佬、袋癬同男隊員.

軍佬人如其名, 唔單止大大隻隻之外仲係一個移動軍火庫, 因為佢老人家去到邊都總係帶住幾本咸書係身, 而且無論本土定外國嘅咸書或者咸碟, 只要開聲佢仲有辦法搵到畀你.

至於袋癬...um...有次我哋夏天去camp嗰陣, 因為呢一位人兄自己仆街跌咗落水濕度透曬, 後尾喺個中途站買咗包紙底褲嚟著, 然後唔知點解佢一路行個褲浪一路跌啲紙碎片出嚟, 而且最慘嘅係佢個名同某支好出名嘅皮膚水一鳩樣..

Anyway, 總之我哋成班人喺度無無聊聊吹咗陣水,詩突然向住我背後個方向話：咦？乜你又瞓唔著呀？啲櫈喺分堂嗰邊...

詩都未講完我已經feel到有人踢一踢我張凳右邊,正當我擰過去右邊想望吓係邊個仆街踢我嗰陣, 我一直用左手揸住嘅火機突然畀人搶走咗.

當我聽到拍一聲之後, 背後就傳嚟娃娃嗰把懶洋洋嘅聲, 答詩：呢到咪有多張囉....

到我岳高頭先發現娃娃企咗在我後邊食緊煙.

我：ㄚ屌..咁啱呀...

娃娃對住我笑咗笑：有緣吖嘛..

我：err....

到我企起身搞咗一大輪,終於拆開卡住咗嗰兩張凳、而娃娃又好順便咁坐咗喺我隔離之後, 成班人又開始繼續吹水.

吹多咗陣軍佬同袋癬兩個突然同時間話眼瞓, say 個bye之後就齊齊行返去貨倉嗰個方向.

淨低落嚟嘅人, 總共係5女2男, 又隔咗陣兩個女仔話眼瞓走咗, 結果得返, 3女2男分得好散咁圍住個camp fire坐, 我隨手望一望錶, 要原來已經去到成點鐘.

其實我自己都開始有啲眼瞓, 但偏偏隔離嗰件娃娃一直都冇反應, 而且睇佢一直keep住懶洋洋咁樣,根本就分唔到佢係精神定眼瞓, 唯有繼續坐落去
.

夜媽媽有女陪坐, 仲要係自己有啲心旭嗰條女, 打死都唔走啦吓話...

突然淨低嗰個男隊員突然望住個海唔出聲,隔咗好耐之後講咗句：喂...個海好似怪怪地..不如返房瞓囉...

我哋聽見佢咁講, 吓？一聲之後齊齊望住個海.

望咗陣, 詩：er...咪同日頭個海一樣？有咩怪？

女隊員：今日喺到浸咗咁耐, 你唔係夜晚就唔認得吓？

男隊員：屌...唔係呢....頭先好似見有啲嘢係一個海入面旭旭吓..

女隊員：浪就梗係旭㗎啦, 你咪玩啦！

男隊員個樣好似有啲尷尬、但望落真係有啲驚驚哋咁答：一定係啦！
隔咗幾秒佢又講：話時話, 頭先達落床之後仲係覺得自己好似喺個海上面咁...

當然睇得出佢淆底嘅唔止我一個, 但見佢夾硬轉話題, 我哋自然附和繼續講下其他廢話, 但我都幾肯定個個心入面都有條刺, 因為我發現唔單止面向住海坐嘅我、娃娃同男隊員, 甚至背向住海坐嘅詩同女隊員每隔一陣都忍唔住偷偷地望一望個海.

但係講..

真睇條毛咩...

個海咁q大、嗰晚又大風大浪, 唔好話夜晚黑到仆街, 就算日光日白有嘢喺個海入面旭到, 我都唔覺得會見得到.

雖然望咗咁耐乜都見唔到, 但係總係覺得週身唔聚財, 而當時坐得最近個海嘅就係詩, 作為佢哎呀契哥, 我下意識講咗句：妹, 坐返過嚟.

其實呢句話本身係完全冇特別意思, 但係佢哋聽見我咁講,就以為連我都見到有嘢, 嚇到全部人突然間唔敢講嘢.

我：err....
正當我想開口講話其實我乜都見唔到嗰陣, 突然娃娃好大力咁捉住咗我隻左手, 然後我見到坐係我右手邊嘅男隊員塊面都突然白曬, 即刻嚇到我自己成個人都硬曬軚, 好勉強咁先迫到自己對眼focus向海個方向.

仆..

..你個街...

今次我終於見到頭先男隊員見到嘅嘢.

喺我哋坐緊條斜路嘅盡頭、即係連接海嗰邊, 好似隱約有個人形物體喺到浮下浮下.

點解我覺得係人形物體？係因為佢望落應該有頭髮, 遊過水嘅都知當你向下沉嗰陣, 你啲頭髮係會向上浮, 而嗰個喺海入面嘅人形物體, 偏偏就係某個位置有啲咁樣嘅狀態出現.

既然有頭髮, 斷估有個頭連住啩？

咁有頭就有身..

至少...我希望佢有....？

既然有頭有身..自然就係人形物體...

見到我哋面向海嘅三個人呆撚咗成分鐘, 背向海坐嘅詩同佢隔離個女隊員都嚇到唔敢旭, 五條友戇鳩鳩定曬格咁坐喺條斜路到.

當嗰件人形物體浮浮沉沉咗一段時間之後, 突然沉咗落水底, 隔咗十幾秒都冇再浮返上嚟, 正當我想開口叫個妹快啲走嗰陣, 喺斜路連接海嘅另一邊, 又有另一件人的物體開始浮上嚟.

我屌..

正當我以為原先個人形物體瞬間移動之際, 原先人形物體第一次出現個位, 又有嘢浮上嚟...

點撚樣呀而家....

你兩個人形物體夜媽媽要鴛鴦戲水就遊遠啲啦..

最好遊到出公海先嚟戲ㄚ, 到時唔單止戲水, 連殺人都得啦, 咁近個岸邊托柒咩, 唔係咁大個人驚浸親呀？你兩個都浸咗咁耐啦...有乜所謂啫...

屌屌屌屌屌屌.....

雖然驚還驚, 但我清楚知道自己作為在場兩個男性動物嘅其中一隻, 尤其係左邊有娃娃、前面有契妹嘅情況下, 我點都要保住佢兩個, 所以就算嚇到手都震埋、支煙晨早嚇到唔知跌咗去邊都好, 我點都要拉返阿妹埋我身邊.

正當我舉起右手、準備向前踏步拉返契妹去我身後面嗰陣, 嗰兩個人形物體突然同時間喺個海入面爬咗上斜路.

詩同另一個女隊員亦係呢個時候, 終於忍唔住擰轉面、望住嗰兩件同佢哋距離極近嘅人形物體同時發出極度淒厲嘅慘叫聲.

Um....

睇嚟阿妹你今舖只能夠自求多福...

Touch wood有咩事, 阿哥都唔想...

希望你下世搵到住好人家...

我同娃娃會幸福愉快咁生活落去.....

每年定時定後我哋都會去拜下你...

正當我亂諗嘢嗰陣, 嗰兩隻人認物體唔單止爬咗上斜路, 仲開始慢慢企起身...

然後....

我feel到娃娃一直捉住我嗰隻手消失咗, 然後一件白色物體由我左邊直飛埋去其中一個人形物體嗰到, 之後一把男人嘅慘叫聲同娃娃氣噗噗嘅聲音同時響起.

娃娃：屌你老母咩軍佬！

唉.....

望住嚇到喊出嚟嘅契妹同埋女隊員, 同笑到瞓咗喺到嘅袋癬同軍佬, 我只能夠感嘆有時男人嘅歡樂...就係咁樸實無華..

當然歡樂嘅時間過得特別快, 到咗第二日呢兩條茂利全程都過得極到悲慘.

嗰日我哋係分組學X同H形拯救法, X形就係1救1、H就2救1, 而袋癬同軍佬兩條戇鳩一開始就畀我哋圍到反船, 之後無論佢哋點樣求救都冇人肯去佢救佢哋, 反正個個都著咗救生衣, 點睇佢哋都唔會浸死,

係得大sir驚玩出人命, 每次等佢哋浸足十零廿分鐘之後, 先勉為其難咁去幫佢兩個上返船, 但大sir一走又即刻畀我哋撞到反返.

到上返岸嗰陣, 兩個人連啲皮都浸到泡曬, 好似準備脫皮咁...